Mose I, 5:22 - BAIBLO ALOO NGMAMI KLƆUKLƆU Ɔ

²² Nɛ́ a fɔ Metusela se ɔ, Enok kɛ Mawu hi si saminya jeha 300. E fɔ binyumuhi kɛ biyi kpahi,

Mose I, 5:22 ပူးပေါင်းရင်းမြစ်များ

1 Tesalonikabi 2:12

Wa wo nyɛ he wami; wa wo nyɛ bua, nɛ wa wo nyɛ ga kaa nyɛɛ ba nyɛ je mi bɔ nɛ sa Mawu hɛ mi. Lɛ nɛ e tsɛ nyɛ ke nyɛɛ ba lɛ nitsɛ e matsɛ yemi ɔ, kɛ e nyami ɔ mi.

Mose I, 17:1

Benɛ Abram ye jeha nyingmi nɛɛ kɛ nɛɛ ɔ, Yawɛ je e he kpo ngɔ tsɔɔ lɛ, nɛ e de lɛ ke, “Imi ji Mawu Ope ɔ nɛ. Moo bu mi, nɛ o pee nɔ́ nɛ da daa.

Luka 1:6

Mɛ ni enyɔ ɔmɛ tsuo a peeɔ nɔ́ nɛ da ngɛ Mawu hɛ mi, nɛ a yeɔ e mlaa amɛ, kɛ e fami ɔmɛ a nɔ́ sisiisi.

Malaki 2:6

A tsɔɔ nɔ́ nɛ ji anɔkuale ɔ, se pi nɔ́ nɛ dɛ. A kɛ mi hi si saminya. Pi kaa mɛ nitsɛmɛ a peeɔ nɔ́ nɛ da kɛkɛ, se a ha nɛ nihi babauu hu kpa yayami peemi.

Mose I, 6:9

Noa he sane ji nɛ ɔ nɛ. Noa ngɛ binyumuhi etɛ: Shem, Ham, kɛ Yafet. Noa nɛ ɔ, piami ko be e he; e be ɔ mi ɔ, lɛ pɛ ji dalɔ, nɛ e peeɔ Mawu suɔmi nya ní.

1 Yohane 1:7

Se ke wa ba wa je mi saminya ngɛ Mawu hɛ mi kaa bɔ nɛ lɛ Mawu ɔ e su ngɛ ɔ, lɔ ɔ lɛɛ waa kɛ wa sibi ngɛ huɛ bɔe. Kɛkɛ ɔ, e Bi Yesu Kristo muɔ ɔ maa tsukɔ wa he, nɛ e ma je wa he yayami ɔmɛ tsuo.

Mika 6:8

Dɛbi! Yawɛ tsɔɔ wɔ nɔ́ nɛ hi. Nɔ́ nɛ e ngɛ hlae ngɛ wa dɛ kɛkɛ ji kaa waa ye dami sane, nɛ waa na mɔbɔ, nɛ waa ba wa he si ha wa Mawu ɔ.

La 116:9

Lɔ ɔ he ɔ, ma ba ye je mi bɔ nɛ sa ngɛ Yawɛ hɛ mi, ngɛ hɛ kali a zugba a nɔ.

Mose III, 26:12

I kɛ nyɛ maa hi si. Ma pee nyɛ Mawu, nɛ nyɛ hu nyɛ maa pee ye ma.

Kolosebi 1:10

Kɛkɛ ɔ, nyɛ maa ba nyɛ je mi bɔ nɛ maa sa Nyɔmtsɛ ɔ hɛ mi. Nyɛ ma tsu ní kpakpa sɔuu, nɛ nyɛ maa le Mawu saminya pe bɔ nɛ nyɛ le lɛ daa.

1 Tesalonikabi 4:1

Nyagbe ɔ, nyɛmimɛ, nyɛ kase kɛ je wa ngɔ bɔ nɛ nyɛ maa ba nyɛ je mi nɛ e sa Mawu hɛ mi; nɛ jã nyɛ ngɛ pee ɔ nɛ. Se kɛ̃, ngɛ Nyɔmtsɛ Yesu biɛ mi ɔ, wa ngɛ nyɛ pɛɛ kpae, nɛ wa ngɛ nyɛ ga woe kaa nyɛɛ pee kɛ ya nɔ pe jã po.

