Mose I, 7:23 - BAIBLO ALOO NGMAMI KLƆUKLƆU Ɔ

²³ Yawɛ kpata nɔ́ tsuaa nɔ́ nɛ ngɛ hɛ ngmengmle ngɛ je ɔ mi ɔ hɛ mi: nimli adesahi, lohwe pɛlitsɛmɛ, lohwe nane eywiɛɛywiɛtsɛmɛ, kɛ ní nɛmɛ nɛ sãã si. Noa kɛ ni nɛmɛ nɛ e kɛ mɛ ngɛ lɛ ɔ mi ɔ pɛ nɛ a piɛ.

Mose I, 7:23 ပူးပေါင်းရင်းမြစ်များ

2 Petro 2:5

Mawu ngɔɛ blema bi ɔmɛ a he ngɔ ki mɛ, se mohu e ngɔ nyu kpekpemi kɛ kpata yayami peeli ɔmɛ a hɛ mi. Noa nɛ fiɛ ke a ye dami sane ɔ, e kɛ ni kpaago kpa komɛ pɛ lɛ Mawu he a yi wami.

1 Petro 3:20

Nihi nɛ bui Mawu tue be mi nɛ Noa ngɛ e lɛ ɔ kpɛe ɔ a mumihi ji lɔ ɔmɛ nɛ. Jamɛ a be ɔ, Mawu to e tsui si wawɛɛ ha mɛ, bɔ nɛ pee nɛ a tsake a tsui. Nihi bɔɔ nɛ ngɛ lɛ ɔ mi ɔ, mɛɛ lɛɛ Mawu ha we nɛ nyu kpekpemi ɔ nɛ gbe mɛ. A hiɛmi ji kpaanyɔ.

Hebribi 11:7

Hemi kɛ yemi lɛ ha nɛ Noa bu Mawu tue, benɛ e de lɛ ke nɔ́ ko ma nɛ bɛ hyɛ ɔ. E kpɛ lɛ nɛ a kɛ he e kɛ e yo kɛ e bimɛ a yi wami. Kɛ gu enɛ ɔ nɔ ɔ, je ɔ yeɔ fɔ kaa a pee yayami; se Noa lɛɛ Mawu wo lɛ nguɔ kaa nɔ nɛ peeɔ nɔ́ nɛ da ngɛ hemi kɛ yemi nya.

2 Petro 3:6

Nɛ nyu nɔuu, nyu kpekpemi ɔ a kɛ kpata jamɛ a be ɔ mi je ɔ hɛ mi.

Mateo 25:46

Lɔ ɔ he ɔ, nimli nɛ ɔmɛ maa ya neneene he hiami mi; se dali ɔmɛ lɛɛ a maa ya neneene wami mi.”

2 Petro 2:9

Lɔ ɔ he ɔ, Nyɔmtsɛ ɔ le bɔ nɛ e peeɔ nɛ e jeɔ nimli kpakpahi kɛ jeɔ ka mi. E le bɔ nɛ e peeɔ kɛ hii nimli yayamihi a tue gblae hluu kɛ yaa su kojomi ligbi ɔ tɔɔ.

Abɛ Womi 11:4

Ní babauu nɛ nɔ ko na a be nyɛe ma he e yi wami ngɛ kojomi ligbi ɔ nɔ. Nɔ́ nɛ ma nyɛ he e yi wami ji anɔkuale nɛ e yeɔ ɔ.

La 91:1

Nɔ nɛ hii Hiɔwe No ɔ laami he ɔ, Ope ɔ nitsɛ maa baa e yi.

Hiob 5:19

E ma je mo kɛ je haomihi tsuo a mi, nɛ nɔ́ ko be o he sae.

La 91:7

Nimli akpe ma gbo ngɛ o kasa nya; akpe nyɔngma ma gbo kɛ bɔle mo kɛ kpe, se moo lɛɛ nɔ́ ko nɔ́ ko be o he sae.

Mose I, 6:17

Ma ha nɛ nyu kpekpemi maa ba je ɔ mi nɛ e ma kpata nɔ́ tsuaa nɔ́ nɛ wami ngɛ e mi ɔ hɛ mi. Nɔ́ tsuaa nɔ́ nɛ ngɛ je ɔ mi ɔ hɛ mi ma kpata,

Mose I, 8:18

Kɛkɛ nɛ Noa kɛ e yo ɔ, kɛ e binyumu ɔmɛ kɛ a yi ɔmɛ je kpo ngɛ lɛ ɔ mi.