Mose I, 9:6 - BAIBLO ALOO NGMAMI KLƆUKLƆU Ɔ

⁶ I pee nɔmlɔ kaa bɔ nɛ imi, Mawu ɔ nitsɛ i ngɛ ɔ; lɔ ɔ he ɔ, nɔ tsuaa nɔ nɛ ma pue nɔmlɔ adesa muɔ si ɔ, e nyɛmi nɔmlɔ adesa nɔuu ma pue lɛ hu e muɔ si.

Mose I, 9:6 ပူးပေါင်းရင်းမြစ်များ

Mose III, 24:17

“Nɔ tsuaa nɔ nɛ maa gbe nɔmlɔ ɔ, lɛ hu a gbe lɛ.

Mateo 26:52

Yesu de lɛ ke, “Ngɔɔ o klaate ɔ ngɔ to e to he; ejakaa nihi tsuo nɛ hiaa klaate ɔ, a kɛ klaate ma kpata a hɛ mi.

Kpojemi 13:10

Ke a to ke a nu nɔ ko nyɔguɛ ɔ, ja a nu lɛ nyɔguɛ. Ke nɔ ko kɛ klaate gbe nɔ ɔ, ja a kɛ klaate gbe lɛ. Enɛ ɔ tsɔɔ kaa e hia kaa Mawu we bi nɛ to a tsui si, nɛ a pɛtɛ a hemi kɛ yemi ɔ he wawɛɛ.”

Mose IV, 35:33

Ke nyɛ pee ja a, nyɛ ble zugba a nɛ nyɛ ngɛ nɔ ɔ. Muɔ bleɔ zugba, nɛ kpatami nɔ́ ko be kɛ ha zugba nɛ a pue muɔ si ngɛ nɔ kaa ja nɔ nɛ pue muɔ si ɔ nɔuu e muɔ.

Yakobo 3:9

Lilɛ waa kɛ naa wa Nyɔmtsɛ, kɛ wa Tsɛ Mawu ɔ si; nɛ lɛ nɔuu waa kɛ gbiɛɔ wa sibi adesa nɛ Mawu bɔ ngɛ e subai nɔ ɔ.

Mose I, 5:1

Adam nina he sane ji nɛ ɔ nɛ. Benɛ Mawu bɔ nɔmlɔ ɔ, e pee nɔmlɔ ɔ kaa bɔ nɛ lɛ Mawu ɔ e ngɛ ɔ.

Romabi 13:4

Mawu tsɔlɔ ji lɛ, nɛ e ní tsumi ji kaa e hyɛ nɛ e hi ha mo. Se ke o pee yayami ɔ, lɛɛ o ye nɔ yelɔ ɔ gbeye; ejakaa a ha we lɛ blɔ nya nɛ ɔ yaka. Mawu tsɔlɔ ji lɛ; nɛ nihi nɛ peeɔ yayami ɔ, e kɛ mi mi la gblaa a tue ngɛ Mawu nane mi.

Mose I, 4:14

Mwɔnɛ ɔ, o fie mi kɛ je zugba a nɔ, nɛ i be o hɛ mi bae hu. Ma bɔ kó, nɛ ma wo lalaalo ngɛ je ɔ mi; nɛ nɔ tsuaa nɔ nɛ maa na mi ɔ maa gbe mi.”

La 51:4

Mo, o nɔ nɛ i tɔ̃, mo pɛ nɛ i pee yayami nɛ ɔ kɛ si. Lɔ ɔ he ɔ, fɔ nɛ o bu mi ɔ, e sa mi. Piami ko piami ko be o he.

Mose IV, 35:25

Ke e ba mi ja a, ma kpekpemi ɔ nɛ kpɔ nɔ nɛ gbe nɔmlɔ ɔ kɛ je muɔ he lue yelɔ ɔ dɛ mi, nɛ a kpale lɛ kɛ ya ma a mi he nɛ e tu fo kɛ ya sa we ngɛ ɔ. E ya hi lejɛ ɔ kɛ yaa si be mi nɛ osɔfo nɔkɔtɔma pe kulaa a (nɛ a pɔ lɛ nu klɔuklɔu ɔ) ma gbo.