Efesobi 5:15

Lɔ ɔ he ɔ, nyɛɛ hyɛ nyɛ je mi bami nɛ hi! Nyɛ ko hi si kaa nihi nɛ li nɔ́ ko nɔ́ ko, se mohu kaa ní leli.

Mose I, 48:15

Kɛkɛ nɛ e gbaa Yosef, nɛ e de ke, “Mawu ɔ nɛ ye nɛ̃ Abraham kɛ tsaatsɛ Isak sɔmɔ lɛ ɔ, e gbaa nyumuwi nɛ ɔmɛ! Mawu ɔ nɛ hyɛ mi kɛ ba si mwɔnɛ ligbi nɛ ɔ, e gbaa nyumuwi nɛ ɔmɛ!

Mose I, 24:40

E he nɔ ke, ‘Yawɛ nɛ i buɔ lɛ tue daa nɛ ɔ, maa tsɔ e bɔfo ɔ nɛ e kɛ mo maa ya, nɛ e ma ha o blɔ ɔ maa da mo. O ma ya hla yo kɛ ba ha ye bi ɔ kɛ je ye nyɛmimɛ ɔmɛ, kɛ tsaatsɛ weku li ɔmɛ a kpɛti.

Kolosebi 4:5

Be tsuaa be nɛ nyɛɛ kɛ nihi nɛ he we Kristo yi ma bua a, nyɛɛ ba nyɛ je mi saminya, konɛ a na kaa nyɛɛ lɛɛ nyɛ le Kristo.

2 Korintobi 6:16

Mɛni kake peemi ngɛ Mawu sɔlemi we ɔ kɛ amagahi a kpɛti? Ejakaa wɔɔ lɛɛ Mawu hɛ kalɔ ɔ sɔlemi we ji wɔ! Mawu de ke, “I kɛ ye ma a maa hi si; ma pee a Mawu, nɛ mɛ hu a maa pee ye ma.”

Romabi 8:1

Amlɔ nɛ ɔ, nihi nɛ ngɛ Kristo Yesu mi ɔ, fɔ bumi ko be ha mɛ hu.

Ni Tsumi 9:31

Bɔ nɛ pee nɛ asafo ɔmɛ nɛ ngɛ Yudea, Galilea, kɛ Samaria tsuo na tue mi jɔmi ji nɛ ɔ nɛ. Nyɔmtsɛ ɔ gbeye yemi ngɛ asafo ɔmɛ a mi. Enɛ ɔ he je ɔ, Mumi Klɔuklɔu ɔ wo asafo ɔmɛ he wami, nɛ a ya nɔ, nɛ nihi babauu ba piɛ a he.

Mika 4:5

Je ma amɛ a ti nɔ tsuaa nɔ jaa lɛ nitsɛ e mawu. Se wɔɔ lɛɛ Yawɛ, wa Mawu ɔ, ji nɔ nɛ wa ma sɔmɔ kɛ maa ya neneene.

Amos 3:3

Anɛ ni enyɔ hiaa blɔ nɛ a wui a sibi si ke a maa kpe ngɛ hiɛ, loo hiɛ lo? Dɛbi!

Hosea 14:9

Mɛnɔ ji ní lelɔ? Ha nɛ e nu ní nɛ ɔmɛ a sisi. Mɛnɔ lɛ nuɔ nɔ́ sisi? Ha nɛ e yɔse. Ejakaa Yawɛ blɔ ɔmɛ da tlɔmɔɔ, nɛ nihi nɛ peeɔ nɔ́ nɛ da a nyɛɛɔ nɔ tɛɛ. Se yayami peeli lɛɛ a tɛɔ nɔ́, nɛ a nɔɔ si.

Lahi 1:4

Ngɔɔ mi kɛ ho esɔ. Ye matsɛ, ngɔɔ mi kɛ ya o tsu ɔ mi. I ngɔ ye he kɛ ha mo. Wa bua maa jɔ wa he saminya. O suɔmi ɔ ngɔɔ dɔkɔdɔkɔ pe wai po. E be nyakpɛ kaa yi ɔmɛ tsuo suɔ mo!

La 128:1

A gbaa nɔ tsuaa nɔ nɛ yee Yawɛ gbeye, nɛ́ e yeɔ e mlaa amɛ a nɔ.

