Mose I, 6:2 - BAIBLO ALOO NGMAMI KLƆUKLƆU Ɔ

² Mawu binyumu ɔmɛ ekomɛ na kaa yi nɛ ɔmɛ a he ngɛ fɛu; lɔ ɔ he ɔ, a ngɔ a ti ni nɛmɛ nɛ a suɔ.

Mose I, 6:2 ပူးပေါင်းရင်းမြစ်များ

1 Yohane 2:16

Nɔ́ tsuaa nɔ́ nɛ ngɛ je nɛ ɔ mi ɔ, je ɔ mi e je. Níhi nɛ he lo ɔ dii se, níhi nɛ hɛngmɛ dii se, kɛ níhi nɛ nihi fĩaa kɛ fɔɔ nɔ ɔ, lɛ tsuo je je nɛ ɔ mi; ekoeko ji Tsɛ ɔ ngɔ.

2 Petro 2:14

A hɛngmɛ hyɛ we nɔ́ kpa ko kaa ja yihi yaholi pɛ. Pɔ tɔɛ mɛ kɛ yayami peemi. A sisiɔ nihi nɛ gbɔjɔ, nɛ a naa a he blɔ. A kase jiklɔɔ peemi, nɛ a le saminya. Mawu gbiɛ mɛ pɛ!

Ezra 9:12

Lɔ ɔ he ɔ, wa kó ha wa biyi ɔmɛ ya gba ma je li ɔmɛ a binyumu ɔmɛ, nɛ wa kó ngɔ a biyi ɔmɛ kɛ ha wa binyumu ɔmɛ. Wa ko ha mɛ tue mi jɔmi, nɛ wa ko ngmɛ mɛ blɔ nɛ a plɔke kɔkɔɔkɔ. Kɛkɛ wa ma na he wami; wa maa ye zugba a nɔ niba ní, nɛ wa ma si ha wa nina kɛ maa ya neneene.

Samuel II, 11:2

Ligbi ko gbɔkuɛ nya si ɔ, David te si kɛ je e sa mi nɛ e ya ngɛ si slaae ngɛ tsu ɔ yi mi ngɛ matsɛ we ɔ mi. Kɛkɛ nɛ e na yo ko nɛ ngɛ due ngɛ sisi ɔ. Yo ɔ he ngɛ fɛu saminya.

Mose V, 14:1

“Yawɛ, nyɛ Mawu ɔ ma ji nyɛ. Lɔ ɔ he ɔ, ke nɔ ko gbo nɛ nyɛ ngɛ ya nyɛe ɔ, nyɛ ko poo nyɛ he ha, nɛ nyɛ ko je nyɛ hɛ nya kaa bɔ nɛ je ma kpa amɛ peeɔ ɔ.

Mose II, 34:16

Jehanɛ hu, nyɛ ma ya ngɔ a biyi ɔmɛ ekomɛ ba ha nyɛ binyumu ɔmɛ. Nɛ ke a biyi ɔmɛ ngɛ a mawu ɔmɛ jae ɔ, a maa gbla nyɛ binyumu ɔmɛ kɛ ya piɛ a he kɛ ja a mawu ɔmɛ.

Mose I, 27:46

Rebeka de Isak ke, “Jehanɛ lɛɛ ma se yiwi nɛ ɔmɛ nɛ Esau ya ngɔ ɔ, a sane ba gbe ye nya. Ke e maa ba mi kaa Yakob hu ma ya ngɔ Hit yihewi nɛ ɔmɛ a ti nɔ ko ɔ, lɛɛ afani nɛ ma gbo mohu.”

Mose I, 24:3

ngɛ Yawɛ, hiɔwe kɛ zugba Mawu ɔ biɛ mi, kaa o be yo hlae kɛ ha ye binyumu Isak kɛ je Kanaan bi ɔmɛ nɛ i kɛ mɛ ngɛ ɔ a kpɛti.