1 Korintobi 11:7

E sɛ kaa nyumu kɛ nɔ́ haa e yi nɔ, ejakaa Mawu subai mi a bɔ lɛ ngɛ, nɛ e woɔ Mawu hɛ mi nyami. Se yo lɛɛ nyumu hɛ mi nyami womi nɔ́ ji lɛ;

Mose I, 42:22

Ruben de mɛ ke, “Tse i de nyɛ ke nyɛ ko pee jokuɛ ɔ yayami ko nɛ nyɛ bui mi tue; e gbenɔ ɔ he tue gblami nɛ wa ngɛ nae nɛ ɔ nɛ.”

Mose II, 20:13

“Koo gbe nɔmlɔ.

Mose V, 5:17

“ ‘Koo gbe nɔmlɔ.

Manyadali 9:56

Yayami nɛ Abimelek pee e tsɛ, nɛ e gbe e nyɛminyumuhi nyingmi kpaago ɔmɛ ɔ, bɔ nɛ Mawu wo lɛ hiɔ ji nɛ ɔ nɛ.

Samuel I, 15:33

Se Samuel de lɛ ke, “Kaa bɔ nɛ o klaate ɔ ha binyɛmɛ kpatu plɛ pee nihi nɛ be bimɛ ɔ, ja nɔuu o nyɛ hu ma plɛ pee yosa ngɛ yihi a kpɛti.” Nɛ Samuel poo Agag mi kpɔ nya kpɔ nya ngɛ Yawɛ bɔ sami la tɛ ɔ hɛ mi ngɛ Gilgal.

Matsɛmɛ II, 11:16

A nu Atalia, nɛ a hɛɛ lɛ kɛ ya gu blɔ ɔ nɛ okpɔngɔ ɔmɛ guu nɔ kɛ yaa matsɛ we ɔ mi ɔ, nɛ a ya gbe lɛ ngɛ lejɛ ɔ.

Abɛ Womi 28:17

Ke nɔ ko pue nɔ ko muɔ si ɔ, e maa bɔ ko, nɛ e maa hi kpae hluu kɛ yaa si e hɛ mi ma kpata. Nɔ ko nɔ ko nɛ ko na lɛ mɔbɔ.

Fiɛlɔ 3:3

Be ngɛ nɛ a gbee; nɛ be ngɛ nɛ a tsaa. Be ngɛ nɛ a kuɔ nɔ́ pueɔ si, nɛ be ngɛ nɛ a maa.

Mose IV, 35:16

“Se ke nɔ ko ngɔ awi yemi nɔ́ ko kaa dade, loo tɛ, loo tso kɛ fia nɔ, nɛ nɔ ɔ gbo ɔ, e gbe nɔmlɔ. Lɔ ɔ he ɔ, lɛ hu ja a gbe lɛ.

Mose V, 19:11

“Se ke nɔ ko ngɛ e nyɛmi nyɛe, nɛ e ya wo lɛ ka, nɛ e fia lɛ nɔ nɛ e gbe, nɛ e tu fo kɛ ya sa we ngɛ wesa he ma nɛ ɔmɛ eko mi ɔ,

Samuel II, 4:11

Lɛɛ ke nyɛ dikali nyɛ ya gbe nɔ ko nɛ pee we yayami ko kɛ wo sa mi ngɛ lɛ nitsɛ e we mi ɔ, anɛ e sɛ kaa i yeɔ e gbenɔ ɔ he lue, nɛ ma kpata nyɛ hɛ mi kɛ je zugba a nɔ lo?”

Matsɛmɛ I, 2:9

Se kɛ̃ ɔ, ko ha nɛ e ye e he. Ní lelɔ ji mo, nɛ o le nɔ́ nɛ sa nɛ o pee; hyɛ nɛ a gbe lɛ.”

Matsɛmɛ II, 11:1

Benɛ Matsɛ Ahazia nyɛ Atalia na le kaa a gbe e binyumu ɔ, e ha nɛ a kpata matsɛ we mi bimɛ ɔmɛ tsuo a hɛ mi.

Matsɛmɛ II, 11:20

Ma mi bi ɔmɛ tsuo pɛpɛɛpɛ na bua jɔmi; nɛ kɛ je be nɛ a kɛ klaate gbe Atalia ngɛ matsɛ we ɔ mi se ɔ, ma a mi jɔ.

Kronika II, 33:24

Amon tsɔli ɔmɛ so ngɔ wo e he, nɛ a gbe lɛ ngɛ matsɛ we ɔ.