Mose II, 10:3 - BAIBLO ALOO NGMAMI KLƆUKLƆU Ɔ

³ Mose kɛ Aaron ho Farao ɔ ngɔ ya, nɛ a ya de lɛ ke, “Bɔ nɛ Yawɛ, Hebri bi ɔmɛ a Mawu ɔ de ji nɛ ɔ nɛ: ‘Mɛni be o ma kua o he si bami ha mi kɛ yaa si? Ha ye ma a nɛ ya nɛ a ya ja mi.

Mose II, 10:3 ပူးပေါင်းရင်းမြစ်များ

Matsɛmɛ I, 18:21

Eliya hɛ lɛ kɛ su ma a he, nɛ e bi mɛ ke, “Kɛ yaa si mɛni be loko nyɛ maa pee nyɛ juɛmi ngɛ nɔ́ enyɔ nɛ ɔmɛ a he? Ke Yawɛ ji Mawu ɔ, nyɛ ja lɛ; ke Baal ji Mawu ɔ, nyɛ ja lɛ.” Se ma a ha we lɛ heto.

Matsɛmɛ I, 21:29

“O na bɔ nɛ Ahab ba e he si ha mi ɔ? Akɛnɛ e pee nɔ́ nɛ ɔ he je ɔ, i be hae nɛ haomi ɔ nɛ ba e nɔ ngɛ e wami be mi; e binyumu ɔ yi nɔ nɛ ma ngɔ haomi kɛ ba Ahab we ɔ nɔ!”

Matsɛmɛ II, 22:19

nɛ o pia o he, nɛ o ba o he si ha mi. Benɛ o nu bɔ nɛ i to nɛ ma gbla Yerusalem, kɛ ma mi bi ɔmɛ a tue, kɛ bɔ nɛ i to nɛ ma pee ma a ma doku, nɛ a ma tsɛ ma a biɛ kɛ gbiɛ nɔ ɔ, o kɛ aywilɛho hía o tade ɔmɛ, nɛ o fo ya. Kue nɛ o fa ha mi ɔ, i nu.

Kronika II, 33:12

Benɛ e ngɛ haomi mi ɔ, e ba e he si, nɛ e fa kue ha Yawɛ, e nɛmɛ a Mawu ɔ.

Kronika II, 33:19

A ngma Manase he ní nɛ ɔmɛ hu ngɛ Gbali ɔmɛ a Blema Sanehi Womi ɔ mi: kue nɛ Manase fa, kɛ bɔ nɛ Mawu bu lɛ tue ha, yayamihi nɛ e pee loko e ba tsake e tsui, jami hehi nɛ e po, yo mawu ɔ nɛ a tsɛɛ Ashera a we amagahi nɛ e puɛ, kɛ amagahi nɛ e ja.

Kronika II, 34:27

nɛ o tsake o tsui, nɛ o ba o he si ngɛ ye hɛ mi. Benɛ o nu bɔ nɛ i to nɛ ma gbla Yerusalem, kɛ Yerusalem ma mi bi ɔmɛ a tue ha a, o hía o he tade ɔmɛ, nɛ o wo ya. I nu o kue fami ɔ.

Kronika II, 7:14

nɛ a pia a he, nɛ a fa kue ha mi, nɛ a kpa yayami ɔ nɛ a ngɛ pee ɔ, ma nu a kue fami ɔ ngɛ hiɔwe. Kɛkɛ ɔ, ma ngɔ a yayami ɔmɛ ngɔ pa mɛ, nɛ ma ha kplɔkɔtɔ maa ba a zugba a nɔ ekohu.

Hiob 42:6

Nɔ́ nɛ i pee ɔ dɔ mi. Lɔ ɔ he ɔ, i kɛ tabo zu kɛ la zu to okadi kaa i pia ye he niinɛ.

Mose II, 10:4

Ke o kplɛɛ we nɛ ye ma a nɛ ya a, lɛɛ hwɔɔmɛ a je hwɔɔ ɔ, ma ha baalɛhi maa ba o zugba a nɔ.

Mose II, 16:28

Nɛ Yawɛ de Mose ke, “Kɛ yaa si mɛni be nɛ nyɛ maa ya nɔ ma gbo mi tue nɛ nyɛ ma kua ye mlaa amɛ a nɔ yemi?

Mose II, 4:23

I de mo ke o ha nɛ ye bi ɔ nɛ ya nɛ e ya ja mi, se o kplɛɛ we. Lɔ ɔ he ɔ, ma gbe o binyumu ɔ, o bitɛte ɔ!’ ”

Mose II, 5:1

Pee se ɔ, Mose kɛ Aaron ho Farao ɔ ngɔ ya, nɛ a ya de lɛ ke, “Bɔ nɛ Yawɛ, Israel Mawu ɔ de ji nɛ ɔ nɛ: ‘Ha ye ma a nɛ ho, nɛ a ya ye nyami ligbi nɛ a kɛ ja mi ngɛ nga a nɔ.’ ”

Mose II, 9:17

Akɛnɛ o ngɛ o he nɔ woe ngɛ ye ma a nɔ kɛ mwɔɔ, nɛ o ngmɛɛ we a he nɛ a ya he je ɔ,

Abɛ Womi 1:22

“Kuasiahi! Mɛni be nyɛ maa biɛ kɛ yaa si? Fɛu yeli! Mɛni be nyɛ maa ye fɛu kɛ yaa si? Anɛ nyɛ be ní kasee?

