Mose II, 1:14 - BAIBLO ALOO NGMAMI KLƆUKLƆU Ɔ

¹⁴ A hɛɛ zu, a peeɔ bliikisi, nɛ a tsuɔ ngmɔ ní tsumi slɔɔtohi; nɛ ní tsumi ɔ eko tsuaa eko mi ɔ, a waa mɛ yi mi wawɛɛ.

Mose II, 1:14 ပူးပေါင်းရင်းမြစ်များ

Mose I, 15:13

Kɛkɛ nɛ Yawɛ de lɛ ke, “I ngɛ mo dee anɔkuale mi kaa o nina ma ya pee nibwɔhi ngɛ zugba kpa nɔ; a maa pee nyɔguɛhi ngɛ lejɛ ɔ, nɛ a maa wa mɛ yi mi jeha lafa eywiɛ.

Matsɛmɛ I, 12:14

kaa bɔ nɛ nihewi ɔmɛ wo lɛ ga ke e pee ɔ. E de mɛ ke, “Tsaatsɛ ngɔ tlomi nɛ jiɔ ngɔ tloo nyɛ, se imi lɛɛ i kɛ tlomi ɔ eko maa piɛ he ha nyɛ. Tsaatsɛ kɛ kpa gu fia nyɛ, se imi lɛɛ i kɛ okpɔngɔ kpa maa fia nyɛ!”

La 129:1

Israel, jehanɛ de, “Kɛ je ye jokuɛwi a si tɔɔ ɔ, ye he nyɛli wa mi yi mi wawɛɛ nitsɛ!”

La 68:13

Mɛɛ lɛɛ to tsu ɔmɛ a kasa nya kɛkɛ a ngɛ, se a he pee fɛu kaa lahuɛhi nɛ sika hiɔ ha a he, kaa lahuɛ tsɛlihi kɛ a he sika tsu ngmingmiingmi.

La 81:6

“I je nyɛ tlomi ɔmɛ kɛ je nyɛ nɔ; i ha nɛ nyɛ ngmɛɛ nyɛ kusii ɔmɛ a he.

Mose II, 1:11

Lɔ ɔ he ɔ, Egipt bi ɔmɛ ngɔ nyɔguɛhi a nɔ yeli ngɔ to Israel bi ɔmɛ a nya, konɛ a wa mɛ yi mi kɛ ní tsumihi nɛ he wa. Israel bi ɔmɛ ma Pitom kɛ Rameses, nɛ ji mahi nɛ a toɔ ní ngɛ a mi kɛ ha Farao ɔ.

Mose II, 1:13

A ha nɛ Israel bi ɔmɛ tsu ní kaa nyɔguɛhi.

Mose II, 1:15

Kɛkɛ nɛ Egipt matsɛ ɔ kɛ Hebri fɔliyi ɔmɛ tu, nɛ e de mɛ ke, “Ke nyɛ ngɛ Hebri yi ɔmɛ fɔe ɔ, nyɛɛ to bi ɔ he hɛ. Ke nyumu ɔ, nyɛɛ gbe lɛ, se ke yo ɔ, lɛɛ e hi je mi.” Hebri fɔliyi ɔmɛ a ti nɔ kake biɛ ji Shifra, nɛ nɔ kake hu biɛ ji Pua.

Mose II, 2:23

Jeha komɛ a se ɔ, Egipt matsɛ ɔ ba gbo. Se Israel bi ɔmɛ lɛɛ kɛmɛmi kɛkɛ a ngɛ kɛmɛe ngɛ a nyɔguɛ yemi ɔ mi. A fa kue ha Mawu, nɛ Mawu hu nu a gbi.

Mose II, 20:2

“Imi ji Yawɛ, o Mawu ɔ nɛ je mo kɛ je Egipt zugba a nɔ kɛ je nyɔguɛ yemi mi ɔ nɛ.

Mose II, 6:9

Mose ngɔ sɛ gbi nɛ ɔ ya ha Israel bi ɔmɛ, se a nyɔguɛ si himi ɔ, a nɔ yemi gbegbelii ɔ, kɛ a kɔmɔ yemi ɔ ha we nɛ a bu lɛ tue.

Abɛ Womi 28:15

Matsɛ yiwutsotsɛ nɛ ngɛ tsɛ yee ngɛ nihi nɛ a ní ngɛ mɔbɔ a nɔ ɔ, e ngɛ kaa jata nɛ ngɛ huae, aloo osisiblisi nɛ e hɛ mi wo la.

Yesaya 10:24

Lɔ ɔ he ɔ, bɔ nɛ Nyɔmtsɛ Yawɛ Tabohiatsɛ ɔ ngɛ e ma nɛ ngɛ Zion ɔ dee ji nɛ ɔ nɛ: “Nyɛ ko ye Asiria bi ɔmɛ gbeye; ke kaa a ngɛ nyɛ yi mi wae kaa bɔ nɛ Egipt bi ɔmɛ pee be ko ɔ po, nyɛ ko ye mɛ gbeye.

