Mose I, 50:5 - BAIBLO ALOO NGMAMI KLƆUKLƆU Ɔ

⁵ Nyɛ de lɛ ke, benɛ tsaatsɛ miɔ nɛ e ma gbo ɔ, e ha nɛ i ka lɛ kita kaa ke e gbo ɔ, ma ya pu lɛ ngɛ Kanaan zugba a nɔ, ngɛ yɔkɔ ɔ nɛ lɛ nitsɛ e tsua ngɔ fɔ si ɔ mi. Nyɛ de lɛ ke, i kpa lɛ pɛɛ nɛ e ha mi blɔ nɛ ma ya pu tsaatsɛ, nɛ ma kpale kɛ ba.”

Mose I, 50:5 ပူးပေါင်းရင်းမြစ်များ

Yesaya 22:16

“Kɛ o susuu ngɛ o he kɛɛ? Mɛnɔ ji mo? Mɛnɔ ha mo he blɔ kaa o kpɛ yɔkɔ ha o he ngɛ tɛ sa mi ngɛ yoku nɛ ɔ he?

Kronika II, 16:14

nɛ a pu lɛ ngɛ David ma a mi, ngɛ tɛ sa yɔkɔ ko nɛ lɛ nitsɛ e kpɛ ngɔ to ɔ mi. A ngɔ lɛ ngɔ fɔ nɔ gbogboe sa ko nɔ. A kɛ tsopahi kɛ a he via nɛ a je blɔ futu slɔɔtoslɔɔto dla sa nɛ ɔ, nɛ a slɛ la ko nɛ ngɛ tsoe gegeege kɛ wo e hɛ mi nyami.

Mateo 27:60

nɛ e ngɔ lɛ ya fɔ lɛ nitsɛ e yɔkɔ he nɛ e ha a kpɛ ngɛ tɛ sa mi ɔ mi. Lɔ ɔ se ɔ, e kpɛne tɛ agbo kɛ tsi yɔkɔ ɔ nya, nɛ e je.

Fiɛlɔ 12:7

Wa nɔmlɔ tso ɔ maa kpale kɛ ya tabo zu mi he nɛ e je ɔ, nɛ mumi ɔ maa ya Mawu ngɔ. Mawu lɛ ha mumi ɔ nɛ.

Fiɛlɔ 12:5

Nɔ́ kuɔmi maa wo o he gbeye, nɛ nyɛɛmi maa pee mo ahuto. O yi bwɔmi ma hiɛ futafuta. O maa nyɛɛ blɛuu blɛuu kaa angmɛɛtɛ nɛ ngɛ si sãe, nɛ o he mi akɔnɔ tsuo se maa po. Wa yaa wa nyagbe he jɔɔmi he ɔ, nɛ a maa wo yana ngɛ blɔ ɔmɛ a mi.

Fiɛlɔ 6:3

Ke nɔ ko fɔ bimɛ lafa, nɛ e ye jeha babauu, se e yi je mi ngɔɔmi, nɛ jehanɛ se hu, benɛ e gbo ɔ, a pu we lɛ bɔ nɛ sa a, lɛɛ afani bi nɛ gbo loko a fɔ lɛ ngɛ jamɛatsɛ ɔ he.

La 79:3

A pue o ni klɔuklɔu ɔmɛ a muɔ si babauu; muɔ be ngɛ Yerusalem kaa nyu, nɛ nɔ ko be nɛ maa pu gbogboe ɔmɛ.

Hiob 30:23

Niinɛ, i le kaa o ngɔ mi kɛ yaa gbeje, he nɛ a to kɛ ha nɔ́ tsuaa nɔ́ nɛ hɛ ngɛ ɔ.

Samuel I, 14:43

Kɛkɛ nɛ Saul de Yonatan ke, “De mi nɔ́ nɛ o pee ɔ.” Yonatan de lɛ ke, “I ngɔ tso ɔ nɛ i hɛɛ ɔ nya kɛ sɔ hwo mi nɛ i lɔ. Imi ji nɛ ɔ nɛ; i dla ye he kɛ ha gbenɔ.”

Mose V, 4:22

Imi lɛɛ ma gbo ngɛ hiɛ ɔ, ngɛ zugba nɛ ɔ nɔ, nɛ i be Yordan pa a poe; se nyɛɛ lɛɛ nyɛ maa po pa a kɛ ya ngɔ zugba kpakpa a.

Mose I, 50:24

Yosef de e nyɛmimɛ ɔmɛ ke, “E be kɛe nɛ ma gbo. Se Mawu maa hyɛ nyɛ nɔ kɛ̃, nɛ e ma kpaka nyɛ kɛ je zugba nɛ ɔ nɔ kɛ ya zugba a nɛ e wo Abraham, kɛ Isak, kɛ Yakob he si ɔ nɔ.”

Mose I, 48:21

Kɛkɛ nɛ Yakob de Yosef ke, “Kaa bɔ nɛ o ngɛ hyɛe ɔ, i miɔ nɛ ma gbo. Mawu kɛ nyɛ maa hi si, nɛ e maa kpale nyɛ kɛ ya nyɛ nɛmɛ a zugba a nɔ.

Mose I, 50:4

Benɛ a pee ya gbe nya a, Yosef de matsɛ tsɔli ɔmɛ ke, “I kpa nyɛ pɛɛ nɛ nyɛ ya na Farao ɔ ha mi.

Mose I, 50:6

Matsɛ ɔ he nɔ ke, “Yaa nɛ o ya pu o tsɛ ɔ kaa bɔ nɛ o ka lɛ kita ke o maa pee ɔ.”