Mose II, 10:21 - BAIBLO ALOO NGMAMI KLƆUKLƆU Ɔ

²¹ Yawɛ de Mose ke, “Wo o nine nɔ kɛ tsɔɔ hiɔwe, konɛ diblii kpii nɛ wo ngɛ Egipt zugba a nɔ.”

Mose II, 10:21 ပူးပေါင်းရင်းမြစ်များ

Yuda 1:6

Nyɛ kai Mawu bɔfohi nɛ hɛɛ blɔ nya sa a, nɛ pee se ɔ, a tsɔ atuã kɛ je mɛ nitsɛmɛ a si himi he ɔ. Amlɔ nɛ ɔ, a kɛ kɔsɔkɔsɔ fi mɛ, nɛ Mawu ngɔ mɛ ngɔ to gbogboehi a je ngɛ diblii nɛ mi ti mi. Lejɛ ɔ nɛ a maa hi hluu kɛ yaa si ligbi ngua a maa su, nɛ a maa kojo mɛ.

2 Petro 2:17

Nimli nɛ ɔmɛ ngɛ kaa nyu vuhi nɛ nyu be a mi; a ngɛ kaa bɔkuhi nɛ ahumi ngɔ kɛ yaa. Mawu dla he ko ngɔ to mɛ ngɛ diblii nɛ mi ti mi.

2 Petro 2:4

Bɔfohi nɛ pee yayami ɔ, Mawu ngɔɛ a he ngɔ ki mɛ, se mohu e tsitsɛɛ mɛ ngɔ wo gbeje muɔ mi. A fi mɛ ngɔ wo diblii mi, nɛ a maa hi mlɛe ngɛ lejɛ ɔ hluu kɛ yaa si kojomi ligbi ɔ.

Luka 23:44

Piani ngmlɛ nyɔngma kɛ enyɔ ɔ, pu jɔɔ kpɛmi, nɛ diblii wo ngɛ zugba a nɔ tsuo kɛ ya si gbɔkuɛ ngmlɛ etɛ mi.

Marko 15:33

Diblii wo ngɛ zugba a tsuo nɔ kɛ je piani ngmlɛ nyɔngma kɛ enyɔ kɛ ya si ngmlɛ etɛ.

Mateo 27:45

Piani ngmlɛ nyɔngma kɛ enyɔ ɔ, zugba a nɔ tsuo wo diblii ngmlɛfia etɛ sɔuu.

Abɛ Womi 4:19

Yayami peeli lɛɛ a blɔ nɔ woɔ diblii kpii kaa nyɔ mi. A tɛɔ nɔ́ nɛ a nɔɔ si, se a li nɔ́ nɛ ji.

La 105:28

Mawu ha nɛ diblii wo ngɛ zugba a nɔ. Se nɔ́ nɛ e fa Egipt bi ɔmɛ ke a pee ɔ, a bui fɛɛ.

Mose V, 28:29

Nyɛ maa hi si tataae piani katakata kaa nɔ nɛ hyɛ we nɔ́, nɛ nyɛ be blɔ nae. Nyɛ nɔ́ ko nɔ́ ko be nɔ yae? A maa wa nyɛ yi mi, nɛ a maa fia nyɛ ojo be tsuaa be; se nyɛ be nɔ ko nae nɛ maa je ngmlaa ha nyɛ.

Mose II, 9:22

Kɛkɛ nɛ Yawɛ de Mose ke, “Mo wo o nine kɛ tsɔɔ hiɔwe, nɛ gbiɛ ngo ngu nɛ́ nɛ kɛ pue zugba a tsuo nɔ, kɛ pue nimli, lohwehi, kɛ nga nɔ tsohi a nɔ.”

