Mose I, 6:17 - BAIBLO ALOO NGMAMI KLƆUKLƆU Ɔ

¹⁷ Ma ha nɛ nyu kpekpemi maa ba je ɔ mi nɛ e ma kpata nɔ́ tsuaa nɔ́ nɛ wami ngɛ e mi ɔ hɛ mi. Nɔ́ tsuaa nɔ́ nɛ ngɛ je ɔ mi ɔ hɛ mi ma kpata,

Mose I, 6:17 ပူးပေါင်းရင်းမြစ်များ

2 Petro 2:5

Mawu ngɔɛ blema bi ɔmɛ a he ngɔ ki mɛ, se mohu e ngɔ nyu kpekpemi kɛ kpata yayami peeli ɔmɛ a hɛ mi. Noa nɛ fiɛ ke a ye dami sane ɔ, e kɛ ni kpaago kpa komɛ pɛ lɛ Mawu he a yi wami.

Mose I, 7:4

Hiɛmɛ nɛ ɔ otsi ɔ, ma ha nɛ hiɔmi maa nɛ ngɛ je ɔ mi nyɔ kɛ pia ligbi nyingmi eywiɛ, nɛ ma kpata níhi tsuo nɛ i bɔ nɛ wami ngɛ a mi ɔ a hɛ mi.”

1 Petro 3:20

Nihi nɛ bui Mawu tue be mi nɛ Noa ngɛ e lɛ ɔ kpɛe ɔ a mumihi ji lɔ ɔmɛ nɛ. Jamɛ a be ɔ, Mawu to e tsui si wawɛɛ ha mɛ, bɔ nɛ pee nɛ a tsake a tsui. Nihi bɔɔ nɛ ngɛ lɛ ɔ mi ɔ, mɛɛ lɛɛ Mawu ha we nɛ nyu kpekpemi ɔ nɛ gbe mɛ. A hiɛmi ji kpaanyɔ.

Hebribi 11:7

Hemi kɛ yemi lɛ ha nɛ Noa bu Mawu tue, benɛ e de lɛ ke nɔ́ ko ma nɛ bɛ hyɛ ɔ. E kpɛ lɛ nɛ a kɛ he e kɛ e yo kɛ e bimɛ a yi wami. Kɛ gu enɛ ɔ nɔ ɔ, je ɔ yeɔ fɔ kaa a pee yayami; se Noa lɛɛ Mawu wo lɛ nguɔ kaa nɔ nɛ peeɔ nɔ́ nɛ da ngɛ hemi kɛ yemi nya.

La 107:34

Zugba nɛ baa ní saminya a plɛ pee ngo zɔ zugba; ejakaa nihi nɛ hi lejɛ ɔ, yayami sɔuu a pee.

Amos 9:6

Yawɛ poɔ e we ngɛ hiɔwe, nɛ e ngɔɔ hiɔwe nɔ́ mluguduu ɔ kɛ haa zugba a hɛ mi. E yɛɔ nyu kɛ jeɔ wo mi nɛ e plɛɔ kɛ pueɔ zugba. Lɛ ji Yawɛ!

La 29:10

Yawɛ ngɛ matsɛ yee ngɛ nyu babauu ɔ nɔ kɛ yaa neneene.

Romabi 6:23

Ejakaa yayami he hiɔwo ji gbenɔ; se Mawu nɔke nɔ́ ɔ ji neneene wami nɛ wa naa ngɛ wa Nyɔmtsɛ Yesu Kristo mi.

Romabi 5:21

Lɔ ɔ he ɔ, bɔ nɛ yayami ye tsɛ kɛ gu gbenɔ nɔ ɔ, ja nɔuu Mawu dloomi ɔ ngɛ tsɛ yee kɛ gu dami nɔ; nɛ kɛ gu wa Nyɔmtsɛ Yesu Kristo nɔ ɔ, wa ma na neneene wami.

Luka 17:27

A ngɛ ní yee, nɛ a ngɛ ní nue; a ngɛ yihi ngɔe, nɛ a kɛ yihi ngɛ gba hae hluu kɛ ya su ligbi ɔ nɛ Noa sɛ lɛ ɔ mi. Kɛkɛ nɛ nyu kpekpemi ɔ ba, nɛ e ba kpata mɛ tsuo pɛpɛɛpɛ a hɛ mi.

Hosea 5:14

Imi Yawɛ, ma tsɔtslɔɔ Israel kɛ Yuda a mi ngɔ pue si kaa jata peeɔ nɔ́. Ma ngɔ mɛ kɛ ho; nɛ nɔ ko nɔ ko be nyɛe ma kpɔ mɛ ngɛ ye dɛ.

Ezekiel 34:20

“Lɔ ɔ he ɔ, jehanɛ lɛɛ tohi nɛ wo zɔ, kɛ tohi nɛ tã he lo ɔ, imi Nyɔmtsɛ Yawɛ nitsɛ ma kojo a kpɛti.

Ezekiel 34:11

“Imi Nyɔmtsɛ Yawɛ, i ngɛ nyɛ dee ke, imi nitsɛ ma hla ye to ɔmɛ a se blɔ, nɛ ma hyɛ a nɔ.

