Mose I, 8:9 - BAIBLO ALOO NGMAMI KLƆUKLƆU Ɔ

⁹ Se okpo ɔ nɛ he ko nɛ e ma, ejakaa nyu ha zugba a tsuo nɔ kɛ mwɔɔ; lɔ ɔ he ɔ, e kpale kɛ ba lɛ ɔ he. Noa sɔle e nine nɛ e nu okpo ɔ kɛ wo lɛ ɔ mi.

Mose I, 8:9 ပူးပေါင်းရင်းမြစ်များ

Mose I, 8:10

E mlɛ otsi, nɛ e ngmɛɛ okpo ɔ he ekohu.

Mose I, 8:8

Nɛ́ Noa na kaa kuakualabite ɔ bɛ ɔ, e ngmɛɛ okpo ko hu he nɛ e kɛ hyɛ kaa nyu ɔ mii ta lo.

La 116:7

Ye nɔ gbagba maa te, nɛ ye bua maa jɔ ekohu; ejakaa Yawɛ dloo mi babauu.

Yesaya 60:8

Mɛnihi nɛ a ngɛ fo nɔ kɛ ma kaa bɔku, loo kaa lahuɛhi nɛ kpale kɛ ma a saflɛhi a mi nɛ ɔ?

Ezekiel 7:16

Ni komɛ maa tu fo kɛ ya yo ɔmɛ a nɔ ya hi lejɛ ɔ kaa lahuɛhi nɛ a fie mɛ kɛ je a hi he. Mɛ tsuo a maa ye kɔmɔ; nɔ tsuaa nɔ ma fo ya ngɛ lɛ nitsɛ e he yayamihi a he.

Mateo 11:28

“Nyɛ nihi tsuo nɛ nyɛ tloo tlomi nɛ pɔ tɔ nyɛ, nyɛɛ ba ye ngɔ, nɛ ma ha nɛ nyɛɛ jɔɔ nyɛ he.

Yohane 16:33

I de nyɛ ní nɛ ɔmɛ, konɛ nyɛɛ kɛ mi nɛ hi si, konɛ nyɛ na he jɔmi. Benɛ nyɛ ngɛ je ɔ mi ɔ, haomi maa ba nyɛ nɔ; se nyɛ tsui nɛ nɔ nyɛ mi, ejakaa i ye je ɔ nɔ kunimi.”

Mose V, 28:65

Nyɛ be tue mi jɔmi nae ngɛ he ko he ko; he ko be nɛ nyɛ ma tsɛ ke nyɛ nitsɛmɛ nyɛ nɔ́; Yawɛ ma ha nyɛ tsui maa hi poe; nyɛ hɛ kɛ nɔ fɔmi maa ta, nɛ nyɛ nine mi maa je wu.