Yuda 1:13

A ngɛ kaa wo mi oslɔke nɛ ngɛ kue hamahama, nɛ a zo ní ɔmɛ je kpo paa kaa hwɔli. A ngɛ kaa dodoehi nɛ ngɛ si bɔlee kɛ ngɛ yae kɛ ngɛ bae; nimli nɛ ɔmɛ ɔ, Mawu dla he ko ngɔ to mɛ momo ngɛ gbogboehi a je diblii nɛ mi ti ɔ mi.

Fiɛlɔ 6:4

Bimwɔyo nɛ ɔ fɔmi peeɔ yaka dengme; e laa ngɛ diblii mi, nɛ nihi a hɛ jeɔ e nɔ.

Fiɛlɔ 2:14

Ní lelɔ le he nɛ e yaa; kuasia lɛɛ e li. Se kɛ̃ ɔ, amanehlu kake ɔ nɔuu lɛ baa mɛ ni enyɔ ɔmɛ tsuo a nɔ.

La 78:49

E mi mi fu mɛ wawɛɛ nitsɛ; nɛ abofu nɛ ɔ ngɔ haomi babauu kɛ ba a nɔ kaa Mawu bɔfohi kpataa nɔ hɛ mi.

La 35:6

Ha nɛ a blɔ ɔ nɔ nɛ wo diblii, nɛ e sane. Ha nɛ Yawɛ bɔfo ɔ nɛ nyɛɛ a se.

Kpojemi 8:12

Jehanɛ ɔ, bɔfo eywiɛne ɔ kpa e titimati ɔ, nɛ nɔ́ ko sa pu, nyɔhiɔ, kɛ dodoe ɔmɛ tsuo a he, nɛ a nyɛ we nɛ a tsu ní bɔ nɛ sa. Lɔ ɔ he ɔ, piani ɔ, pu nyɛ we nɛ e tso piani be ɔ mi dlami etɛ mi kake; nyɔ mi hu nyɔhiɔ, kɛ dodoe ɔmɛ nyɛ we nɛ a kpɛ nyɔ mi be ɔ mi dlami etɛ mi kake.

Mose II, 7:19

Yawɛ kpale de Mose ke, “De Aaron ke, ‘Ngɔɔ o tso ɔ, nɛ o kpã o nine mi ngɛ Egipt pa amɛ, nyu dɔ ɔmɛ, kɛ taku ɔmɛ tsuo a nɔ, nɛ a mi nyu ɔ kulaa ma plɛ pee muɔ. A maa na muɔ ngɛ he tsuaa he ngɛ Egipt, ngɛ tso buɛhi, kɛ tɛ buɛhi a mi.’ ”

Ezekiel 32:7

Benɛ ma kpata o hɛ mi ɔ, ma tsi hiɔwe hɛ mi; dodoe ɔmɛ maa laa. Pu maa laa e hɛ mi ngɛ bɔku ɔmɛ a se; nɛ nyɔhiɔ be kpɛe hu.

Mose V, 1:30

Yawɛ, nyɛ Mawu ɔ nɛ nyɛɛ nyɛ hɛ mi ɔ, lɛ nitsɛ e maa hwu ha nyɛ kaa bɔ nɛ e pee ha nyɛ ngɛ Egipt,

Mose V, 4:34

Anɛ mawu ko ka hyɛ kaa e ma ya je je ma ko kɛ je je ma kpa ko mi kɛ pee lɛ nitsɛ e ma, kaa bɔ nɛ Yawɛ, nyɛ Mawu ɔ pee ha nyɛ ngɛ Egipt ɔ lo? Nyɛ nitsɛmɛ nyɛ na kɛ nyɛ hɛngmɛ, bɔ nɛ e je e he wami, kɛ e nyɛmi kpetekpleenyɛ ɔ kpo; e kɛ gbenɔ hiɔhi, kɛ ta ba; e pee okadihi, kɛ nyakpɛ níhi; nɛ e ha gbeye ní nguanguahi ba.

Hiob 5:14

Piani nɛ la ngɛ po, a hii si tataae kaa nɔ́ nɛ diblii mi lɛ a ngɛ nyɛɛe.