Mose I, 8:21 - BAIBLO ALOO NGMAMI KLƆUKLƆU Ɔ

²¹ Yawɛ nu bɔ ɔ he via, nɛ e ná he bua jɔmi. Kɛkɛ nɛ e de e he ke, “I be níhi nɛ wami ngɛ a mi ɔ tsuo a hɛ mi kpatae kikɛ nɛ ɔ hu kɔkɔɔkɔ.

Mose I, 8:21 ပူးပေါင်းရင်းမြစ်များ

2 Korintobi 2:15

Ejakaa wa ngɛ kaa tsopa kɛ e he via liliili nɛ Kristo kɛ sãã bɔ ha Mawu. Wa nɔ nɛ a guu kɛ fiɛɔ sane kpakpa a nɛ kɔɔ Kristo he ɔ kɛ haa je ɔ tsuo, nihi nɛ ngɛ blɔ nɔ kɛ yaa neneene wami mi, kɛ ni nɛmɛ nɛ ngɛ blɔ nɔ kɛ yaa hɛ mi kpatami mi.

Efesobi 5:2

Nyɛ je nyɛ suɔmi kpo ngɔ tsɔɔ nyɛ sibi ngɛ nyɛ ní peemi mi kaa bɔ nɛ Kristo suɔ wɔ nɛ e ba gbo ngɛ wa he ɔ. Ee, Kristo ngɔ e he ngɔ ha kaa nike ní nɛ a kɛ sã bɔ, nɛ he via, nɛ sa Mawu hɛ mi.

Yeremia 17:9

“Mɛnɔ maa le nɔmlɔ adesa tsui mi? E nɔ nɔ sisilɔ ko be ɔ, e hiɔ ɔ hu be tsa ba.

Mose I, 6:5

Benɛ Yawɛ na kaa nimlihi a yi mi wa, nɛ nɔ́ yaya pɛ a susuɔ daa nɛ ɔ,

Filipibi 4:18

Níhi tsuo nɛ nyɛ mane ɔ ba su mi; a hiɛ kulaa pe bɔ nɛ i susu! Epafrodito ngɔ nyɛ manemi ɔmɛ tsuo kɛ ba, nɛ nɔ́ ko nɔ́ ko hia we mi hu. Nike ní nɛ ɔmɛ ngɛ kaa bɔ ko nɛ a sã ha Mawu. Bɔ kaa kikɛ nɛ ɔ jeɔ via liliili; e saa Mawu hɛ mi, nɛ e naa he bua jɔmi.

Romabi 3:23

Ejakaa nihi tsuo pee yayami, nɛ Mawu hɛ mi nyami ɔ bɔ mɛ.

Ezekiel 20:41

Ke i je nyɛ kɛ je je mahi a nɔ hehi nɛ a gbɛ nyɛ ngɔ fĩa a, nɛ i ba bua nyɛ nya a, ma ná nyɛ he tsui kaa bɔ nɛ he via, nɛ je ma amɛ maa na kaa nɔ klɔuklɔu ji mi ngɛ nyɛ kpɛti.

Mateo 15:19

Ejakaa tsui mi nɛ susumi yayami nɛ ɔmɛ jeɔ: nɔmlɔ gbemi, gba puɛmi, ajuama bɔmi, jumi, lakpa odase yemi, kɛ nɔ biɛ puɛmi.

Mose III, 1:13

E mi ní ɔ kɛ e nane ɔmɛ lɛɛ nɔ nɛ ma bɔ sami ɔ nɛ fɔ a he, nɛ osɔfo ɔ nɛ sã lɛ tsuo ngɛ bɔ sami la tɛ ɔ nɔ. Enɛ ɔ ji sami bɔ, bɔ nɛ a kɛ la sãã nɛ jee via ha Yawɛ.

Fiɛlɔ 7:20

Niinɛ, dalɔ ko dalɔ ko be zugba nɛ ɔ nɔ. Nɔ ko nɔ ko be nɛ peeɔ kpakpa daa nɛ ɔ, nɛ lɛɛ e pee we yayami gblegbleegble.

Mose III, 1:9

se e mi ní ɔmɛ, kɛ e nane ɔmɛ lɛɛ nɔ nɛ ma bɔ sami ɔ nɛ fɔ a he; nɛ osɔfo ɔ nɛ sã lɛ tsuo ngɛ bɔ sami la tɛ ɔ nɔ kaa sami bɔ. Enɛ ɔ ji bɔ nɛ a kɛ la sãã nɛ jee via ha Yawɛ.

Mose I, 3:17

Nyumu ɔ lɛɛ Yawɛ Mawu de lɛ ke, “O ya bu o yo ɔ tue nɛ o ye tso ɔ yiblii ɔ nɛ i de nyɛ ke nyɛ ko ye ɔ. Nɔ́ nɛ o pee nɛ ɔ he je ɔ, i gbiɛ zugba zu ɔ; nga kɛ mio maa puɛ ngɛ nɔ, nɛ nga nɔ tsohi ji nɔ́ nɛ o maa ye. O ma tsu ní kpakpataa nɛ o maa nyla o hɛ mi latsa loko zugba a maa ba ní bɔ nɛ sa ha mo nɛ o ye. O maa pee enɛ ɔ daa kɛ yaa si a maa pu mo ngɛ zu ɔ nɛ i tĩ kɛ puɛ mo ɔ mi. Zu ji mo, nɛ o maa kpale kɛ ya zu mi ekohu.”

