Mose I, 9:27 - BAIBLO ALOO NGMAMI KLƆUKLƆU Ɔ

²⁷ Mawu nɛ ha nɛ Yafet nɛ plɔke! E nina kɛ Shem nina maa hi si! Kanaan maa pee Yafet nyɔguɛ.”

Mose I, 9:27 ပူးပေါင်းရင်းမြစ်များ

Romabi 15:12

Yesaya hu de ke, “Ishai nina ko maa ba; E maa te si nɛ e ba ye ma je li ɔmɛ a nɔ, Nɛ ma je li ɔmɛ maa ngɔ a hɛ ngɔ fɔ e nɔ.”

Romabi 11:12

Ke Yuda bi a si gbeemi ɔ plɛ pee gbaami ha je ɔ tsuo, nɛ a ní nɛ bɔ mɛ ɔ ba pee gbaami ha ma je li ɔmɛ ɔ, lɛɛ ke Yuda bi ɔmɛ tsuo tsake ɔ, gbaami nɛ a maa gbaa je ɔ, kɛ e hiɛmi maa hi kɛɛ?

Efesobi 3:13

Lɔ ɔ he ɔ, i kpa nyɛ pɛɛ, nyɛ ko ye nyɛ tsui kaa i ngɛ nɔ́ nae ngɛ nyɛ he. I ngɛ nɔ́ nae, konɛ nyɛɛ lɛɛ nyɛ hɛ mi nɛ ba nyami.

Efesobi 3:6

Laami sane ɔ ji kaa sane kpakpa a he ɔ, gbaami nɛ Mawu gbaa Yuda bi ɔmɛ ɔ, ma je li ɔmɛ hu ba na eko. Mɛ tsuo a ba pee kaa nɔmlɔ tso kake ɔ he níhi; nɛ si nɛ Mawu wo kɛ gu Kristo Yesu nɔ ɔ, a ná mɛ hu a blɔ nya nɔ.

Efesobi 2:19

Lɔ ɔ he ɔ, nyɛ ma je li, jehanɛ ɔ nyɛ pi nibwɔhi, loo ma se bi hu, se mohu nyɛɛ kɛ ni klɔuklɔu ɔmɛ tsuo peeɔ ma mi bi, kɛ Mawu we bi.

Malaki 1:11

Je ma amɛ tsuo, kɛ je pu site he kɛ ya si pu sinɔ he ɔ, woɔ ye hɛ mi nyami. A sãã tsopa kɛ e he via kɛ haa mi ngɛ he tsuaa he, nɛ a kɛ nike ní nɛ he tsɔ hu baa. Mɛ tsuo pɛpɛɛpɛ a woɔ ye hɛ mi nyami.

Hosea 2:14

Enɛ ɔ he ɔ, ma mlɔɔ e hɛ mi, nɛ ma ngɔ lɛ kɛ ya nga kplanaa a nɔ, nɛ i kɛ lɛ maa tu munyu ngɛ he jɔmi mi ngɛ lejɛ ɔ.

Yesaya 11:10

Jamɛ a ligbi ɔ, matsɛ he nɛ je Ishai powu ɔ mi ɔ maa da si kaa okadi ko ha je ma amɛ. A ma bua a he nya kɛ maa ba e matsɛ ma a mi, nɛ a ma ba wo e hɛ mi nyami.

Ni Tsumi 17:14

Amlɔ nɔuu ɔ, nyɛmimɛ ɔmɛ wo Paulo blɔ kɛ ho wo kpo ɔ ya; se Sila kɛ Timoteo lɛɛ a tlɔ Beroya.

Mose I, 9:28

Nyu kpekpemi ɔ se ɔ, Noa hi si jeha 350,

Mose I, 10:2

Yafet bimɛ ji Gomer, Magog, Madai, Yavan, Tubal, Meshek, kɛ Tiras bi.

Mose I, 27:29

Je ma amɛ ma sɔmɔ mo, nɛ nimli adesahi ma kpla si ha mo. O maa ye o nyɛmimɛ ɔmɛ a nɔ, nɛ o nyɛbimɛ ɔmɛ ma kpla si ha mo. Nihi nɛ gbiɛɛ mo ɔ, a maa gbiɛ mɛ; ni nɛmɛ nɛ gbaa mo ɔ, a maa gbaa mɛ.”

Yesaya 66:19

Jamɛ a be ɔ loko a maa le kaa imi lɛ i ngɛ a tue gblae. “Se ma he a ti ni komɛ a yi wami, nɛ ma tsɔ mɛ kɛ maa ya je ma amɛ a ngɔ, kɛ zugbahi a nɔ ngɛ tsitsaa lokoo, he nɛ a nui ye we agbo jemi, kɛ ye he wami kpetekpleenyɛ ɔ he ngɛ lolo. Ma tsɔ mɛ Spania, Libia, Lidia he nɛ kɛ̃ɛ̃ tsɛ̃li kpakpahi ngɛ ɔ, Tubal, kɛ Hela. A ma ya fiɛ ngɛ je ma nɛ ɔmɛ a mi ke Mawu kpetekpleenyɛ ji mi.