Mose I, 8:20 - BAIBLO ALOO NGMAMI KLƆUKLƆU Ɔ

²⁰ Noa ma bɔ sami la tɛ ha Yawɛ, nɛ e ngɔ we mi lohwehi nɛ a he tsɔ ɔ eko tsuaa eko kɛ sã sami bɔ ngɛ nɔ: pɛlitsɛmɛ kɛ nane eywiɛɛywiɛtsɛmɛ.

Mose I, 8:20 ပူးပေါင်းရင်းမြစ်များ

Romabi 12:1

I kpa nyɛ pɛɛ ye nyɛmimɛ, Mawu na nyɛ mɔbɔ babauu, lɔ ɔ he ɔ, nyɛɛ ngɔ nyɛ he ngɔ ha kaa bɔ nɛ a sã, se kɛ̃ e hɛ ngɛ, nɛ e he tsɔ, nɛ e saa Mawu hɛ mi; nɛ nyɛɛ kɛ nyɛ wami tsuo nɛ sɔmɔ Mawu, konɛ nyɛ jami ɔ nɛ pee ngɛ mumi mi.

Mose I, 22:9

Benɛ a su he nɛ Mawu tsɔɔ Abraham ɔ, Abraham ma bɔ sami la tɛ, nɛ e to lɛ́ ɔ ngɔ pue nɔ. E fi e bi Isak, nɛ e kɛ lɛ fɔ lɛ́ ɔ nɔ ngɛ bɔ sami la tɛ ɔ nɔ.

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.

1 Petro 2:5

Nyɛɛ ba kaa tɛhi nɛ a hɛ ngɛ, nɛ nyɛ ha nɛ a fia nyɛ kɛ ma si kaa mumi mi we. Nyɛ maa pee osɔfo klɔuklɔuhi, nɛ kɛ gu Yesu Kristo nɔ ɔ, nyɛ maa sã mumi mi bɔ nɛ maa sa Mawu hɛ mi.

Hebribi 13:10

Wa ngɛ bɔ sami la tɛ ko nɛ nihi nɛ sɔmɔɔ ngɛ bo tsu ɔ mi ɔ be he blɔ kaa a yeɔ e nɔ ní.

Mose II, 10:25

Se Mose bi lɛ ke, “Lɛɛ mo nitsɛ o ma ha wɔ lohwehi nɛ wa kɛ ya sã bɔ ha Yawɛ, wa Mawu ɔ lo?

Mose I, 35:7

Yakob ma bɔ sami la tɛ ngɛ lejɛ ɔ, nɛ e kɛ Betel Mawu ɔ biɛ wo lɛ; ejakaa lejɛ ɔ ji he nɛ Mawu je e he kpo ngɔ tsɔɔ lɛ ngɛ, benɛ e tu e nyɛmi Esau nya fo ɔ.

Mose I, 35:1

Mawu de Yakob ke, “Yaa Betel esɔ, nɛ o ya hi lejɛ ɔ. Yaa ma bɔ sami la tɛ ngɛ lejɛ ɔ ha imi, Mawu ɔ nɛ i je ye he kpo ngɔ tsɔɔ mo, benɛ o tu o nyɛmi Esau nya fo ɔ.”

Mose I, 33:20

Yakob ma bɔ sami la tɛ ngɛ lejɛ ɔ, nɛ e kɛ Israel Mawu ɔ biɛ wo lɛ.

Mose I, 26:25

Isak ma bɔ sami la tɛ ngɛ lejɛ ɔ, nɛ e ja Yawɛ. Lɔ ɔ se ɔ, e ma e bo tsu ɔ, nɛ e nyɔguɛ ɔmɛ tsua vu kpa ngɛ lejɛ ɔ.

Mose I, 13:18

Lɔ ɔ he ɔ, Abram gbɛ e bo tsu ɔ, nɛ e ba hi tso ngua amɛ a kasa nya ngɛ Mamre, ngɛ Hebron. Nɛ e ma bɔ sami la tɛ ha Yawɛ, nɛ e ja lɛ ngɛ lejɛ ɔ.

Mose I, 13:4

nɛ e ma bɔ sami la tɛ ɔ ngɛ ɔ. Lejɛ ɔ lɛ e ja Yawɛ ngɛ.

Mose I, 7:2

Ngɔɔ lohwe nane eywiɛɛywiɛtsɛmɛ nɛ a he tsɔ, eku kpaago kɛ eyo kpaago, kɛ ní nɛmɛ nɛ a he tsɔ we lɛɛ eku kɛ eyo kakaaka pɛ kɛ wo lɛ ɔ mi.

Mose I, 4:4

Habel hu ngɔ kekleekle bi nɛ e jijɔ ɔmɛ eko fɔ ɔ kɛ ba. E gbe lɛ, nɛ e kɛ lo ɔ hehi nɛ wo zɔ ɔ sã bɔ. Yawɛ bua jɔ Habel kɛ e bɔ ɔ he.

Mose I, 22:2

Mawu de lɛ ke, “Ngɔɔ o binyumu Isak, o bi kake too ɔ nɛ o suɔ lɛ saminya a, nɛ o ya Moria zugba a nɔ. Ngɔɔ lɛ kɛ ya sã sami bɔ ha mi ngɛ lejɛ ɔ, ngɛ yo ko nɛ ma tsɔɔ mo ɔ nɔ.”

Mose I, 8:19

Lohwe ɔmɛ tsuo kulaa je kpo ngɛ lɛ ɔ mi, kɛ a henɔ kɛ a henɔ: pɛlitsɛmɛ, nane eywiɛɛywiɛtsɛmɛ, kɛ ní nɛmɛ nɛ sãã si.

Hiob 1:5

Ke a gbe ní yemi ɔ tsuo nya kikɛ nɛ ɔ, jena mɔtu ɔ, Hiob maa te si mla nɛ e maa sã sami bɔ kɛ ha e bimɛ ɔmɛ kakaaka, nɛ e kɛ maa pee mɛ klɔuklɔu. Hiob peeɔ nɔ́ nɛ ɔ daa, ejakaa e susuɔ kaa eko ɔ, e bimɛ ɔmɛ pee yayami kaa a jɛ Mawu nɛ a li a he be.

Mose I, 7:3

Lohwe pɛlitsɛmɛ hu, ngɔɔ eko tsuaa eko eku kpaago kɛ eyo kpaago kɛ wo lɛ ɔ mi. Moo pee enɛ ɔ, konɛ lohwe ɔmɛ tsuo a yi nɛ na wami, nɛ a fɔ kɛ wo je ɔ mi ekohu.

Mose II, 29:18

Lɔ ɔ se ɔ, moo sã to ɔ tsuo ngɛ bɔ sami la tɛ ɔ nɔ. E ji sami bɔ nɛ jee via saminya, nɛ sa imi Yawɛ, ye hɛ mi.

Mose II, 29:25

Lɔ ɔ se ɔ, hé ní ɔmɛ ngɛ a dɛ, nɛ o sã ngɛ bɔ sami la tɛ ɔ nɔ kɛ piɛ sami bɔ ɔ he. E ji sami bɔ nɛ jee via, nɛ sa imi Yawɛ, ye hɛ mi.