Yohane 3:6

Adesa lɛɛ adesa kɛkɛ e fɔɔ, se Mumi Klɔuklɔu lɛɛ e fɔɔ nɔ ehe.

Yesaya 53:6

Wɔ tsuo wa ngɛ kaa tohi nɛ laa blɔ; nɔ tsuaa nɔ ngɔ lɛ nitsɛ e blɔ. Se tue gblami nɛ sa wɔ tsuo ɔ, Yawɛ ngɔ kɛ ha lɛ.

La 58:3

Yiwutsotsɛmɛ peeɔ yayami a wami be tsuo; kɛ je a fɔmi be ɔ, lakpa sɔuu a yeɔ.

La 51:5

Kɛ je be nɛ a fɔ mi ɔ, yayami peelɔ ji mi. Loko ye nyɛ ngɔ mi hɔ po, yayami ngɛ ye he.

1 Yohane 5:19

Wa le kaa Mawu níhi ji wɔ, pohu je ɔ, Abosiami lɛ ngɛ nɔ yee.

Romabi 1:21

A le Mawu ji nɛ, se e hɛ mi nyami nɛ sa kaa a woɔ kaa Mawu ji lɛ ɔ, a wui; nɛ a nɛ́ lɛ si hulɔ. Lɔ ɔ ji kaa nɔ́ kpakpa ko kulaa be a juɛmi mi; nɛ a kɔ we nɔ́ se, ejakaa a juɛmi mi wo diblii kpii.

Yeremia 18:12

Ke o de mɛ ja a, a ma he nɔ ke, ‘Dɛbi! Nɔ́ nɛ wa tsui suɔ ɔ, lɔ ɔ wa maa pee. Wa maa wa tue, nɛ wa maa pee yayami bɔ nɛ wa suɔ.’ ”

Abɛ Womi 20:9

Mɛnɔ ma nyɛ ma de anɔkuale mi ke, “Ye tsui mi tsɔ, nɛ yayami ko pa be ye he hu”?

Hiob 14:4

Anɛ nɔmlɔ adesa ko ngɛ nɛ he tsɔ kɛ pi si lo? Dɛbi! Nɔ ko be.

Mose III, 1:17

É pɛtɛ pɛli ɔmɛ a he, nɛ́ e fɛ lohwe ɔ mi, se e ko kplɔ pɛli ɔmɛ ngɛ he; lɔ ɔ se ɔ, e sã lohwe ɔ tsuo ngɛ bɔ sami la tɛ ɔ nɔ. Enɛ ɔ ji sami bɔ, bɔ nɛ a kɛ la sãã, nɛ jeɔ via ha Yawɛ.

Mose II, 29:25

Lɔ ɔ se ɔ, hé ní ɔmɛ ngɛ a dɛ, nɛ o sã ngɛ bɔ sami la tɛ ɔ nɔ kɛ piɛ sami bɔ ɔ he. E ji sami bɔ nɛ jee via, nɛ sa imi Yawɛ, ye hɛ mi.

Mose II, 29:18

Lɔ ɔ se ɔ, moo sã to ɔ tsuo ngɛ bɔ sami la tɛ ɔ nɔ. E ji sami bɔ nɛ jee via saminya, nɛ sa imi Yawɛ, ye hɛ mi.

Mose I, 6:17

Ma ha nɛ nyu kpekpemi maa ba je ɔ mi nɛ e ma kpata nɔ́ tsuaa nɔ́ nɛ wami ngɛ e mi ɔ hɛ mi. Nɔ́ tsuaa nɔ́ nɛ ngɛ je ɔ mi ɔ hɛ mi ma kpata,

Yeremia 8:6

Ke i bu nyɛ ní sɛɛmi he tue keii ɔ, mɛni ji nɔ́ nɛ i nuɔ? Lakpa sɔuu! Nɔ ko nɔ ko tu we anɔkuale. Nyɛ ti nɔ ko nɔ ko he yayami dɔɛ lɛ nɛ e pia e he, nɛ́ e bi e he ke, ‘Ao, mɛni ji nɔ́ nɛ i pee nɛ ɔ?’ Nɔ tsuaa nɔ ngɛ lɛ nitsɛ e blɔ nɔ kɛ bee kaa okpɔngɔ nɛ ngɛ fo tue kitikiti ngɛ ta nga nɔ.

Yesaya 65:6

“I pee ye yi mi momo, nɛ i ngma ngɔ fɔ si ke i be ye nya mae hu; ma gbla a tue wawɛɛ kɛ to nane mi sisiisi

Yesaya 48:8

Nyɛ nui hyɛ, nɛ nyɛ li lolo; kɛ je blema lokoo ɔ, nyɛ tue bli we lolo! Ejakaa i le kaa yi wu tso níhi nyɛ peeɔ; kɛ je nyɛ fɔmi be mi tɔɔ ɔ, atuã tsɔli a tsɛɔ nyɛ.

