Mose II, 1:17 - BAIBLO ALOO NGMAMI KLƆUKLƆU Ɔ

¹⁷ Se fɔliyi ɔmɛ yee Mawu gbeye; a gbi binyumuwi ɔmɛ kaa bɔ nɛ Egipt matsɛ ɔ fa mɛ ɔ; mohu ɔ, a baa a yi.

Mose II, 1:17 ပူးပေါင်းရင်းမြစ်များ

Mose I, 20:11

Abraham he nɔ ke, “Jinɛ i susu kaa nɔ ko nɔ ko be hiɛmɛ nɛ ɔ nɛ yeɔ Mawu gbeye; i susu kaa ma mi bi ɔmɛ maa gbe mi, nɛ a ma kpɔ ye yo ɔ ngɛ ye dɛ.

Mose I, 42:18

Ligbi nɛ ji etɛ ɔ, Yosef de mɛ ke, “Imi lɛɛ i yeɔ Mawu gbeye; lɔ ɔ he ɔ, nɔ́ nɛ nyɛ maa pee kɛ he nyɛ yi wami ji nɛ ɔ nɛ.

Samuel II, 24:4

Se matsɛ ɔ gbi ye Yoab kɛ asafoatsɛmɛ ɔmɛ a nɔ́ ɔ nɔ, nɛ Yoab kɛ asafoatsɛmɛ ɔmɛ je matsɛ ɔ hɛ mi kɛ ho, konɛ a ya kane Israel ma a.

Nehemia 5:15

Amlaalo ɔmɛ tsuo nɛ hi sɛ ɔ nɔ loko e ba su ye nɔ ɔ ngɔ tlomi agbo ngɔ fɔ ni ɔmɛ a nɔ. A biɔ, nɛ a haa mɛ niye ní, kɛ wai kɛ piɛɔ sika hiɔ nyingmi eywiɛ he daa ligbi. A tsɔli ɔmɛ hu waa ma a yi mi. Se imi lɛɛ i pee we ja; ejakaa i yeɔ Mawu gbeye.

Ester 3:3

Tsɔli kpa amɛ nɛ a ngɛ matsɛ ɔ ní tsumi ɔ mi ɔ bi Mordekai nɔ́ he je nɛ e pee we nɔ́ nɛ matsɛ ɔ fa ke a pee ɔ.

La 31:19

Nihi nɛ yeɔ mo gbeye ɔ, hyɛ ní kpakpahi babauu nɛ o dla kɛ to ha mɛ! Ni nɛmɛ nɛ ba saa we ngɛ o ngɔ ɔ, hyɛ ni nguanguahi babauu nɛ o pee ha mɛ. O peeɔ ní nɛ ɔmɛ tsuo ngɛ ma hɛ mi paa.

Mose II, 1:18

Lɔ ɔ he ɔ, Egipt matsɛ ɔ tsɛ fɔliyi ɔmɛ nɛ e bi mɛ ke, “Mɛni he je nɛ nyɛ ha nɛ jokuɛwi nyumuwi ɔmɛ tlɔ je mi, nɛ nyɛ gbi mɛ ɔ?”

Abɛ Womi 16:6

Naa mɔbɔ nɛ o ye anɔkuale, kɛkɛ ɔ, Mawu kɛ o he yayami maa pa mo. Ye Yawɛ gbeye, nɛ yayami ko be o he sae.

Abɛ Womi 8:13

Ke nɔ ko ke e yeɔ Yawɛ gbeye ɔ, e sa kaa e kua yayami. Hewo, he tsɔɔmi, je mi bami yaya, kɛ lakpa a, i sume.

Fiɛlɔ 12:13

Nyagbe ɔ, nɔ́ nɛ ma de kɛkɛ ji kaa moo ye Mawu gbeye, nɛ o ye e mlaa amɛ a nɔ. Ní tsumi nɛ ngɛ kɛ ha nimli adesahi tsuo ji nɛ ɔ nɛ.

Fiɛlɔ 8:12

Yayami peelɔ peeɔ yayami si lafa, nɛ e gbo we. Se kɛ̃ ɔ, i le kaa nihi nɛ yeɔ Mawu gbeye anɔkuale mi ɔ, e hii ha mɛ.

Daniel 6:13

Kɛkɛ nɛ a de matsɛ ɔ ke, “Nyɔguɛ ɔmɛ nɛ a nuu kɛ je Yuda kɛ ba a, a ti nɔ kake nɛ a tsɛɛ Daniel ɔ, lɛɛ e bui mo nɛnɛ; mlaa a nɛ o wo ɔ hu e yi nɔ fɛɛ. E faa kue kɛ haa e Mawu ɔ si etɛ daa ligbi.”

Hosea 5:11

Israel ngɛ nɔ́ nae; a gbla e tue wawɛɛ, ejakaa e ya nyɛɛ yakayaka níhi a se.

Mika 6:16

Ní nɛ ɔmɛ maa ba mi, ejakaa nyɛ ya ye Matsɛ Omri mlaa amɛ a nɔ, nɛ níhi nɛ e bi Ahab pee ɔ, nyɛ hu nyɛ pee jamɛ a ní ɔmɛ nɔuu. Nyɛ ya nyɛɛ a blɔ yayami ɔmɛ a nɔ. Enɛ ɔ he je ɔ, ma kpata nyɛ hɛ mi pɛsɛpɛsɛ. Je ma amɛ ma li nyɛ, nɛ a maa ye nyɛ he fɛu; nɔ tsuaa nɔ nɛ maa na nyɛ ɔ maa hie nyɛ.” Yawɛ lɛ de.

Mateo 10:28

Nihi nɛ gbeɔ nɔmlɔ tso ɔ, se klaa a lɛɛ a nyɛ we lɛ gbemi ɔ, nyɛ ko ye mɛ gbeye. Mawu nɛ nyɛɔ kpataa nɔmlɔ tso ɔ, kɛ klaa a tsuo a hɛ mi ngɛ Abosiami a je la a mi ɔ, lɛ mohu nyɛɛ ye gbeye.

Luka 12:5

Ma tsɔɔ nyɛ nɔ nɛ sa nɛ nyɛɛ ye gbeye. Nyɛɛ ye Mawu gbeye, ejakaa lɛɛ e ngɛ he wami nɛ e kɛ gbee nɔ, nɛ ke e gbe nɔ ɔ se ɔ, e ngɛ he wami nɛ e kɛ sakee nɔ ɔ kɛ fɔɔ Abosiami a je la a mi.

Ni Tsumi 5:29

Petro, kɛ bɔfo kpa amɛ he nɔ ke, “E sa kaa waa bu Mawu mohu tue, se pi nimli.

Samuel I, 22:17

Nɛ matsɛ ɔ de e he buli nɛ daa si ngɛ e kasa nya a ke, “Nyɛɛ gbe Yawɛ osɔfo ɔmɛ, ejakaa a kɛ David so; a le e fo tumi ɔ he nɔ́ ko, se a wo we ye tue nɔ.” Se matsɛ tsɔli ɔmɛ kplɛɛ we kaa a ma wo a nine nɔ ngɛ Yawɛ osɔfo ɔmɛ a nɔ nɛ a gbe mɛ.