Abɛ Womi 1:24

I hla nyɛ se blɔ, nɛ i tsɛ nyɛ si abɔ ke nyɛɛ ba ye ngɔ. Se nyɛ bui fɛɛ.

Abɛ Womi 18:12

Nɔ nɛ baa e he si ɔ, a maa wo e hɛ mi nyami; ni nɛmɛ nɛ woɔ a he nɔ ɔ, mɛɛ lɛɛ hɛ mi kpatami blɔ nɔ a ngɛ.

Yesaya 1:5

Mɛni he je nyɛ ngɛ atuã tsɔe kɛ mwɔɔ ɔ? Nyɛ ngɛ hlae nɛ a gbla nyɛ tue fuu lo? Israel, o yi tsuo pee pa, nɛ o tsui gbɔjɔ.

Yesaya 2:11

Be ma nɛ nɔmlɔ adesa he tsɔɔmi, kɛ e he nɔ womi tsuo a se maa po. Kɛkɛ ɔ, a ma wo Yawɛ pɛ nɔ gojoo.

Yeremia 13:10

Nimli yiwutsotsɛmɛ nɛ ɔmɛ kua mi tue bumi. A wa tue, nɛ a pee nɔ́ nɛ a suɔ; a ya ja mawu kpahi, nɛ a sɔmɔ mɛ. Enɛ ɔmɛ a he je ɔ, ma ha nɛ a maa pee kaa bɔjuɛ nɛ ɔ nɛ he be se nami ko hu ɔ.

Yeremia 13:18

Yawɛ de mi ke, “De matsɛ ɔ kɛ e nyɛ ɔ ke, a ba a he si, ejakaa a jlasi saminyawiiwi ɔmɛ je a yi nɔ si.

Yeremia 50:29

“Nyɛ ha nɛ nihi nɛ le kɛ̃ɛ̃ tsɛ̃mi ɔ, a ya nɛ a ya tua Babilon. Nyɛ ha nɛ ni nɛmɛ tsuo nɛ tsuɔ kɛ̃ɛ̃ he ní ɔ, a ya sa ma a yi kɛ kpe, nɛ nɔ ko nɔ ko nɛ ko tu fo kɛ je. Nyɛɛ gbla e tue ngɛ níhi nɛ e pee ɔ tsuo he. Bɔ nɛ e pee ni kpa amɛ ɔ, nyɛɛ pee lɛ ngɔ to nane mi ja nɔuu; ejakaa e wo e he nɔ ngɛ imi Yawɛ, Israel Nɔ Klɔuklɔu ɔ, ye nɔ.

Ezekiel 5:6

Se Yerusalem tsɔ atuã; e yi ye mlaa amɛ a nɔ, mohu e pee yayamihi nɛ nya wa babauu pe je ma kpa amɛ nɛ bɔle lɛ ɔ. E wa tue, nɛ e bui nɔ́ ko nɔ́ ko. Yerusalem yi ye mlaa amɛ a nɔ.

Daniel 5:22

“Nɛ mo Belshazar, Nebukadnezar bi, o le ní nɛ ɔmɛ tsuo; se kɛ̃ ɔ, o bɛ o he si.

Mose IV, 14:27

“Mɛni be ma yiwutsotsɛmɛ nɛ ɔmɛ maa hɔɔ nya si kɛ wo mi kɛ yaa si? Munyu huitihuiti nɛ Israel ma a ngɛ tue kɛ ngɛ mi sie ɔ, i nu.

Romabi 2:4

O bui nɔ́! Mɛni he je ɔ, Mawu mi mi jɔ, e naa nɔ he tsui, nɛ e toɔ e tsui si. Blɔɔ o li kaa Mawu mi mi jɔ ha mo konɛ o tsake o tsui lo?

Hebribi 12:25

Lɔ ɔ he ɔ, nɔ nɛ kɛ nyɛ ngɛ munyu tue ɔ, nyɛɛ bu lɛ tue. Nihi nɛ bui nɔ nɛ bɔ mɛ kɔkɔ ngɛ zugba a nɔ tue ɔ, a yi a he. Nɛ wɔɔ lɛɛ ke nɔ nɛ je hiɔwe ɔ kɛ wɔ ngɛ munyu tue nɛ wa bui lɛ tue ɔ, kɛ wa maa pee kɛ ye wa he kɛɛ?

Yakobo 4:10

Nyɛɛ ba nyɛ he si ngɛ Nyɔmtsɛ ɔ hɛ mi, nɛ e ma wo nyɛ nɔ.

1 Petro 5:6

Lɔ ɔ he ɔ, nyɛɛ ba nyɛ he si ha Mawu, nɔ nɛ he wa, nɛ e buu nyɛ he ɔ. Kɛkɛ ɔ, ke e su be nɛ lɛ nitsɛ e to ɔ, e ma wo nyɛ nɔ.