Ezekiel 6:3

De Israel yo ɔmɛ ke a bu Nyɔmtsɛ Yawɛ munyu ɔ tue. De mɛ ke a nu nɔ́ nɛ imi Nyɔmtsɛ Yawɛ, i ngɛ yo gagaa amɛ, yoku ɔmɛ, dɔgba amɛ, kɛ kɔ̃ ɔmɛ tsuo dee ɔ. Imi nitsɛ ma hia ta kɛ wo nyɛ; ma gbɛ nyɛ jami he ɔmɛ.

Ezekiel 5:8

imi Nyɔmtsɛ Yawɛ hu, i kɛ mo ná. Ma gbla o tue ngɛ je ma amɛ a hɛ mi paa.

Yesaya 54:9

“Noa be ɔ mi ɔ, i wo si ko; i de ke i be hae nɛ nyu babauu ma ba ha zugba a nɔ hu. Amlɔ nɛ ɔ, i ngɛ mo si woe kaa ye mi mi be mo fue hu gblegbleegble.

Yesaya 51:12

Yawɛ ke, “Imi ji nɔ nɛ woɔ mo he wami. Nɔmlɔ adesa nɛ gboɔ, nɛ e wami se kɛmi pi kaa nga nɔ́ po ɔ, mɛni he je o yeɔ lɛ gbeye?

Hiob 22:16

Loko jamɛatsɛmɛ ɔmɛ a be maa su ɔ, pa nɛ hia kɛ bee ba sa mɛ kɛ a sipoku tsuo kɛ ho momo.

Mose V, 32:39

“Nyɛ na nɛ nyɛɛ le kaa, ‘Imi nɔ kake too ji Mawu; ye se ɔ, mawu ko mawu ko be! Imi nɛ i gbee nɔ, imi kɛ̃ nɛ i haa nɔ wami; imi nɛ i plaa nɔ, nɛ imi nɛ i tsaa nɔ. Nɔ ko nɔ ko be nɛ maa tsi ye nya.

Mose III, 26:28

lɛɛ ye mi mi ma fu nyɛ, nɛ ma je nyɛ se. Imi nitsɛ ma gbla nyɛ tue kɛ bɔ he totoe kpaago ngɛ nyɛ he yayami ɔmɛ a he.

Mose II, 14:17

Ma kplii Egipt bi ɔmɛ a tsui, nɛ a maa nyɛɛ a se; kɛkɛ ɔ, ye hɛ mi maa ba nyami, ejakaa ma ye Farao ɔ kɛ e tabo ɔ, e ta zugba lɛ ɔmɛ, kɛ e we okpɔngɔ ta buli ɔmɛ tsuo a nɔ kunimi.

Mose I, 6:13

Mawu de Noa ke, “I to kaa ma kpata nimli adesahi tsuo kulaa a hɛ mi, ejakaa a ha je ɔ tsuo pee kɛ yayami sɔuu. Ɛɛ, ma kpata a kɛ je ɔ tsuo a hɛ mi.

Mose I, 6:7

Lɔ ɔ he ɔ, Yawɛ de ke, “Ma kpata nɔmlɔ nɛ i bɔ ɔ e hɛ mi; pi nɔmlɔ kɛkɛ, se lohwehi tsuo: nane eywiɛɛywiɛtsɛmɛ, pɛlitsɛmɛ kɛ ní nɛmɛ nɛ sãã si. E dɔ mi kaa i pee mɛ.”

Mateo 24:39

Jamɛ a be ɔ mi tsuo ɔ, a li nɔ́ nɛ ngɛ nɔ yae kɛ ya si nyu kpekpemi ɔ ba muɔ mɛ tsuo kɛ ho. Ligbi ɔ nɛ Nɔmlɔ Bi ɔ maa ba a, kikɛ nɛ ɔ nɔuu níhi maa ya nɔ.

Mose I, 9:9

“I kɛ nyɛ, kɛ nyɛ nina, kɛ lohwe ɔmɛ tsuo nɛ nyɛɛ kɛ mɛ je kpo ngɛ lɛ ɔ mi ɔ ngɛ soe: lohwe pɛlitsɛmɛ, we mi lohwehi, kɛ pu mi lohwehi.

Mose I, 7:17

Nyu kpekpemi ɔ nɛ ngɔ pue zugba a nɔ ligbi nyingmi eywiɛ. Benɛ nyu ɔ ba hiɛ saii ɔ, e wo lɛ ɔ nɔ kɛ je zugba.

Mose I, 7:15

Kaa bɔ nɛ Mawu fa Noa a, nɔ́ tsuaa nɔ́ nɛ wami ngɛ e mi ɔ kɛ mɛ sɛ lɛ ɔ mi eku kɛ eyo eku kɛ eyo. Kɛkɛ nɛ Yawɛ nga sinya a kɛ wo Noa yi.

Mose I, 2:7

Jamɛ a be ɔ mi ɔ, Yawɛ Mawu ngɔ zugba zu kɛ puɛ nɔmlɔ, nɛ e mu mumi nɛ haa nɔ wami ngɔ wo nɔmlɔ gugwɔ puɔ mi; nɛ nɔmlɔ pee adesa hɛngmengmletsɛ.

Mose I, 6:16

Mo bu lɛ ɔ yi, nɛ o si blɔ maa pee nine mi blimi enyɔ ngɛ gba a kɛ lɛ ɔ nitsɛ a kpɛti. Moo kpɛ lɛ ɔ kaa hiɔwe tsu siaudo etɛ, nɛ o je sinya ngɛ kasa nya.