La 86:11

Yawɛ, tsɔɔ mi nɔ́ nɛ o suɔ kaa ma pee, nɛ ma ye mo anɔkuale sisiisi. Ha nɛ ma ngɔ ye he wami tsuo kɛ sɔmɔ mo.

La 56:13

Ejakaa o he ye yi wami kɛ je gbenɔ mi. O ha we nɛ ma tɛ nɔ nɛ ma nɔ si, bɔ nɛ pee nɛ ma nyɛɛ ngɛ o hɛ mi he nɛ o la kpɛɔ ngɛ kɛ haa hɛ kali ɔ.

La 26:11

Se imi lɛɛ nɔ́ nɛ da lɛ i peeɔ. Naa mi mɔbɔ, nɛ o he ye yi wami.

La 16:8

I susuɔ Yawɛ he daa. Nɛ́ Yawɛ ngɛ ye kasa nya nɛ ɔ, nɔ́ ko nɔ́ ko be mi pee.

Matsɛmɛ II, 20:3

“Yawɛ lee, i kpa mo pɛɛ nɛ o kai bɔ nɛ i ba ye je mi ngɛ o hɛ mi, bɔ nɛ i ye mo anɔkuale, bɔ nɛ i sɔmɔ mo kɛ ye tsui tsuo, kɛ bɔ nɛ i pee o suɔmi nya ní.” Nɛ Hezekia fo ya kɛ he hiami.

Matsɛmɛ I, 2:4

Ke o bu Yawɛ tue ɔ, si ko nɛ e wo benɛ e de mi ke, ke ye binyumu ɔmɛ maa hyɛ a he nɔ saminya, nɛ a maa ye e mlaa amɛ a nɔ anɔkuale mi kɛ a tsui tsuo, kɛ a klaa tsuo ɔ, lɛɛ nɔ nɛ maa hi Israel matsɛ sɛ ɔ nɔ be mi bɔe ɔ, Yawɛ hu maa ye jamɛ a e siwo ɔ nɔ.

Mose V, 28:9

“Ke nyɛ bu Yawɛ, nyɛ Mawu ɔ gbi tue, nɛ nyɛ ye mlaa amɛ nɛ e ngɛ nyɛ woe ɔ tsuo a nɔ ɔ, e maa pee nyɛ lɛ nitsɛ e ma, kaa bɔ nɛ e wo si ɔ.

Mose V, 13:4

Nyɛɛ nyɛɛ Yawɛ, nyɛ Mawu ɔ se, nɛ nyɛɛ ye lɛ pɛ gbeye; nyɛɛ bu lɛ tue, nɛ nyɛɛ ye e mlaa amɛ a nɔ; nyɛ ja lɛ, nɛ nyɛɛ ye lɛ anɔkuale.

Mose V, 5:33

Nyɛɛ ye nɔ́ nɛ Yawɛ fa nyɛ ɔ tsuo nɔ pɛpɛɛpɛ, konɛ nyɛɛ hi je mi, nɛ níhi a mi nɛ hi ha nyɛ; lɔ ɔ loko nyɛ se maa kɛ ngɛ zugba a nɛ nyɛ yaa ngɔ ɔ nɔ.

Mose II, 16:4

Kɛkɛ nɛ Yawɛ de Mose ke, “Hyɛ, ma ha abolo maa nɛ kɛ je hiɔwe pue si ha nyɛ. Daa ligbi ɔ, ma a maa ya nɛ a ya bua nɔ́ nɛ maa su mɛ ligbi kake yemi nya, nɛ ma kɛ ka mɛ ma hyɛ kaa a maa ye ye mlaa amɛ a nɔ lo.

Mose I, 5:24

Enok kɛ Mawu hi si saminya e wami be ɔ tsuo. Lɔ ɔ se ɔ, a nɛ lɛ hu; ejakaa Mawu ba ngɔ lɛ kɛ ho.

1 Korintobi 7:17

Nike ní nɛ Nyɔmtsɛ Yesu ha nɔ ko loko Mawu ba tsɛ lɛ ɔ, é ya nɔ nɛ e tsu he ní kaa bɔ nɛ e peeɔ ɔ. Enɛ ɔ nɛ i tsɔɔ ngɛ asafo ɔmɛ tsuo a mi.

Mose I, 5:21

Benɛ Enok ye jeha 65 ɔ, e fɔ binyumu nɛ a tsɛɛ lɛ Metusela.

Mose I, 5:23

nɛ e hi si jeha 365.