Mose II, 11:8 - BAIBLO ALOO NGMAMI KLƆUKLƆU Ɔ

⁸ O tsɔli ɔmɛ tsuo ma ba kpla si ha mi, nɛ a ma kpa mi pɛɛ ma de ke, ‘Nyɛɛ ho, nyɛɛ kɛ nihi nɛ nyɛɛ nyɛ se ɔ tsuo.’ Lɔ ɔ se ɔ, ma je.” Nɛ Mose kɛ mi mi la nɛ nya wa je Farao ɔ hɛ mi.

Mose II, 11:8 ပူးပေါင်းရင်းမြစ်များ

Matsɛmɛ I, 20:10

Pee se ɔ, Benhadad kpale tsɔ mɛ Ahab ngɔ ekohu nɛ e ya de lɛ ke, “Ma ngɔ nimli nɛ a he hiɛ babauu pe Samaria tabo zu kɛ ba kpata o ma a hɛ mi. Ke i nyɛ we ma pee nɔ́ nɛ ɔ, lɛɛ mawu ɔmɛ nɛ a fia mi nɔ nɛ a gbe!”

Matsɛmɛ II, 3:9

Kɛkɛ nɛ Israel, Yuda, kɛ Edom matsɛmɛ ɔmɛ pue nɔ kɛ ho. Benɛ a ya wo lalaalo kɛ nyɛɛ ligbi kpaago ɔ, a nɛ nyu ha ta buli ɔmɛ, kɛ a lohwe ɔmɛ.

Nehemia 5:6

Benɛ i nu ní nɛ ɔmɛ nɛ a ngɛ mɛ pee ɔ, ye mi mi fu wawɛɛ,

La 6:1

Yawɛ, koo ngɔ abofu kɛ ka ye hɛ mi; koo ngɔ mi mi la kɛ gbla ye tue.

Mose II, 10:29

Mose de lɛ ke, “Saminya! Kaa bɔ nɛ o de ɔ, o be imi hu ye hɛ mi nae hu gblegbleegble!”

Yesaya 49:23

Matsɛmɛ ma plɛ pee tsɛmɛ kɛ ha mo, nɛ manyɛmɛ ma plɛ pee nyɛmɛ kɛ ha mo. A ma kpla si ha mo, nɛ a maa wo o hɛ mi nyami. A maa ba a he si ha mo, nɛ a maa bu mo. Kɛkɛ ɔ, o maa le kaa imi ji Yawɛ niinɛ. Nihi nɛ ngɔɔ a hɛ ngɔ fɔɔ ye nɔ ɔ, zo be mɛ gbee.”

Yesaya 49:26

Ma ha nihi nɛ ngɛ mo haoe ɔ maa ye mɛ nitsɛmɛ a he lo awi; mɛ nitsɛmɛ a muɔ maa de mɛ kaa wai. Kɛkɛ ɔ, nimli adesahi tsuo maa le kaa imi ji Yawɛ. Imi ji nɔ nɛ heɔ o yi wami, nɛ haa nɛ o yeɔ o he. A ma na le kaa imi ji Israel Mawu kpetekpleenyɛ ɔ nɛ.”

Ezekiel 3:14

Yawɛ he wami ba ye nɔ wawɛɛ nitsɛ; nɛ benɛ mumi ɔ wo mi kɛ yaa a, e dɔ mi, nɛ ye bua jɔɛ kulaa.

Daniel 3:19

Jehanɛ lɛɛ Nebukadnezar mi mi fu wawɛɛ nitsɛ, nɛ e tu e hɛ mi ngɔ wo Shadrak, Meshak kɛ Abednego. E fa ke a wo flɔɔnɔɔ ɔ mi la nɛ e dɔ si kpaago pe bɔ nɛ e dɔɔ daa a.

Mose IV, 12:3

Mose nɛ ɔ, nɔmlɔ nɛ he jɔ ji lɛ; niinɛ e he jɔ pe nimli adesahi tsuo nɛ a ngɛ zugba a nɔ ɔ.

Marko 3:5

Yesu kɛ abofu hyɛ a hɛ mi kɛ kpe; e dɔ lɛ kaa a tsui wa kikɛ nɛ ɔ. Kɛkɛ nɛ e de nyumu ɔ ke, “Kpã o nine mi!” E pee ja; nɛ a tsa e nine ɔ.

Mose V, 29:24

Ke e ba mi ja a, je ɔ tsuo ma bi si ke, ‘Mɛni he je nɛ Yawɛ pee e zugba a kikɛ nɛ ɔ?

Mose V, 32:24

Hwɔ kɛ aslã maa gbe mɛ, nɛ hiɔhi nɛ ngɛ gbeyegbeye ma kpata a hɛ mi. Ma ha nga mi lohwe awi yeli ma ba tua mɛ, nɛ sinɔ duɔtsɛmɛ maa kɔɔ mɛ.

Hebribi 11:27

Hemi kɛ yemi lɛ ha nɛ Mose je Egipt nɛ e yi matsɛ ɔ mi mi fumi ɔ gbeye. E kpale we e se, ejakaa Mawu nɛ e nɛ́ kɛ e hɛngmɛ ɔ, e pɛtɛ e he wawɛɛ kaa nɔ́ nɛ e ngɛ lɛ hyɛe paa.

Kpojemi 3:9

Hyɛ! Ni ɔmɛ nɛ je Abosiami jali a kuu ɔ mi ɔ, lakpatsɛmɛ ɔmɛ nɛ deɔ ke Yuda bi ji mɛ, pohu e be mi ja a, nɔ́ nɛ ma pee mɛ ji nɛ ɔ nɛ. Ma ha nɛ a maa ba nɛ a ma ba kpla si ngɛ o nane nya. Nɛ mɛ tsuo a ma na le kaa i suɔ mo.

Manyadali 4:10

Barak ya kpee Zebulun kɛ Naftali wɛtso ɔmɛ kɛ ho Kedesh ya; nɛ nyumuhi akpe nyɔngma nyɛɛ e se. Debora hu kɛ lɛ ho.

Manyadali 8:5

Benɛ a ya su Sukot ɔ, Gideon de nyumu ɔmɛ ngɛ ma a mi ke, “I kɛ ye we bi ɔmɛ ngɛ Zeba kɛ Zalmuna, Midian matsɛmɛ ɔmɛ a se nyɛɛe; nɛ pɔ tɔ wɔ. I kpa nyɛ pɛɛ, nyɛ hla nɔ́ ko ha ye we bi ɔmɛ nɛ a ye.”