Mose II, 10:28 - BAIBLO ALOO NGMAMI KLƆUKLƆU Ɔ

²⁸ Kɛkɛ nɛ Farao ɔ de Mose ke, “Jee hiɛ ɔ nɛ o ho! Hyɛ nɛ e hi nɛ o ko ha nɛ ma na o hɛ mi ekohu. Ligbi nɛ o ma ba da ye hɛ mi ekohu ɔ, o ma gbo.”

Mose II, 10:28 ပူးပေါင်းရင်းမြစ်များ

Amos 7:13

Se Betel ma nɛ ɔ mi lɛɛ o be hie nɛ o kɛ gba hu gblegbleegble. Ejakaa hiɛmɛ nɛ ɔ lɛ matsɛ ɔ jaa Mawu ngɛ; hiɛmɛ nɛ ɔ ji ma a tsuo a jami he klɔuklɔu.”

Kronika II, 25:16

Se benɛ gbalɔ ɔ ngɛ munyu tue kɛ mwɔɔ ɔ, Amazia po munyu ngɛ e nya, nɛ e bi lɛ ke, “Kɛ je mɛni be lɛ wa wo mo matsɛ ga wolɔ? Jɔɔ mo; ke pi ja a, ma ha a gbe mo piɔ!” Kɛkɛ nɛ gbalɔ ɔ kpa. Se loko e maa pee dii ɔ, e de matsɛ ɔ ke, “Jehanɛ lɛɛ i le kaa Mawu to e yi mi kaa e ma kpata o hɛ mi; ejakaa o bui ye ga womi ɔ tue, nɛ o ya tsu nɔ́ nɛ ɔ.”

Kronika II, 16:10

Nɔ́ nɛ ɔ ha Asa mi mi fu gbalɔ ɔ wawɛɛ nitsɛ, nɛ e wo lɛ tsu. Jamɛ a be ɔ mi nɔuu ɔ, Asa bɔni ma mi bi ɔmɛ ekomɛ yi mi wami.

Hebribi 11:27

Hemi kɛ yemi lɛ ha nɛ Mose je Egipt nɛ e yi matsɛ ɔ mi mi fumi ɔ gbeye. E kpale we e se, ejakaa Mawu nɛ e nɛ́ kɛ e hɛngmɛ ɔ, e pɛtɛ e he wawɛɛ kaa nɔ́ nɛ e ngɛ lɛ hyɛe paa.

Mose II, 10:11

Dɛbi! Nyɛ nyumu ɔmɛ, nyɛ kɛkɛ nyɛɛ ya nɛ nyɛ ya ja Yawɛ, ejakaa lɔ ɔ ji nɔ́ nɛ nyɛ ngɛ hlae.” Kɛkɛ nɛ a fie mɛ kɛ je Farao ɔ hɛ mi.

Mose II, 18:4

Nɔ kake hu biɛ ji Eliezer; e sisi ji “Tsaatsɛ e Mawu nɛ doo ha mi; lɛ nɛ je mi kɛ je Farao ɔ ta a nya.”