Mose II, 11:3 - BAIBLO ALOO NGMAMI KLƆUKLƆU Ɔ

³ Yawɛ dloomi nya a, Egipt bi ɔmɛ na Israel bi ɔmɛ a he bua jɔmi. Niinɛ, Farao ɔ tsɔli ɔmɛ, kɛ ma a tsuo buu Mose kaa nɔmlɔ ngua nitsɛnitsɛ ngɛ Egipt zugba a nɔ.

Mose II, 11:3 ပူးပေါင်းရင်းမြစ်များ

Mose I, 12:2

Ma ha mo nina babauu, nɛ a maa pee je ma agbo. Ma gbaa mo, nɛ ma ha o ma he biɛ, nɛ a maa gu o nɔ kɛ gbaa nihi babauu.

Mose I, 39:21

Se Yawɛ kɛ Yosef ngɛ; nɛ e na lɛ mɔbɔ, nɛ e ha nɛ pamitsɛmɛ ɔmɛ a nɔ hyɛlɔ ɔ na e he bua jɔmi.

Samuel II, 7:9

Imi lɛ i kɛ mo nyɛɛ kɛ ya kɛ ba; nɛ imi nɔuu lɛ i kpata o he nyɛli ɔmɛ tsuo a hɛ mi ngɛ o blɔ ɔ nɔ. Ma ha nɛ o ma na biɛ kaa nimli nguahi nɛ ngɛ zugba a nɔ ɔ a ti nɔ ko.

Ester 9:4

Mordekai ba pee nɔmlɔ ngua ngɛ matsɛ we ɔ, nɛ e biɛ pɛ ngɛ nɔ yemi he ɔmɛ tsuo; ejakaa blɔ nya nɛ e hɛɛ ɔ ngɛ nɔ kuɔe, nɛ e nɔ gbɔ we gblee.

La 106:46

E ha nɛ a ní pee nihi tsuo nɛ nuu mɛ nyɔguɛ ɔ mɔbɔ.

Mose II, 12:35

Israel bi ɔmɛ pee kaa bɔ nɛ Mose de mɛ ɔ; a ya ba june ní, sika hiɔ, sika tsu, kɛ bohi ngɛ Egipt bi ɔmɛ a dɛ.

Mose II, 12:36

Yawɛ ha Egipt bi ɔmɛ ná Israel bi ɔmɛ a he bua jɔmi, nɛ a ha mɛ níhi nɛ a ya ba ngɛ a dɛ ɔ. Blɔ nɔ nɛ Israel bi ɔmɛ gu kɛ kpakpaa Egipt bi ɔmɛ a he níhi kɛ je ji nɛ ɔ nɛ.

Mose II, 3:21

“Ma ha nɛ Egipt bi ɔmɛ maa na ye ma nɛ ɔ mɔbɔ; nɛ ke e su be nɛ nyɛ maa je ɔ, nyɛ be jee kɛ nyɛ dɛ gu.

Yesaya 60:14

Nihi nɛ wa mo yi mi ɔ a bimɛ ɔmɛ maa ba, nɛ a ma ba kpla si ha mo. Nihi nɛ gbe o he guɛ be ko ɔ, mɛ hu a ma ba kpla si ngɛ o nane nya. Nɛ a ma tsɛ mo ke, ‘Yawɛ ma,’ ‘Zion, Israel Mawu klɔuklɔu ɔ ma.’

Ni Tsumi 7:22

A tsɔɔ Mose Egipt nile tsuo, nɛ e na biɛ kpanaa; e he biɛ ngɛ munyu tumi kɛ e ní peepee tsuo mi.

Mose V, 34:10

Gbalɔ ko ti si hu ngɛ Israel kaa Mose, nɛ́ e kɛ Mawu tu munyu hɛ mi kɛ hɛ mi.

Mose V, 34:11

Gbalɔ kpa ko hu tsu we nyakpɛ níhi nɛ Yawɛ ha nɛ Mose tsu ngɛ Egipt matsɛ ɔ, kɛ e tsɔli ɔmɛ, kɛ e zugba a tsuo nɔ ɔ kaa lɛ.

Yoshua 4:14

Jamɛ a ligbi ɔ, Yawɛ wo Yoshua hɛ mi nyami ngɛ Israel bi ɔmɛ tsuo kulaa a hɛ mi; nɛ a ye lɛ gbeye e wami ligbi ɔmɛ tsuo, kaa bɔ nɛ a ye Mose gbeye ɔ.

Kpojemi 3:9

Hyɛ! Ni ɔmɛ nɛ je Abosiami jali a kuu ɔ mi ɔ, lakpatsɛmɛ ɔmɛ nɛ deɔ ke Yuda bi ji mɛ, pohu e be mi ja a, nɔ́ nɛ ma pee mɛ ji nɛ ɔ nɛ. Ma ha nɛ a maa ba nɛ a ma ba kpla si ngɛ o nane nya. Nɛ mɛ tsuo a ma na le kaa i suɔ mo.