Mose II, 10:20 - BAIBLO ALOO NGMAMI KLƆUKLƆU Ɔ

²⁰ Se Yawɛ kplii Farao ɔ tsui ekohu nɛ e ha we nɛ Israel bi ɔmɛ nɛ a ya.

Mose II, 10:20 ပူးပေါင်းရင်းမြစ်များ

Mose II, 10:1

Yawɛ de Mose ke, “Yaa nɛ o ya na Farao ɔ. I kplii e kɛ e tsɔli ɔmɛ a tsui, bɔ nɛ pee nɛ ma pee ye we okadi nɛ ɔmɛ ngɛ a kpɛti,

Mose II, 10:19

Yawɛ tsake beleku kɔɔhiɔ ɔ kɛ pee bonyoku kɔɔhiɔ nɛ nya wa, nɛ kɔɔhiɔ ɔ muɔ baalɛ ɔmɛ kɛ ya pue Wo Tsu ɔ mi; e píɛ kake ngmelu ngɛ Egipt zugba a nɔ.

Mose II, 10:27

Se Yawɛ kplii Farao ɔ tsui ekohu, nɛ e ha we nɛ a ya.

Mose II, 11:10

Mose kɛ Aaron pee nyakpɛ ní nɛ ɔmɛ tsuo ngɛ Farao ɔ hɛ mi; se Yawɛ kplii Farao ɔ tsui, nɛ e ha we nɛ Israel bi ɔmɛ nɛ a je zugba a nɔ kɛ ho.

Mose II, 3:19

I le kaa ke nyɛ doo Egipt matsɛ ɔ nya wawɛɛ tete po, e be nyɛ he ngmɛɛe.

Mose II, 4:21

Yawɛ de Mose ke, “Ke o kpale kɛ ya Egipt ɔ, nyakpɛ níhi tsuo kulaa nɛ i ngɔ kɛ wo o dɛ ɔ, hyɛ nɛ o pee lɛ tsuo ngɛ Farao ɔ hɛ mi; se imi lɛɛ ma kplii Farao ɔ tsui, nɛ e be hae nɛ Israel bi ɔmɛ nɛ je.

Mose II, 9:12

Se Yawɛ ha nɛ Farao ɔ kplii e tsui, nɛ kaa bɔ nɛ e de Mose ɔ, Farao ɔ bui mɛ tue fɛɛ.

Romabi 9:18

Lɔ ɔ he ɔ, nɔ nɛ Mawu suɔ kaa e maa na lɛ mɔbɔ ɔ, e naa lɛ mɔbɔ, nɛ nɔ nɛ e suɔ kaa e wa tue ɔ, e haa e waa tue.

Mose V, 2:30

“Se Heshbon matsɛ, Sihon kplɛɛ we nɛ waa gu e zugba a mi kɛ be. Yawɛ, nyɛ Mawu ɔ kplii e tsui, bɔ nɛ pee nɛ waa ye e nɔ, nɛ́ wa kpɔ e zugba a ngɛ e dɛ. Jamɛ a zugba a nɔ wa ngɛ kɛ sá.