Yesaya 14:6

Nimli nɛ ɔmɛ kɛ abofu nɛ nya wa fiaa je ma amɛ ní, nɛ a nɛ mɛ mɔbɔ kulaa; je mahi nɛ a ye a nɔ ɔ hu, a wa mɛ yi mi wawɛɛ nitsɛ nɛ he jɔɔmi ko be mi.

Yesaya 51:23

O he nyɛli nɛ haoɔ mo, nihi nɛ ha o hwɔɔ si ngɛ zugba mi, nɛ a naa o nɔ kaa a naa gbɛjegbɛ nɔ ɔ, mɛ a dɛ mi ma ngɔ kplu ɔ kɛ wo.”

Yesaya 52:5

Jehanɛ, ngɛ Babilonia hu, jamɛ a amimi ɔ nɔuu a ye nyɛ; a pee nyɛ nyɔguɛhi nɛ a wui hiɔ ko ngɛ nyɛ he. Nihi nɛ ye nyɛ nɔ ɔ fĩa, nɛ a jɛ nyɛ saminya kɛ gbe ye he guɛ.

Yesaya 58:6

“Hwɔ hami nɛ maa sa ye hɛ mi ji nɛ ɔ nɛ. Nyɛ kpa yi wu tso ní peemi, nɛ nyɛɛ ye dami sane. Nyɛ kplɔ kuɛpã tso ngɛ ni nɛmɛ nɛ nyɛ ngɛ mɛ yi mi wae ɔ a kuɛ, nɛ nyɛɛ ku mɛ dukuduku, konɛ ni ɔmɛ nɛ a ye a he.

Mose III, 25:43

Nyɛ ko wa mɛ yi mi, se mohu nyɛɛ ye nyɛ Mawu ɔ gbeye.

Mose III, 25:46

Nyɛ ma nyɛ ma si mɛ kaa gbosi ní ha nyɛ bimɛ, nɛ a ma sɔmɔ mɛ a wami be ɔ tsuo. Se nyɛ sɔuu nyɛ kpɛti kaa Israel fɔfɔɛhi ɔ, nyɛ ko wa nyɛ sibi yi mi.

Mose III, 25:53

E kɛ hiɔ̃tsɛ ɔ si himi ɔ nɛ pee kaa nyɔmtsɛ kɛ apaa yelɔ si himi; nɛ e wo lɛ hiɔ daa jeha. Nyɔmtsɛ ɔ nɛ ko wa lɛ yi mi.

Mika 3:3

Nyɛ yeɔ ye ma mi bi ɔmɛ. Nyɛ kpɔɔ a he womi kɛ jeɔ a he. Nyɛ kuɔ a wuhi, nɛ nyɛ poɔ mɛ kpɔ nya kpɔ nya kaa lo nɛ a kɛ maa wo kutu mi.

Nahum 3:14

Yaa yɛ nyu ngɔ to; a ma ba sa ma a yi. Dla o mɔ nguangua amɛ! Moo naa zu nɛ o kɛ maa pee bliikisi, nɛ o dla bliikisi peemi daka amɛ kɛ to si!

Mose IV, 20:15

bɔ nɛ wa nɛmɛ ya Egipt, nɛ e ba mi kaa wɔ hu wa ya hi lejɛ ɔ be babauu; bɔ nɛ Egipt bi ɔmɛ wa wa nɛmɛ ɔmɛ yi mi, kɛ bɔ nɛ a wa wɔ hu yi mi;

Ni Tsumi 7:19

Matsɛ nɛ ɔ sisi wa nɛmɛ ɔmɛ, nɛ e wa mɛ yi mi. E ha nɛ a sake a bimwɔwi ngɔ pue he, konɛ a gbo.

Ni Tsumi 7:34

Amanehlu nɛ ye ma a ngɛ nae ngɛ Egipt ɔ, i le; nɛ i nu a kɛmɛmi ɔ hulɔ. Lɔ ɔ he ɔ, i kpale se kɛ ma ma ba je mɛ. Hyɛ, ma tsɔ mo Egipt.’

Mose V, 26:6

Egipt bi ɔmɛ pee wɔ yayami; a wa wɔ yi mi, nɛ a ye wɔ nyɔguɛ wawɛɛ.

Mose V, 4:20

Se nyɛɛ lɛɛ, Yawɛ kpɔ̃ nyɛ kɛ je Egipt yi mi wami wawɛɛ ɔ sisi. E je nyɛ konɛ e pee nyɛ lɛ nitsɛ e ma kulaa, kaa bɔ nɛ nyɛ ji mwɔnɛ nɛ ɔ.

Rut Womi 1:20

Nɛ e he nɔ nɛ e de mɛ ke, “Nyɛ ko tsɛ mi Naomi hu, se mohu nyɛ tsɛ mi Mara, ejakaa Ope ɔ kɛ mi ye sane nɛ dooɔ tsɔ.