Mose I, 7:1 - BAIBLO ALOO NGMAMI KLƆUKLƆU Ɔ

¹ Yawɛ de Noa ke, “Yaa sɛ lɛ ɔ mi; mo, kɛ nihi nɛ ngɛ o we ɔ mi ɔ tsuo; ejakaa i na kaa mo pɛ ji nɔ nɛ peeɔ nɔ́ nɛ da ngɛ je ɔ mi tsuo.

Mose I, 7:1 ပူးပေါင်းရင်းမြစ်များ

Mose I, 6:18

se moo lɛɛ i kɛ mo maa so. O kɛ o yo, kɛ o binyumu ɔmɛ, kɛ a yi ɔmɛ nɛ ba sɛ lɛ ɔ mi.

Mose I, 6:9

Noa he sane ji nɛ ɔ nɛ. Noa ngɛ binyumuhi etɛ: Shem, Ham, kɛ Yafet. Noa nɛ ɔ, piami ko be e he; e be ɔ mi ɔ, lɛ pɛ ji dalɔ, nɛ e peeɔ Mawu suɔmi nya ní.

Mose I, 7:13

Jamɛ a ligbi ɔ nɔuu ɔ, Noa kɛ e yo ɔ, kɛ e binyumu etɛ ɔmɛ, Shem, Ham, kɛ Yafet, kɛ mɛ hu a yi ɔmɛ sɛ lɛ ɔ mi.

Mose I, 7:7

E kɛ e yo, kɛ e binyumu ɔmɛ, kɛ a yi ɔmɛ ya sɛ lɛ ɔ mi nɛ a kɛ tu nyu kpekpemi ɔ nya fo.

Samuel II, 22:24

E le kaa i da kɛ pi si; e le kaa i pee we yayami ko.

Abɛ Womi 10:9

Nɔ nɛ yeɔ anɔkuale ɔ, e he mi jɔɔ lɛ. Nɔ nɛ yi anɔkuale lɛɛ nine maa gbe lɛ.

Abɛ Womi 14:26

Nɔ nɛ yeɔ Yawɛ gbeye ɔ, e kɛ e bimɛ tsuo hiɔ si ngɛ he jɔmi mi.

Abɛ Womi 18:10

Yawɛ ngɛ kaa mɔ nguaa, he nɛ nimli kpakpahi tuu fo kɛ ya saa we ngɛ nɛ a yi naa wami.

Ezekiel 14:14

Ke e ba mi kaa ni etɛ nɛ ɔmɛ, Noa, Daniel, kɛ Hiob ngɛ jamɛ a zugba a nɔ tete po ɔ, a kpakpa peemi ɔ, mɛ nitsɛmɛ a yi wami pɛ e ma nyɛ he kɛ je hɛ mi kpatami ɔ mi.” Nyɔmtsɛ Yawɛ lɛ de.

Zefania 2:3

Nyɛ nihi tsuo nɛ nyɛ ngɛ je ɔ mi, nɛ nyɛ baa nyɛ he si, nɛ nyɛ yeɔ Yawɛ mlaa amɛ a nɔ, nyɛ hla e se blɔ. Nyɛɛ pee nɔ́ nɛ da, nɛ nyɛɛ ba nyɛ he si; alini, ligbi ɔ nɛ Yawɛ mi mi ma fu wawɛɛ, nɛ e maa gbla nihi a tue ɔ, nyɛɛ lɛɛ a maa laa nyɛ nɔ.

Luka 1:6

Mɛ ni enyɔ ɔmɛ tsuo a peeɔ nɔ́ nɛ da ngɛ Mawu hɛ mi, nɛ a yeɔ e mlaa amɛ, kɛ e fami ɔmɛ a nɔ́ sisiisi.

Luka 17:26

Loko Nɔmlɔ Bi ɔ maa ba a, níhi nɛ ya nɔ Noa be ɔ mi ɔ maa ba mi jã nɔuu.

Ni Tsumi 2:39

Ejakaa si nɛ Mawu wo ɔ, nyɛɛ kɛ nyɛ bimɛ, kɛ nihi abɔ tsuo nɛ ngɛ se lokoo nɛ Nyɔmtsɛ, wa Mawu ɔ ma tsɛ kɛ ba e ngɔ ɔ nyɛ he ngɛ mi.”

Hebribi 11:7

Hemi kɛ yemi lɛ ha nɛ Noa bu Mawu tue, benɛ e de lɛ ke nɔ́ ko ma nɛ bɛ hyɛ ɔ. E kpɛ lɛ nɛ a kɛ he e kɛ e yo kɛ e bimɛ a yi wami. Kɛ gu enɛ ɔ nɔ ɔ, je ɔ yeɔ fɔ kaa a pee yayami; se Noa lɛɛ Mawu wo lɛ nguɔ kaa nɔ nɛ peeɔ nɔ́ nɛ da ngɛ hemi kɛ yemi nya.

1 Petro 3:20

Nihi nɛ bui Mawu tue be mi nɛ Noa ngɛ e lɛ ɔ kpɛe ɔ a mumihi ji lɔ ɔmɛ nɛ. Jamɛ a be ɔ, Mawu to e tsui si wawɛɛ ha mɛ, bɔ nɛ pee nɛ a tsake a tsui. Nihi bɔɔ nɛ ngɛ lɛ ɔ mi ɔ, mɛɛ lɛɛ Mawu ha we nɛ nyu kpekpemi ɔ nɛ gbe mɛ. A hiɛmi ji kpaanyɔ.