Mose I, 50:23 - BAIBLO ALOO NGMAMI KLƆUKLƆU Ɔ

²³ E he bibimɛ kɛ gu Efraim nɔ. Jehanɛ, Manase binyumu Makir hu fɔ bimɛ kɛ wo weku ɔ mi.

Mose I, 50:23 ပူးပေါင်းရင်းမြစ်များ

Mose IV, 32:39

Manase binyumu Makir bimɛ ɔmɛ pue nɔ kɛ ho Gilead ya nɛ a ya ngɔ zugba a, nɛ a fie Amor bi ɔmɛ kɛ je lejɛ ɔ.

Hiob 42:16

Ní nɛ ɔmɛ a se ɔ, Hiob kpale ye jeha lafa kɛ nyingmi eywiɛ ekohu. E na bimɛ, kɛ bibimɛ hluu kɛ ya si yi nɔ nɛ ji eywiɛ

Mose I, 30:3

Rahel he nɔ ke, “Hyɛ, ye mawayo Bilha ji nɛ ɔ nɛ; o kɛ lɛ nɛ hwɔ, nɛ e fɔ ha mi, konɛ imi hu ma na bimɛ kɛ gu e nɔ.”

La 128:6

O wa, nɛ o na o bibimɛ. Tue mi jɔmi nɛ ba Israel ma a mi!

Yoshua 17:1

A ngɔ zugba a nɛ ngɛ Yordan pa a bonyoku je ɔ fa ko ngɔ ha we puɔ nya amɛ ekomɛ nɛ ji Yosef binyumu nɔkɔtɔma Manase nina. Akɛnɛ Gilead tsɛ Makir, Manase bitɛte ɔ, tatsɛ kpanaa ji lɛ he je ɔ, a ha lɛ Gilead kɛ Bashan ngɛ Yordan pa a beleku je.

Mose IV, 32:33

Lɔ ɔ he ɔ, Mose ngɔ Amor matsɛ, Sihon nɔ yemi he ɔ, Bashan matsɛ, Og nɔ yemi he ɔ, mahi nɛ ngɛ huza amɛ a nɔ ɔ, kɛ zugbahi tsuo nɛ bɔle mɛ ɔ ngɔ ha Gad bi ɔmɛ, kɛ Ruben bi ɔmɛ, kɛ Yosef bi Manase wɛtso fa a.

Mose I, 48:19

Se e tsɛ ɔ kplɛɛ we. E tsɛ ɔ de ke, “I le, ye bi, i le. Manase ɔ, lɛ hu e nina ma ba pee ma agbo hwɔɔ se. Se mohu ɔ, e senɔ ɔ ma ba pee nɔmlɔ agbo pe lɛ, nɛ e senɔ ɔ nina ma ba pee je ma nguanguahi.”

Mose I, 49:12

E hɛngmɛ tsuɔ kɔlukɔlu pe wai. Jã kɛ̃ e lungu hiɛ futafuta pe na nyɔ nyu.

Mose I, 50:22

Yosef kɛ e tsɛ we mi bi ɔmɛ hi Egipt. E ye jeha lafa kɛ nyɔngma benɛ e gbo ɔ.

Kronika I, 7:14

Manase kɛ e plã a nɛ je Aram ɔ fɔ binyumuhi enyɔ; nɔ kake biɛ ji Asriel, nɛ nɔ kake hu biɛ ji Makir. Makir bi ji Gilead.

Abɛ Womi 17:6

Bibimɛ ji nimowi a hɛ mi nyami, kaa bɔ nɛ bimɛ ngɛ ha fɔli ɔ.