Mose II, 1:22 - BAIBLO ALOO NGMAMI KLƆUKLƆU Ɔ

²² Kɛkɛ nɛ Farao ɔ wo e ma mi bi ɔmɛ tsuo mlaa ke, “Binyumu tsuaa binyumu nɛ Hebri no ko ma fɔ ɔ, nyɛ ya sake lɛ ngɔ fɔ Nilo pa a mi; se biyo tsuaa biyo lɛɛ nyɛ ha nɛ e yi nɛ na wami.”

Mose II, 1:22 ပူးပေါင်းရင်းမြစ်များ

Mose I, 41:1

Jeha enyɔ se ɔ, Farao ɔ nla nlami ko. E nla nɛ e daa si ngɛ Nilo pa a nya.

La 105:25

E puɛ Egipt bi ɔmɛ a juɛmi ngɛ Israel he; a nyɛ mɛ, nɛ a pee mɛ nisɛ níhi.

Mose II, 2:6

Benɛ e bli nya a, e na bimwɔyo ɔ; kɛkɛ nɛ bimwɔyo ɔ hia ya. E ní pee lɛ mɔbɔ, nɛ e de ke, “Hebri bi ɔmɛ a ti nɔ ko bi ji nɛ ɔ nɛ.”

Abɛ Womi 1:16

A he sɔɔ kɛ yayami peemi; a he sɔɔ kɛ pueɔ muɔ si.

Abɛ Womi 27:4

Mi mi la puɛɔ ní wawɛɛ nitsɛ; nɛ muklii mi fumi hu nɔ́ pe, se hunga jemi lɛɛ e nɔ nya hi dami.

Abɛ Womi 4:16

Ke yiwutsotsɛmɛ pee we nɔ́ yayami ko ɔ, a nyɛ we nɛ a hwɔɔ mahe. Mahe jeɔ a hɛ mi kɛ ya siɔ be nɛ a yeɔ nɔ ko awi loko a hwɔɔ mahe.

Ni Tsumi 7:19

Matsɛ nɛ ɔ sisi wa nɛmɛ ɔmɛ, nɛ e wa mɛ yi mi. E ha nɛ a sake a bimwɔwi ngɔ pue he, konɛ a gbo.

Hebribi 11:23

Hemi kɛ yemi lɛ ha nɛ Mose fɔli ɔmɛ ngɔ lɛ kɛ laa nyɔhiɔ etɛ benɛ a fɔ lɛ ɔ. A na kaa e he ngɛ fɛu saminya, nɛ mlaa a nɛ Egipt matsɛ ɔ wo ɔ, a yi mlaa a he gbeye.