Mose I, 49:3 - BAIBLO ALOO NGMAMI KLƆUKLƆU Ɔ

³ “Ruben, mo ji ye bitɛte; mo ji ye he wami, kɛ ye nihe mi kekleekle bi. Mo ji nɔ nɛ bu ngɛ o he, nɛ o ngɛ he wami pe ye bimɛ ɔmɛ tsuo.

Mose I, 49:3 ပူးပေါင်းရင်းမြစ်များ

La 78:51

E gbe bitɛtehi tsuo ngɛ we tsuaa we mi ngɛ Egipt zugba a nɔ.

Mose V, 21:17

E ha e bi nɔkɔtɔma ɔ nɔ́ nɛ e ma ha e bi kaketsɛ ɔ totoe enyɔ. Ejakaa bi nɔkɔtɔma nɛ ɔ ji nyumu ɔ kekleekle binyumu nɛ a fɔ ha lɛ.

La 105:36

Jehanɛ, e gbe bitɛtehi nɛ ji Egipt nyumuhi a kekleekle ngmɛduhi tsuo ngɛ zugba a nɔ.

Mose I, 29:32

Lea ba na mi nɛ e fɔ binyumu. E wo lɛ biɛ ke Ruben, nɛ e de ke, “Yawɛ na ye we amanehlu ɔ; jehanɛ lɛɛ ye huno ɔ maa suɔ mi.”

Kronika I, 5:3

Ruben, Yakob bitɛte ɔ ngɛ binyumuhi nɛ a tsɛɛ mɛ Hanok, Palu, Hezron, kɛ Karmi.

Kronika I, 5:1

Ruben ji Yakob kekleekle bi. Se akɛnɛ e ble e tsɛ sa kaa e kɛ e tsɛ plã ya hwɔ si he je ɔ, a kpɔ e bitɛte blɔ nya a ngɛ e dɛ, nɛ a kɛ ha Yosef bimɛ ɔmɛ. Enɛ ɔ ha nɛ e biɛ be weku kɛ nina a womi ɔ mi kaa lɛ ji Yakob kekleekle bi. Se Yuda wɛtso ɔ mohu lɛ ba bɔ wawɛɛ pe wɛtso kpa amɛ tsuo, nɛ Yuda wɛtso ɔ hu mi nɛ ganɔ je kɛ ye tsɛ kɛ ha Israel ma a tsuo.

Kronika I, 2:1

Yakob binyumu ɔmɛ a biɛhi ji Ruben, Simeon, Levi, Yuda, Isakar, Zebulun, Dan, Yosef, Benyamin, Naftali, Gad, kɛ Asher.

Mose IV, 1:20

A ngma nyumuhi tsuo nɛ ye jeha nyingmi enyɔ, kɛ ni nɛmɛ nɛ ye pe ja, nɛ a su ta yami ɔ a biɛ weku nya weku nya, kɛ we puɔ nya we puɔ nya. A ngma biɛ ɔ kɛ je Yakob bitɛte Ruben nɔ. Bɔ nɛ e ba lɛ ha ji nɛ ɔ nɛ: WƐTSO NI ƆMƐ A HIƐMI Ruben 46,500 Simeon 59,300 Gad 45,650 Yuda 74,600 Isakar 54,400 Zebulun 57,400 Efraim 40,500 Manase 32,200 Benyamin 35,400 Dan 62,700 Asher 41,500 Naftali 53,400 Lɛ tsuo peeɔ 603,550.

Mose IV, 26:5

Ruben wɛtso ɔ (Ruben ji Yakob kekleekle binyumu): wekuhi nɛ ngɛ Ruben wɛtso ɔ mi ji Hanok weku ɔ, kɛ a nyatsɛ Hanok; Palu weku ɔ, kɛ a nyatsɛ Palu;

Mose I, 48:18

E de e tsɛ ɔ ke, “Tsaatsɛ, dɛbi, pi ja! Nɔ nɛ ɔ mohu ji bitɛte; ngɔɔ o hiɔ nine ngɔ fɔ e yi mi.”

Mose I, 46:8

Yakob nina nɛ e ngɔ kɛ ya Egipt ɔ ji nɛ ɔmɛ nɛ: Ruben, Yakob bitɛte ɔ,

Kpojemi 3:14

Bɔfo ɔ nɛ ngɛ asafo ɔ nya ngɛ Laodikea a, ngmaa womi nɛ ɔ ya ha lɛ ke, “Sɛ gbi nɛ je Amen, odase ɔ nɛ yeɔ anɔkuale ɔ ngɔ ji nɛ ɔ nɛ. Lɛ ji níhi tsuo nɛ Mawu bɔ ɔ sisije.

Mose V, 33:6

Bɔ nɛ Mose gbaa Ruben wɛtso ɔ ji nɛ ɔ nɛ: “E ngɛ mi kaa Ruben bi ɔmɛ a he pi lɛɛ, se a yi nɛ na wami nɛ a ko gbo.”

Mose I, 35:22

Benɛ Yakob ngɛ jamɛ a zugba a nɔ ɔ, Ruben kɛ Bilha, e tsɛ pla amɛ a ti nɔ kake ɔ ya na bɔmi; nɛ Yakob nu he. Yakob ngɛ binyumuhi nyɔngma kɛ enyɔ.

Mose I, 35:23

Lea binyumuhi ji nɛ ɔmɛ nɛ: Ruben (Yakob bitɛte), Simeon, Levi, Yuda, Isakar, kɛ Zebulun.

Mose V, 27:13

Wɛtso nɛ ɔmɛ hu nɛ a da si ngɛ Ebal yo ɔ nɔ benɛ a ngɛ gbiɛmi munyu ɔmɛ dee: Ruben, Gad, Asher, Zebulun, Dan, kɛ Naftali.