Yesaya 47:15

Nihi tsuo nɛ o gbo a he dengme ɔ, se nɛ o ma na ngɛ a he ji nɛ ɔ nɛ; nihi nɛ kɛ mo ye jua kɛ je o jokuɛwi a si ɔ, mɛ tsuo a maa ngmɛɛ o he; nɔ tsuaa nɔ ma wo lɛ nitsɛ e blɔ, nɛ nɔ ko nɔ ko be piɛe nɛ ma he o yi wami.”

Yesaya 47:12

Kunya nɛ o ye, kɛ kablɛ nɛ o fi kɛ je o jokuɛwi a si ɔ, pɛtɛ he. Eko piɔ, a ma ha nɛ nihi a mi maa hi ha mo, nɛ o he nyɛli maa ye mo gbeye.

Mose III, 26:31

Ma kpata nyɛ ma nguangua amɛ a hɛ mi kɛ yaa si a ma plɛ pee ma dokuhi. Nyɛ jami he ɔmɛ hu ma puɛ mɛ, nɛ i be nyɛ bɔ ɔmɛ hee hu.

Mose I, 5:29

E de ke, “Dengme nɛ wa ngɛ gboe kɛ ngɛ ní tsue ngɛ zugba nɛ Yawɛ gbiɛ ɔ nɔ ɔ, bi nɛ ɔ ma ba wo wa bua.” Lɔ ɔ he ɔ, e wo jokuɛ ɔ biɛ ke Noa.

Mose I, 4:12

Ke o hu ɔ, zugba a be ní bae ha mo hu; o maa bɔ kó, nɛ o maa wo lalaalo ngɛ je ɔ mi.”

Mose I, 6:7

Lɔ ɔ he ɔ, Yawɛ de ke, “Ma kpata nɔmlɔ nɛ i bɔ ɔ e hɛ mi; pi nɔmlɔ kɛkɛ, se lohwehi tsuo: nane eywiɛɛywiɛtsɛmɛ, pɛlitsɛmɛ kɛ ní nɛmɛ nɛ sãã si. E dɔ mi kaa i pee mɛ.”

Mose I, 6:13

Mawu de Noa ke, “I to kaa ma kpata nimli adesahi tsuo kulaa a hɛ mi, ejakaa a ha je ɔ tsuo pee kɛ yayami sɔuu. Ɛɛ, ma kpata a kɛ je ɔ tsuo a hɛ mi.

Mose III, 4:31

É je zɔ ɔ tsuo kaa bɔ nɛ a jeɔ zɔ ngɛ lohwe nɛ a gbe kɛ ha tue mi jɔmi bɔ sami ɔ mi pɛpɛɛpɛ. Osɔfo ɔ nɛ sã lɛ tsuo ngɛ bɔ sami la tɛ ɔ nɔ, nɛ́ é je via ha Yawɛ. Bɔ nɛ osɔfo ɔ maa pee kɛ sã bɔ, nɛ e kɛ ma kpata Mawu ha nɔ ɔ, konɛ a kɛ e he yayami nɛ pa lɛ ji nɛ ɔ nɛ.

Mose III, 8:28

Mose he ní nɛ ɔmɛ ngɛ a dɛ mi, nɛ e sã mɛ kɛ piɛ sami bɔ ɔ he ngɛ bɔ sami la tɛ ɔ nɔ. Osɔfo womi bɔ nɛ a kɛ la sãã, nɛ jee via ha Yawɛ ji nɛ ɔ nɛ.

Mose IV, 15:3

nɛ nyɛ suɔ kaa nyɛɛ kɛ na, loo to maa sã bɔ nɛ je via ha mi ɔ, sami bɔ jio, si womi nɔ yemi bɔ jio, bɔ nɛ je nyɛ tsui mi faa jio, aloo bɔ nɛ a sãã ngɛ ligbi nguahi nɛ a to ɔ eko nɔ jio,

Samuel I, 26:19

Ye nyɔmtsɛ, moo bu nɔ́ nɛ o tsɔlɔ ma de mo nɛ ɔ tue. Ke Yawɛ lɛ pee loko o ngɛ ye se blɔ hlae ɔ, lɛɛ e ngmɛ mi blɔ nɛ ma sã bɔ kɛ kpata lɛ. Se ke nimli adesahi a ní tsumi ɔ, lɛɛ Yawɛ nɛ e gbiɛ mɛ; ejakaa mwɔnɛ ligbi nɛ ɔ, a fie mi kɛ je Yawɛ zugba a nɔ kɛ ho ma kpa nɔ ya nɛ ma ya ja mawu kpahi ngɛ lejɛ ɔ.

La 58:4

Duɔ nɛ hyi a mi ɔ ngɛ kaa sinɔ duɔ. A tsiɔ a tue kaa sanga tuekpokutsɛ