Mose II, 1:7 - BAIBLO ALOO NGMAMI KLƆUKLƆU Ɔ

⁷ Se a nina nɛ ji Israel bi ɔmɛ ɔ, bi ngɛ a he; a fɔ babauu nɛ a he hiɛ, nɛ a hyi zugba a nɔ tɔ. A he hu wa saminya.

Mose II, 1:7 ပူးပေါင်းရင်းမြစ်များ

Mose I, 1:20

Jehanɛ Mawu fa ke, “Nyu ɔ nɛ wo lo slɔɔtoslɔɔtohi babauu, nɛ́ lohwe pɛlitsɛmɛ nɛ a hi tee ngɛ hiɔwe.”

Mose I, 1:28

Mawu gbaa mɛ nɛ e de mɛ ke, “Nyɛ fɔ babauu nɛ nyɛɛ hiɛ; nyɛɛ hyi zugba a nɔ tsuo, nɛ nyɛɛ ye zugba a tsuo nɔ. Nyɛɛ ye lo ɔmɛ, lohwe pɛlitsɛmɛ ɔmɛ, kɛ zugba a nɔ lohwe ɔmɛ tsuo a nɔ.”

Mose I, 12:2

Ma ha mo nina babauu, nɛ a maa pee je ma agbo. Ma gbaa mo, nɛ ma ha o ma he biɛ, nɛ a maa gu o nɔ kɛ gbaa nihi babauu.

Mose I, 13:16

Ma ha nɛ o nina maa hiɛ babauu kaa tabo zu, nɛ e be hie kanemi; ke nɔ ko nyɛ kane tabo zu ɔ, lɛɛ e ma nyɛ kane o nina.

Mose I, 15:5

Kɛkɛ nɛ Yawɛ ngɔ Abram kɛ je kpo nɛ e de lɛ ke, “Hyɛ hiɔwe nɛ o ka kaa o ma nyɛ maa kane dodoe ɔmɛ lo; bɔ nɛ dodoe ɔmɛ hiɛ babauu ɔ, ja o nina hu maa hiɛ.”

Mose I, 17:16

Ma gbaa lɛ, nɛ ma ha e ma fɔ binyumu ha mo. Ma gbaa lɛ nɛ e maa pee je mahi a nyɛ, nɛ e bimɛ ɔmɛ ekomɛ ma ba pee matsɛmɛ.”

Mose I, 22:17

imi hu ma gbaa mo, nɛ ma ha o nina maa hiɛ babauu kaa dodoehi ngɛ hiɔwe, loo wo nya zia. O nina maa ye a he nyɛli a nɔ.

Mose I, 26:22

Isak hia kɛ je lejɛ ɔ nɛ e ya tsua vu kpa. Lɔ ɔ lɛɛ pɛ ko ti si ngɛ he; lɔ ɔ he ɔ, e wo jamɛ a vu ɔ biɛ ke Rehobot, nɛ e de ke, “Jehanɛ lɛɛ Yawɛ ha wɔ blɔ; wa maa hi zugba nɛ ɔ nɔ, nɛ wa ma plɔke ngɛ hiɛ ɔ.”

Mose I, 26:4

Ma ha o nina maa hiɛ babauu kaa dodoehi ngɛ hiɔwe, nɛ i kɛ zugba nɛ ɔ tsuo ma ha mɛ. O nina nɔ a maa gu kɛ gbaa je ma amɛ tsuo.

Mose I, 28:14

O nina maa hiɛ babauu kaa tabo zu. A maa ha zugba a nɔ tsuo kɛ je beleku je kɛ yaa si bonyoku je, jehanɛ kɛ je omleyi je kɛ yaa si leneyi je. Mo, kɛ o nina a nɔ a maa gu kɛ gbaa je ma amɛ tsuo.

Mose I, 35:11

Jehanɛ Mawu de lɛ ke, “Imi ji Mawu Ope ɔ nɛ; mo fɔ bimɛ babauu. Niinɛ, je mahi kɛ matsɛmɛ maa je o mi.

Mose I, 46:3

Mawu de lɛ ke, “Imi ji Mawu, o tsɛ Isak Mawu ɔ. Koo ye gbeye kaa o maa ya Egipt; ejakaa ma ha nɛ o nina maa pee ma agbo ngɛ lejɛ ɔ.

