Mose II, 11:1 - BAIBLO ALOO NGMAMI KLƆUKLƆU Ɔ

¹ Yawɛ de Mose ke, “E piɛ haomi kake nɛ i kɛ maa ba Farao ɔ kɛ Egipt nɔ, nɛ lɔ ɔ se ɔ, e ma ha nɛ nyɛɛ je. Ke be ɔ su nɛ e ma ha nɛ nyɛɛ ho ɔ, pe e maa fie nyɛ, nɛ e maa bɛɛ nyɛ kaa a bɛɛɔ dwɔmi.

Mose II, 11:1 ပူးပေါင်းရင်းမြစ်များ

Mose III, 26:21

“Ke nyɛ tsɔ ye hɛ mi atuã, nɛ nyɛ bui mi kɛ mwɔɔ ɔ, ma kpale gbla nyɛ tue totoe kpaago ekohu.

Mose I, 15:14

Se jamɛ a je ma a nɛ maa wa mɛ yi mi ɔ, ma gbla a tue. Nyagbe ɔ, a maa muɔ jamɛ a zugba a nɔ ní babauu kɛ je.

Mose II, 9:14

Jehanɛ ɔ lɛɛ i be o tsɔli ɔmɛ, kɛ o ma a kɛkɛ tue gblae; se mohu ma ha nɛ nɔ́ nami ɔ maa sa mo nitsɛ hu o he, konɛ o le kaa nɔ ko nɔ ko be nɛ e kɛ mi sɔ ngɛ je ɔ mi tsuo.

Mose II, 3:20

Lɔ ɔ he ɔ, ma ngɔ ye nyakpɛ níhi tsuo nɛ ma pee ngɛ a kpɛti ɔ kɛ fia mɛ ní kɛ tsɔɔ mɛ ye nine si wami. Enɛ ɔ se ɔ, e maa ngmɛɛ nyɛ he.

Mose V, 4:34

Anɛ mawu ko ka hyɛ kaa e ma ya je je ma ko kɛ je je ma kpa ko mi kɛ pee lɛ nitsɛ e ma, kaa bɔ nɛ Yawɛ, nyɛ Mawu ɔ pee ha nyɛ ngɛ Egipt ɔ lo? Nyɛ nitsɛmɛ nyɛ na kɛ nyɛ hɛngmɛ, bɔ nɛ e je e he wami, kɛ e nyɛmi kpetekpleenyɛ ɔ kpo; e kɛ gbenɔ hiɔhi, kɛ ta ba; e pee okadihi, kɛ nyakpɛ níhi; nɛ e ha gbeye ní nguanguahi ba.

Kpojemi 16:9

Pu la nɛ nya wa a sãã mɛ saminya, nɛ a tu musu bɔmi munyuhi kɛ si Mawu, nɔ nɛ ngɛ he wami ngɛ kikɛmɛ a haomi nɛ ɔmɛ a nɔ ɔ. Se a tsakee we a tsui, konɛ a wo Mawu hɛ mi nyami.

Hiob 10:17

Daa nɛ ɔ, o yeɔ odase kɛ siɔ mi. Daa nɛ ɔ, o mi mi fuɔ mi wawɛɛ nitsɛ, nɛ daa nɛ ɔ, o toɔ ga he nɛ o kɛ ye mi awi.

Samuel I, 6:4

Ma a bi ke, “Mɛni fɔ yemi bɔ waa kɛ maa ya a?” Nɛ a ha heto ke, “Sika tsu tslɔɔ enuɔ, kɛ sika tsu kɔkue enuɔ, ngɛ Filisti matsɛmɛ ɔmɛ a hiɛmi nya; ejakaa haomi kake ɔ nɔuu lɛ ba nyɛɛ kɛ nyɛ matsɛmɛ enuɔ ɔmɛ tsuo nyɛ nɔ ɔ nɛ.

Mose II, 6:1

Kɛkɛ nɛ Yawɛ de Mose ke, “Kpaako loko o maa na nɔ́ nɛ ma pee Farao ɔ, ejakaa lɛ nitsɛ e kɛ e he wami maa fie Israel bi ɔmɛ kɛ maa je e zugba a nɔ.”

Mose II, 12:29

Nyɔ mi kɔ̃kɔ̃ɔ̃kɔ̃ ɔ, Yawɛ gbe Egipt zugba a nɔ kekleekle binyumuhi tsuo, kɛ je Farao ɔ bitɛte ɔ nɛ maa ye tsɛ ngɛ sɛ ɔ nɔ ɔ nɔ kɛ ya si pã mi no bitɛte nɔ. We mi lohwehi hu Yawɛ gbe a kekleekle bihi tsuo.