Mose I, 9:5 - BAIBLO ALOO NGMAMI KLƆUKLƆU Ɔ

⁵ Ke nɔ ko pue nɔmlɔ adesa muɔ si ɔ, a maa gbla e tue. Lohwe tsuaa lohwe nɛ maa gbe nɔmlɔ adesa a, ma gbe lɛ.

Mose I, 9:5 ပူးပေါင်းရင်းမြစ်များ

Mose I, 42:22

Ruben de mɛ ke, “Tse i de nyɛ ke nyɛ ko pee jokuɛ ɔ yayami ko nɛ nyɛ bui mi tue; e gbenɔ ɔ he tue gblami nɛ wa ngɛ nae nɛ ɔ nɛ.”

Samuel II, 4:11

Lɛɛ ke nyɛ dikali nyɛ ya gbe nɔ ko nɛ pee we yayami ko kɛ wo sa mi ngɛ lɛ nitsɛ e we mi ɔ, anɛ e sɛ kaa i yeɔ e gbenɔ ɔ he lue, nɛ ma kpata nyɛ hɛ mi kɛ je zugba a nɔ lo?”

Matsɛmɛ I, 2:6

Ní lelɔ ji mo, nɛ o le nɔ́ nɛ sa nɛ o pee; ko ha nɛ e gbo lɛ nitsɛ e gbenɔ ngɛ he jɔmi mi.

Matsɛmɛ II, 11:1

Benɛ Matsɛ Ahazia nyɛ Atalia na le kaa a gbe e binyumu ɔ, e ha nɛ a kpata matsɛ we mi bimɛ ɔmɛ tsuo a hɛ mi.

Kronika II, 24:22

Matsɛ Yoash hɛ je si himi kpakpa nɛ Zakaria tsɛ Yehoyada kɛ lɛ hi ɔ nɔ, nɛ e gbe e binyumu Zakaria. Benɛ Zakaria miɔ nɛ e ma gbo ɔ, e de ke “Yawɛ nɛ hyɛ nɔ́ nɛ nyɛ ngɛ pee ɔ nɛ e gbla nyɛ tue!”

Kronika II, 33:24

Amon tsɔli ɔmɛ so ngɔ wo e he, nɛ a gbe lɛ ngɛ matsɛ we ɔ.

Kronika II, 33:25

Se Yuda bi ɔmɛ gbe nihi tsuo nɛ so ngɔ wo e he ɔ, nɛ a wo e bi Yosia matsɛ ngɛ e se.

La 9:12

Mawu kaiɔ nɔ́ nali, nɛ e yeɔ a he lue. Ke nɔ́ nali fa kue ha Mawu ɔ, e nuɔ; e hɛ ji a nɔ.

Mose II, 20:13

“Koo gbe nɔmlɔ.

Mose II, 21:12

“Nɔ tsuaa nɔ nɛ maa fia nɔ ko nɔ́ nɛ nɔ ɔ ma gbo ɔ, a gbe lɛ.

Mose III, 19:16

Koo pee o he sieku yelɔ kɛ hi yae kɛ hi bae ngɛ o ma mi bi ɔmɛ a kpɛti. Koo ye lakpa odase kɛ si o nyɛmi, nɛ́ a pue e muɔ si yaka gu. Imi ji Yawɛ.

Mose III, 24:17

“Nɔ tsuaa nɔ nɛ maa gbe nɔmlɔ ɔ, lɛ hu a gbe lɛ.

Mose III, 24:21

Ke nɔ ko gbe lohwe ko ɔ, e to nane mi. Se ke e gbe nɔmlɔ ɔ, lɛ hu a gbe lɛ.

Mose IV, 35:16

“Se ke nɔ ko ngɔ awi yemi nɔ́ ko kaa dade, loo tɛ, loo tso kɛ fia nɔ, nɛ nɔ ɔ gbo ɔ, e gbe nɔmlɔ. Lɔ ɔ he ɔ, lɛ hu ja a gbe lɛ.

Mose IV, 35:21

aloo ke e ngɔ abofu kɛ gba lɛ ma, nɛ e nɔ si, nɛ e gbo ɔ, nɔmlɔ gbelɔ ji lɛ. Lɔ ɔ he ɔ, lɛ hu ja a gbe lɛ. Be tsuaa be nɛ muɔ he lue yelɔ ɔ, kɛ nɔmlɔ gbelɔ nɛ ɔ maa kpe ɔ, e gbe lɛ.

Mateo 23:35

Kɛkɛ ɔ, nimli kpakpahi tsuo nɛ a pue a muɔ si ngɛ je nɛ ɔ mi, kɛ maa je Habel nɛ a pue e muɔ si yaka gu ɔ nɔ kɛ yaa su Barakia binyumu Zakaria nɛ nyɛ gbe lɛ ngɛ sɔlemi we ɔ, kɛ bɔ sami la tɛ ɔ a kpɛti ɔ nɔ ɔ a he ɔ, a maa gbla nyɛ tue.

Ni Tsumi 17:26

Sisije ɔ, nɔmlɔ kake Mawu bɔ, nɛ kikɛmɛ a nɔ kake nɛ ɔ mi je ɔ mi nimli adesahi tsuo je. Lɛ nitsɛ lɛ e ha nɛ a gbɛ fĩa je ɔ mi he tsuaa he. Be, kɛ he nɛ ní ɔmɛ maa hi, kɛ a huzu nya a, lɛ nitsɛ lɛ e to pɛpɛɛpɛ loko e bɔ je ɔ.

Mose V, 19:11

“Se ke nɔ ko ngɛ e nyɛmi nyɛe, nɛ e ya wo lɛ ka, nɛ e fia lɛ nɔ nɛ e gbe, nɛ e tu fo kɛ ya sa we ngɛ wesa he ma nɛ ɔmɛ eko mi ɔ,

Mose V, 19:12

lɔ ɔ lɛɛ e ma a mi nimeli ɔmɛ nɛ a tsɔ nɛ a ya ngɔ lɛ kɛ ba ha e nyɛmi lue yelɔ ɔ nɛ e gbe lɛ.

Manyadali 9:56

Yayami nɛ Abimelek pee e tsɛ, nɛ e gbe e nyɛminyumuhi nyingmi kpaago ɔmɛ ɔ, bɔ nɛ Mawu wo lɛ hiɔ ji nɛ ɔ nɛ.