Mose I, 47:27

Israel bi ɔmɛ hi Goshen zugba a nɔ ngɛ Egipt. A na ní, nɛ a fɔ bimɛ, nɛ a he hiɛ babauu.

Mose I, 48:16

Mawu bɔfo ɔ nɛ hyɛ ye nɔ, nɛ je mi kɛ je haomihi tsuo a mi ɔ, e gbaa nyumuwi nɛ ɔmɛ! Nyumuwi nɛ ɔmɛ nɛ a wo imi, kɛ nɛnɛ Abraham, kɛ tsaatsɛ Isak wa biɛ ɔmɛ a hɛ mi nyami daa! A fɔ, nɛ a he nɛ hiɛ babauu ngɛ zugba a nɔ!”

Mose I, 48:4

E de mi ke, ‘Ma ha mo bimɛ babauu, nɛ o nina ma ba pee mahi babauu. Ma ngɔ zugba nɛ ɔ ngɔ ha o nina, nɛ e maa pee a weto ní kɛ maa ya neneene.’ ”

Mose I, 9:1

Mawu gbaa Noa kɛ e binyumu ɔmɛ, nɛ e de mɛ ke, “Nyɛ fɔ babauu nɛ nyɛ he nɛ hiɛ, nɛ nyɛ hyi je ɔ mi tsuo.

Nehemia 9:23

O ha nɛ a bimɛ ɔmɛ hu a he hiɛ babauu kaa dodoehi ngɛ hiɔwe; nɛ zugba a nɛ o de a nɛmɛ ɔmɛ ke a ya ngɔ ɔ, o kpaka mɛ kɛ ya lejɛ ɔ.

La 105:24

Yawɛ ha nɛ e ma a bɔ, nɛ a he hiɛ babauu. E ha a he hu wa kulaa pe a he nyɛli ɔmɛ.

La 107:38

Yawɛ gbaa e ma a; e ha nɛ a he ba hiɛ babauu nitsɛ; a lohwehi hu e ha we nɛ a nɔ nɛ gbɔ́.

Mose II, 1:12

Se si abɔ nɛ a ngɛ mɛ yi mi wae ɔ, si abɔ nɛ a ngɛ hiɛe nɛ a ngɛ gbɛe kɛ ngɛ zugba a nɔ hae. Egipt bi ɔmɛ ye Israel bi ɔmɛ gbeye.

Mose II, 12:37

Israel bi ɔmɛ nyɛɛ nane kɛ je Rameses kɛ ho Sukot ya. Nyumu ɔmɛ kɛkɛ a hiɛmi maa pee akpe lafa ekpa; slo yihi kɛ jokuɛwi.

Mose II, 5:5

Farao ɔ ya nɔ nɛ e de mɛ ke, “Nyɛɛ hyɛ, nyɛ bi ɔmɛ a he hiɛ babauu ngɛ zugba a nɔ pe zugbatsɛmɛ ɔmɛ, nɛ nyɛ ma ha a kpa ní tsumi!”

Ezekiel 16:7

nɛ́ o pee kaa nga nɔ tso nguaa ko.’ I ha nɛ o ba wa, nɛ o he hu ba pee fɛu saminya kaa yiheyo nɛ zangma pue e nɔ. O nyɔ ɔmɛ ba kle, nɛ o yi bwɔmi ba saminyayoo; se o hɛɛ o he gu pasaa.

Ni Tsumi 13:17

Israel Mawu ɔ hla wa nɛmɛ ɔmɛ, nɛ e pee mɛ ma kpetekpleenyɛ benɛ a ya to nibwɔ ngɛ Egipt ɔ. Mawu ngɔ e he wami kpetekpleenyɛ ɔ kɛ je mɛ kɛ je lejɛ ɔ.

Mose V, 10:22

Benɛ nyɛ nɛmɛ ɔmɛ yaa Egipt ɔ, mɛ nimli nyingmi kpaago pɛ nɛ a ho, se amlɔ nɛ ɔ, Yawɛ, nyɛ Mawu ɔ ha nyɛ he hiɛ babauu kaa dodoehi ngɛ hiɔwe.

Mose V, 26:5

Mo de ngɛ Yawɛ hɛ mi ke, ‘Aram no si kpalɔ ji ye nɛ̃. E kɛ nihi bɔɔ pɛ nɛ ho Egipt ya; e ya to nubwɔ ngɛ lejɛ ɔ, se a ba pee ma agbo nɛ he wa saminya.