Mose II, 10:2 - BAIBLO ALOO NGMAMI KLƆUKLƆU Ɔ

² konɛ okadihi nɛ i pee ngɛ Egipt, kɛ bɔ nɛ i ha nɛ Egipt bi ɔmɛ pee a he kuasia ha a, nyɛɛ sɛɛ nɛ nyɛ bimɛ, kɛ nyɛ bibimɛ nɛ a nu, konɛ nyɛ na nɛ nyɛɛ le kaa imi ji Yawɛ.”

Mose II, 10:2 ပူးပေါင်းရင်းမြစ်များ

Samuel II, 7:22

Yawɛ Mawu lee, o kle agbo! Nɔ ko nɔ ko be nɛ ngɛ kaa mo; níhi nɛ wa nu ɔ tsɔɔ kaa mo pɛ ji Mawu.

La 44:1

Mawu lee, wa nɛmɛ ɔmɛ sɛɛ ha wɔ; nɛ wɔ nitsɛmɛ hu wa nu kɛ wa tue. A gba wɔ ke blema a, o tsu ní nguanguahi ha mɛ.

La 44:2

Wa na le kaa o ngɔ o he wami kpetekpleenyɛ ɔ kɛ fie je ma amɛ kɛ ya se, nɛ o to o ma a sisi ngɛ zugba a nɔ. O gbla je ma amɛ a tue, se o ma a lɛɛ o ha nɛ a ye a he.

La 58:11

Bɔ nɛ nimli adesahi ma de ji, “Niinɛ, ni nɛmɛ nɛ peeɔ nɔ́ nɛ da a, a naa hiɔwo kpakpa. Niinɛ, Mawu ngɛ, nɛ e kojoɔ je ɔ tsuo.”

La 71:18

Lɔ ɔ he ɔ, amlɔ nɛ ɔ nɛ i bwɔ, nɛ ye yi mi hiɛ futaa kɛ mua a, Mawu, ko kua mi! O kɛ mi nɛ hi si kɛ yaa si ma sɛɛ nyakpɛ ní nguanguahi nɛ o tsu ɔ kɛ ha yi nɔhi nɛ maa ba ngɛ se ɔ.

La 78:3

níhi nɛ wa le, nɛ wa nu, níhi nɛ wa nɛmɛ ɔmɛ de wɔ.

Mose II, 13:14

Hwɔɔ se ke nɔ ko binyumu bi lɛ ke mɛni ji kusumi nɛ ɔ sisi ɔ, e de lɛ ke, ‘Yawɛ kɛ he wami kpetekpleenyɛ je wɔ kɛ je nyɔguɛ yemi sisi ngɛ Egipt.

Mose II, 14:18

Nɛ ke i ye Farao ɔ kɛ e ta zugba lɛ ɔmɛ, kɛ e we okpɔngɔ ta buli ɔmɛ nɔ ɔ, Egipt bi ɔmɛ maa le kaa imi ji Yawɛ.”

Mose II, 14:4

Ma kplii Farao ɔ tsui, nɛ e maa fie a se. Nɛ manye nɛ ma ye ngɛ Farao ɔ, kɛ e ta a tsuo a nɔ ɔ ma ha ye hɛ mi maa ba nyami. Jamɛ a be ɔ, Egipt bi ɔmɛ maa le kaa imi ji Yawɛ.” Nɛ Israel bi ɔmɛ pee ja.

Mose II, 7:17

Bɔ nɛ Yawɛ de ji nɛ ɔ nɛ: ‘Enɛ ɔ a kɛ maa le kaa imi ji Yawɛ. Ma wo tso nɛ ngɛ ye dɛ mi ɔ kɛ fia Nilo pa a, nɛ nyu ɔ ma plɛ muɔ.

Mose II, 7:5

Ke i pee ní nɛ ɔmɛ loko Egipt bi ɔmɛ maa le kaa imi ji Yawɛ.”

Mose II, 8:6

Aaron wo e nine nɔ ngɛ Egipt pa amɛ a nɔ, nɛ e ha ovɔnɔhi ba nɛ a ba ha Egipt zugba a nɔ.

Yesaya 38:19

Nihi nɛ ngɛ hɛ ngmengmle! Ee, hɛ ngmengmletsɛmɛ nɛ a jeɔ o yi kaa bɔ nɛ i ngɛ o yi jee mwɔnɛ nɛ ɔ. Tsɛmɛ tsɔɔ a bimɛ ɔmɛ ke o yeɔ anɔkuale be tsuaa be.

Ezekiel 20:26

I ha nɛ a ngɔ mɛ nitsɛmɛ a bɔhi kɛ ble a he, nɛ a ngɔ mɛ nitsɛmɛ a bitɛtehi hu kɛ sã bɔ. I ngɔ enɛ ɔ kɛ gbla a tue, konɛ a le kaa imi ji Yawɛ.

Ezekiel 20:28

I ngɔ mɛ kɛ ba zugba nɛ i wo si kaa ma ha mɛ ɔ nɔ. Se he tsuaa he nɛ a na yoku gojoo, aloo tso nɛ bɔ kusuu ngɛ ɔ, kɛkɛ a ya sã bɔ ngɛ lejɛ ɔ. A sã bɔhi nɛ jee via, kɛ wai bɔ hulɔ; a pee ní nɛ ɔmɛ kɛ wo ye mi mi la.

Yoel 1:3

Nyɛɛ sɛɛ ha nyɛ bimɛ. Nyɛ bimɛ nɛ a sɛɛ ha a bimɛ, konɛ nyɛ bimɛ a bimɛ hu nɛ a sɛɛ ha yi nɔ nɛ maa nyɛɛ a se ɔ.

Efesobi 6:4

Fɔli, nyɛ ko wo nyɛ bimɛ ɔmɛ a mi mi la; se mohu nyɛ tsɔse mɛ, nɛ nyɛɛ wo mɛ ga kpakpa nɛ maa sa Kristo hɛ mi.

Mose V, 4:9

Nyɛɛ hyɛ saminya! Nyɛ hɛ nɛ hi nyɛ he nɔ ngɛ níhi nɛ nyɛ na kɛ nyɛ nitsɛmɛ nyɛ hɛngmɛ ɔ a he. Nyɛ hɛ ko je nɔ ligbi ko ligbi ko nyɛ wami be tsuo. Nyɛɛ tsɔɔ nyɛ bimɛ, kɛ nyɛ bibimɛ nɛ a le,