Mose I, 49:6 - BAIBLO ALOO NGMAMI KLƆUKLƆU Ɔ

⁶ I kɛ mɛ be soe kɔkɔɔkɔ, I kɛ mɛ be bɔe hulɔ, Ejakaa ke a mi mi fu ɔ, a gbeɔ nɔmlɔ, Nɛ a plaa nahi kɛ jeɔ a hɛja.

Mose I, 49:6 ပူးပေါင်းရင်းမြစ်များ

Mose I, 34:30

Yakob de Simeon kɛ Levi ke, “Nyɛɛ kɛ mi wo amanehlu mi pɛ; jehanɛ lɛɛ Kanaan, kɛ Periz bi ɔmɛ, kɛ nɔ tsuaa nɔ nɛ ngɛ zugba a nɔ ɔ maa nyɛ mi. I be we bi babauu; ke nimli nɛ ɔmɛ tsuo bla ngɔ wo ye he, nɛ a ba tua mi ɔ, a ma kpata wɔ tsuo wa hɛ mi.”

La 26:9

Ko kpata ye hɛ mi kɛ piɛ yayami peeli a he; koo gbe mi kɛ piɛ muɔ si pueli a he.

La 16:9

Enɛ ɔ he je ɔ, imi nɔmlɔ ɔ tsuo, i na bua jɔmi, kɛ he jɔmi.

2 Korintobi 6:14

Nyɛɛ kɛ ni nɛmɛ nɛ he we yi ɔ kó bɔ. Dami sane yemi kɛ mlaa tɔmi ɔ, mɛni kake peemi ngɛ a kpɛti? Aloo mɛni bɔmi lɛ ngɛ la kɛ diblii a kpɛti?

Luka 12:19

Kɛkɛ ɔ, ma de ye klaa ke, o he ngɛ ní loo! O ngɛ ní babauu nɛ a ngɔ to ha mo jehahi fuu. Fiɛ o yi nɔ bɔɔ! Yé ní, nɛ o nu ní, nɛ o na bua jɔmi!’

Yeremia 15:17

I ya piɛ we nihi nɛ ngɛ mle yee ɔ a he; i kɛ mɛ muɛ, nɛ i kɛ mɛ nya we. Se imi nɔ kake too i hi si kaa bɔ nɛ o fa mi ke ma pee ɔ; ejakaa o ha nɛ ye mi mi fu wawɛɛ nitsɛ.

Yeremia 4:19

Ao! Ao! Ye mi mi! Ye mi mi! Ye tsui! Ye tsui ngɛ fiae kpla, kpla! I be nyɛe nɛ ma pee dii; ejakaa i nu nɛ a ngɛ titimati kpae, nɛ ta ose ngɛ pɛe.

La 64:2

Yiwutsotsɛmɛ ngɛ ye yi nɔ soe. Kpɔ mi kɛ je yayami peeli babauu ɔ a dɛ mi.

La 57:8

Makɛ mla a, ma te si, nɛ ma fia saku, kɛ kpa saku.

Abɛ Womi 12:5

Nihi nɛ peeɔ nɔ́ nɛ da a, ní kpakpahi a he a susuɔ. Se ga nɛ yayami peeli toɔ ɔ, sisimi sɔuu.

Abɛ Womi 1:11

Ke a de mo ke, “Ha nɛ waa ho nɛ wa ya hla nɔ ko waa gbe! Ha wa ya wo nɔ ko nɛ pee we nɔ́ ko ka, nɛ waa gbe lɛ yaka gu!

La 139:19

Mawu, i na nɛ o gbe yiwusotsɛmɛ, konɛ ma ye ye he kɛ je muɔ si pueli nɛ ɔmɛ a dɛ mi.

La 103:1

Ma je Yawɛ yi! Ma je e biɛ klɔuklɔu ɔ yi kɛ ye tsui tsuo.

La 43:5

Mɛni he je nɛ i pee vii kikɛ nɛ ɔ? Mɛni he je nɛ i ngɛ haoe kikɛ nɛ ɔ? Ma ngɔ ye hɛ kɛ fɔ Mawu nɔ! Ma je e yi ekohu. Lɛ ji ye kpɔlɔ; lɛ ji ye Mawu.

La 42:11

Mɛni he je nɛ i pee vii kikɛ nɛ ɔ? Mɛni he je nɛ i ngɛ haoe kikɛ nɛ ɔ? Ma ngɔ ye hɛ kɛ fɔ Mawu nɔ, nɛ ma je e yi ekohu; lɛ ji ye kpɔlɔ kɛ ye Mawu.

La 42:5

Mɛni he je i pee vii kikɛ nɛ ɔ? Mɛni he je i ngɛ haoe kikɛ nɛ ɔ? Ma ngɔ ye hɛ kɛ fɔ Mawu nɔ, nɛ ma je e yi ekohu; lɛ ji ye kpɔlɔ; lɛ ji ye Mawu.

La 30:12

Enɛ ɔ he je ɔ, i be ye nya mae; se mohu ma la kɛ je o yi. Yawɛ, ye Mawu, ma na mo si daa.

La 28:3

Koo bu mi fɔ kɛ si yiwutsotsɛmɛ, kɛ yayami peeli a nɔ. Nimli nɛ ɔmɛ, kɛ a nyɛmimɛ tuɔ munyu ngɛ he jɔmi mi. Se a tsui mi hyi kɛ yayami.

La 5:10

Mawu, buu mɛ fɔ, nɛ o gbla a tue. Ha nɛ a yi mi tomi yayami ɔmɛ nɛ kpa kɛ bu mɛ nitsɛmɛ a nɔ. Fie mɛ kɛ je o hɛ mi, ejakaa a pee yayamihi gbegbeegbe kɛ si mo, nɛ a tsɔ o hɛ mi atuã.

La 1:1

A gbaa nɔ nɛ bui nimli yayamihi a ga womi tue, nɔ nɛ kɛ yayami peeli bɔɛ, nɛ e hí he fɛu yeli a hi he;

Manyadali 5:21

Kishon pa a muɔ mɛ kɛ ho; niinɛ, Kishon nyu dɔ ɔ muɔ mɛ kɛ ho. Imi lɛɛ ma nyɛɛ kɛ he wami!

Mose V, 27:24

“ ‘Mawu maa gbiɛ nɔ tsuaa nɔ nɛ gbee e nyɛmi ngɛ laami mi.’ “Ma a tsuo ma he nɔ ke, ‘Amen!’

Yoshua 11:9

Yoshua pee bɔ nɛ Yawɛ fa lɛ ke e pee ɔ; e poo a we okpɔngɔ ɔmɛ a nane se pani, nɛ e sã a ta zugba lɛ ɔmɛ.

Samuel II, 8:4

David nuu Hadadezer okpɔngɔ ta buli akpe kɛ e nya lafa kpaago, kɛ ta buli nɛ nyɛɛɔ nane akpe nyingmi enyɔ. David poo okpɔngɔ ɔmɛ tsuo a nane se pani, nɛ e si ta zugba lɛ lafa nya okpɔngɔhi pɛ.

Kronika I, 18:4

David nuu Hadadezer ta zugba lɛ akpe, okpɔngɔ ta buli akpe kpaago, kɛ ta buli nɛ nyɛɛɔ nane akpe nyingmi enyɔ. David poo okpɔngɔ ɔmɛ tsuo a nane se pani, nɛ e si ta zugba lɛ lafa nya okpɔngɔhi pɛ.