Mose II, 10:26 - BAIBLO ALOO NGMAMI KLƆUKLƆU Ɔ

²⁶ Dɛbi! Wa maa ngɔ wa lohwe ɔmɛ hu kɛ ho; wa be lohwe nane kokloto kake po sie ngɛ se. Lohwe nɛ ɔmɛ ekomɛ waa kɛ ma ja Yawɛ, wa Mawu ɔ nɛ; lohwe pɔtɛɛ nɛ waa kɛ maa sã bɔ ha Yawɛ ɔ, wa be lee, ja wa ya su lejɛ ɔ lolo.”

Mose II, 10:26 ပူးပေါင်းရင်းမြစ်များ

Hebribi 11:8

Hemi kɛ yemi lɛ ha nɛ Abraham bu Mawu tue, benɛ a tsɛ lɛ nɛ a de lɛ ke e je he nɛ e ngɛ ɔ kɛ ya zugba nɛ ma ba pee e weto ní ɔ nɔ. Abraham pue nɔ kɛ ho, pohu e li he nɛ e yaa.

2 Korintobi 8:5

Nɔ́ nɛ nyɛɛ se ɔ, wa hɛ be nɔ kulaa! Kekleekle ɔ, a ngɔ a he ngɔ ha kaa a ma sɔmɔ Nyɔmtsɛ Yesu ngɛ blɔ tsuaa blɔ nɔ. Jehanɛ hu, a wo wɔ si ke a maa bu wɔ tue kaa bɔ nɛ Mawu hlaa nɛ a pee ɔ.

Zakaria 14:20

Jamɛ a be ɔ, a maa ngma ngɛ okpɔngɔ kuɛ ngmlɛ ɔmɛ a nɔ ke, “Klɔuklɔu kɛ ha Yawɛ.” Buɛhi nɛ ngɛ Mawu we ɔ maa pee klɔuklɔu kaa kãhi nɛ ngɛ bɔ sami la tɛ ɔ hɛ mi ɔ nɔuu.

Hosea 5:6

A maa ngɔ tohi, kɛ nahi kɛ ba sã bɔ ha Yawɛ, se a be lɛ nae; ejakaa Yawɛ je a se.

Yesaya 23:18

Sika nɛ e ma na kɛ je e jua yemi ɔ mi ɔ, e maa gbaa nɔ kɛ ha Yawɛ. E be nya buae kɛ to, se mohu nihi nɛ ma ba ja Yawɛ ɔ, a maa ngɔ sika nɛ ɔ kɛ he niye ní, kɛ heha ní nɛ hia mɛ.

Abɛ Womi 3:9

Ngɔɔ o ní babauu ɔ kɛ wo Yawɛ hɛ mi nyami; ngɔɔ o niba ní tsuo mi kekleekle nɔ́ kɛ sã bɔ ha lɛ.

Mose II, 12:32

Nyɛɛ ho kɛ nyɛ to ɔmɛ, kɛ nyɛ na amɛ kaa bɔ nɛ nyɛ de ɔ. Nyɛɛ sɔle ha mi, konɛ Yawɛ nɛ gbaa imi hulɔ.”

Mose II, 10:9

Mose ha lɛ heto ke, “Wɔ tsuo pɛpɛɛpɛ nɛ wa maa ya a nɛ; jokuɛwi kɛ nikɔtɔmahi. Waa kɛ wa binyumuhi, wa biyihi, kɛ wa lohwehi kulaa maa ya; ejakaa wa yaa nɛ wa ya ye nyami ligbi kɛ wo Yawɛ hɛ mi nyami.”

Mose II, 10:25

Se Mose bi lɛ ke, “Lɛɛ mo nitsɛ o ma ha wɔ lohwehi nɛ wa kɛ ya sã bɔ ha Yawɛ, wa Mawu ɔ lo?

Mose II, 8:27

Wa maa nyɛɛ ligbi etɛ blɔ kɛ ya nga a nɔ nɛ wa ya sã bɔ ha Yawɛ, wa Mawu ɔ, kaa bɔ nɛ e maa tsɔɔ ke waa pee ɔ.”