Mose II, 1:12 - BAIBLO ALOO NGMAMI KLƆUKLƆU Ɔ

¹² Se si abɔ nɛ a ngɛ mɛ yi mi wae ɔ, si abɔ nɛ a ngɛ hiɛe nɛ a ngɛ gbɛe kɛ ngɛ zugba a nɔ hae. Egipt bi ɔmɛ ye Israel bi ɔmɛ gbeye.

Mose II, 1:12 ပူးပေါင်းရင်းမြစ်များ

Mose I, 46:3

Mawu de lɛ ke, “Imi ji Mawu, o tsɛ Isak Mawu ɔ. Koo ye gbeye kaa o maa ya Egipt; ejakaa ma ha nɛ o nina maa pee ma agbo ngɛ lejɛ ɔ.

Nehemia 9:23

O ha nɛ a bimɛ ɔmɛ hu a he hiɛ babauu kaa dodoehi ngɛ hiɔwe; nɛ zugba a nɛ o de a nɛmɛ ɔmɛ ke a ya ngɔ ɔ, o kpaka mɛ kɛ ya lejɛ ɔ.

Hiob 5:2

Niinɛ, mi mi la gbeɔ kuasia. Nɔ nɛ hɛ mi tɛ̃ ɔ, hunga gbeɔ lɛ.

La 105:24

Yawɛ ha nɛ e ma a bɔ, nɛ a he hiɛ babauu. E ha a he hu wa kulaa pe a he nyɛli ɔmɛ.

La 107:38

Yawɛ gbaa e ma a; e ha nɛ a he ba hiɛ babauu nitsɛ; a lohwehi hu e ha we nɛ a nɔ nɛ gbɔ́.

Mose II, 1:20

Akɛnɛ fɔliyi ɔmɛ yee Mawu gbeye he je ɔ, Mawu gbaa mɛ, nɛ e ha mɛ nitsɛmɛ bimɛ. Israel bi ɔmɛ hu fɔ babauu, nɛ a he wa.

Mose II, 1:7

Se a nina nɛ ji Israel bi ɔmɛ ɔ, bi ngɛ a he; a fɔ babauu nɛ a he hiɛ, nɛ a hyi zugba a nɔ tɔ. A he hu wa saminya.

Mose II, 1:9

E de e ma mi bi ɔmɛ ke, “Tse nyɛ na kaa Israel bi ɔmɛ hiɛ tsɔ, nɛ a he hu wa saminya.

Abɛ Womi 21:30

Adesa nile, loo nɔ́ sisi numi, loo ga be nyɛe maa da Yawɛ hɛ mi.

Abɛ Womi 27:4

Mi mi la puɛɔ ní wawɛɛ nitsɛ; nɛ muklii mi fumi hu nɔ́ pe, se hunga jemi lɛɛ e nɔ nya hi dami.

Mose IV, 22:3

e kɛ e ma a tsuo ye Israel bi ɔmɛ gbeye wawɛɛ nitsɛ.

Yohane 12:19

Lɔ ɔ he ɔ, Farisi bi ɔmɛ de a he ke, “Tse nyɛ na kaa nyɛ nyɛ we nɔ́ ko nɛ nyɛɛ pee. Hyɛ, je ɔ tsuo nɛ hia kɛ nyɛɛ e se ɔ nɛ.”

Romabi 8:28

Wa le kaa nɔ́ tsuaa nɔ́ mi ɔ, Mawu piɛɔ nihi nɛ suɔ lɛ ɔ a he, konɛ e hi ha mɛ. Nimli nɛ ɔmɛ ɔ, Mawu nitsɛ nɛ to e yi mi, nɛ e tsɛ mɛ.

Mose V, 26:5

Mo de ngɛ Yawɛ hɛ mi ke, ‘Aram no si kpalɔ ji ye nɛ̃. E kɛ nihi bɔɔ pɛ nɛ ho Egipt ya; e ya to nubwɔ ngɛ lejɛ ɔ, se a ba pee ma agbo nɛ he wa saminya.