Mose I, 4:26

Set hu fɔ binyumu nɛ e wo lɛ biɛ ke Enosh. Jamɛ a be ɔ ji be nɛ nimli bɔni Yawɛ biɛ tsɛmi kɛ lɛ jami.

Mose I, 3:6

Yo ɔ na kaa tso ɔ ngɛ fɛu; e na kaa tso ɔ yiblii ɔ maa ngɔ, nɛ e ma ha nɛ nɔ maa le ní. Lɔ ɔ he ɔ, e tsɔ eko nɛ e ye, nɛ e ha e huno ɔ hu eko nɛ e ye.

2 Korintobi 6:18

Ma pee nyɛ tsɛ, nɛ nyɛ maa pee ye binyumuhi kɛ ye biyihi. Imi, Nyɔmtsɛ Ope ɔ, lɛ i de.”

1 Korintobi 7:39

Yogbayo ɔ, be abɔ nɛ e huno ngɛ je mi kɛ mwɔɔ ɔ, mlaa fi lɛ. Ke e huno ɔ gbo ɔ, lɔ ɔ lɛɛ e ngɛ he blɔ nɛ e gbaa nɔ tsuaa nɔ nɛ e suɔ. Se kɛ̃ ɔ, e sa kaa nyumu ɔ nɛ pee nɔ ko nɛ le Nyɔmtsɛ ɔ.

Malaki 2:15

O kɛ o yo ɔ, anɛ Mawu pee we nyɛ ni enyɔ ɔmɛ kake lo? Mɛni he je lɛ Mawu pee ja a? Mawu pee nɔ́ nɛ ɔ, bɔ nɛ pee nɛ nyɛ fɔ bimɛ nɛ ma ba pee lɛ nitsɛ e ma. Lɔ ɔ he ɔ, si nɛ nyɛ wo nyɛ nihe mi yi kpeekpee ɔmɛ ɔ, nyɛɛ hyɛ saminya nɛ nyɛ ti nɔ ko kó je se kɛ ya pee nɔ́ kpa.

Malaki 2:11

Si nɛ Yuda bi ɔmɛ wo Mawu ɔ, a yi nɔ; mohu ɔ, a tsu musu ní ngɛ Yerusalem, kɛ zugba a tsuo nɔ. A ble Yawɛ we ɔ nɛ e suɔ saminya a. Nyumu ɔmɛ ngɔ yihi nɛ jaa ma se mawuhi.

Yesaya 63:16

Mo ji wa tsɛ. Wa nɛmɛ Abraham, kɛ Yakob li wɔ, se mo Yawɛ, wa tsɛ, mo ji wa kpɔlɔ kɛ je blema lokoo.

Hiob 31:1

I ka kita kaa i kɛ akɔnɔ hɛngmɛ be zangmayo ko hyɛe gblegbleegble.

Mose I, 6:1

Nimli adesahi a he ba hiɛ ngɛ je ɔ mi, nɛ a fɔ biyihi.

Mose I, 6:3

Kɛkɛ nɛ Yawɛ de ke, “I be hae nɛ nɔmlɔ nɛ hi je mi kɛ ya neneene; ejakaa nɔ́ nɛ gboɔ ji lɛ. Kɛ je be nɛ ɔ mi kɛ yaa a, nɔmlɔ be yee pe jeha lafa kɛ nyingmi enyɔ.”

Mose I, 12:11

Benɛ e piɛ bɔɔ nɛ a maa su Egipt ɔ, e de e yo Sarai ke, “Sarai, i le kaa yo nɛ he ngɛ fɛu ji mo.

Mose I, 26:35

Yi nɛ ɔmɛ kɛ haomi nɛ nya wa ba Isak kɛ Rebeka a nɔ.

Hiob 1:6

Ligbi ko ɔ, Mawu bimɛ ɔmɛ ba bua a he nya ngɛ Yawɛ hɛ mi, nɛ Satan hu piɛ a he kɛ ba.