Mose I, 49:1 - BAIBLO ALOO NGMAMI KLƆUKLƆU Ɔ

¹ Jehanɛ Yakob tsɔ ya de e bimɛ ɔmɛ ke, “Nyɛ ba bua nyɛ he nya nɛ ma de nyɛ nɔ́ nɛ maa ba nyɛ nɔ hwɔɔ se.

Mose I, 49:1 ပူးပေါင်းရင်းမြစ်များ

Mose IV, 24:14

“Lɔ ɔ he ɔ, piɔ lɛɛ i kpale kɛ yaa imi nitsɛ ye ma mi. Se loko ma je ɔ, ma suɔ nɛ ma wo o tue nɔ ngɛ nɔ́ nɛ kikɛmɛ a ma nɛ ɔ maa pee mo nitsɛ o ma mi bi ɔmɛ hwɔɔ se ɔ he.”

Daniel 10:14

I ba, konɛ ma ba tsɔɔ mo nɔ́ nɛ maa ba o ma a nɔ hwɔɔ se, ejakaa nina a kɔɔ hwɔɔ se níhi a he.”

Yeremia 23:20

Yawɛ mi mi fumi nɛ nya wa wawɛɛ nɛ ɔ se be poe kɛ yaa si e maa pee nɔ́ tsuaa nɔ́ nɛ e to ke e maa pee ɔ kɛ gbe nya. Be komɛ a se loko e ma a maa nu nɔ́ nɛ ɔ sisi saminya.”

Mose V, 4:30

Ke nyɛ ngɛ amanehlu mi, nɛ ní nɛ ɔmɛ tsuo ba nyɛ nɔ ɔ, lɔ ɔ loko nyɛ maa kpale kɛ ba Yawɛ, nyɛ Mawu ɔ ngɔ, nɛ nyɛ maa bu lɛ tue.

Kpojemi 4:1

Enɛ ɔ se ɔ, i na nina kpa. I na nɛ a bli sinya ko ngɔ fɔ si ngɛ hiɔwe. Nɛ gbi ɔ nɛ i nu nɛ pɛ kaa titimati, nɛ e kɛ mi ba tu munyu be ko ɔ de ke, “Ba hiɛ ɔ nɛ ma tsɔɔ mo níhi nɛ maa ba mi be kpiti mi.”

Yesaya 2:2

Hwɔɔ se ko ɔ, Yawɛ we ɔ maa ma yo gagaa ko yi mi; yo nɛ ya hiɔwe gojoo pe yo ɔmɛ tsuo yi mi e maa ma. Je ma amɛ tsuo ma bu yuu kɛ ba e he,

La 105:15

“Ye nihi nɛ i pɔ mɛ nu ji nɛ ɔmɛ nɛ; nyɛ ko ye mɛ awi! Ye gbali ji nɛ ɔmɛ nɛ, nyɛ ko ta a he.”

La 25:14

Nihi nɛ yeɔ Yawɛ gbeye ɔ, Yawɛ kɛ mɛ maa nu huɛ; nɛ si nɛ e wo ɔ, e ma je kpo ngɔ tsɔɔ mɛ.

Mose V, 31:12

Moo kpee Israel ma a tsuo kɛ ba: nyumuhi, yihi, jokuɛwi, kɛ nibwɔhi nɛ ngɛ nyɛ ma amɛ a mi ɔ, konɛ nɔ tsuaa nɔ nɛ ba nu, nɛ e wo Yawɛ, nyɛ Mawu ɔ hɛ mi nyami; nɛ a ye mlaa womi nɛ ɔ mi munyu ɔmɛ tsuo a nɔ pɛpɛɛpɛ.

Hebribi 1:2

se mwɔnɛmwɔnɛ ɔ lɛɛ e Bi ɔ nɔ e gu nɛ e kɛ wɔ tu munyu. Lɛ nɔuu e nɔ Mawu gu kɛ bɔ je ɔ kɛ e mi ní tsuo, nɛ lɛ nɛ Mawu hla kaa e ye e ní tsuo.

2 Timoteo 3:1

O hɛ nɛ hi nɔ kaa nyagbe ligbi ɔmɛ a mi ɔ, je mi maa wa.

1 Timoteo 4:1

Mawu mumi ɔ deɔ paa ke, nyagbe ligbi ɔmɛ a mi ɔ, ni komɛ ma kua Kristo, nɔ nɛ a he ye ɔ, nɛ a ma ya nyɛɛ mumi yayamihi mohu a se; a maa bu lakpa munyuhi, kɛ tsɔɔmi yayamihi tue.

Ni Tsumi 2:17

‘Mawu ke, Nyagbe be ɔ, ma ngɔ ye Mumi ɔ kɛ wo nɔ tsuaa nɔ mi. Nyɛ binyumu ɔmɛ, kɛ nyɛ biyi ɔmɛ maa fiɛ ye sɛ gbi ɔ; nihewi maa na nina, nɛ nikɔtɔmahi maa nla.

Luka 2:26

Mumi Klɔuklɔu ɔ je tsɔɔ lɛ ke e be gboe kɛ yaa si e maa na Nyɔmtsɛ ɔ Kristo ɔ.

Mika 4:1

Nyagbe be ɔ mi ɔ, yo ɔ nɛ Yawɛ we ɔ maa si ngɛ nɔ ɔ ma ba pee yo nɛ he biɛ pe yo ɔmɛ tsuo. Je mahi babauu ma ba hyɛ,

Amos 3:7

Anɛ Nyɔmtsɛ Mawu pee nɔ́ ko hyɛ nɛ e ha we nɛ e tsɔli ɔmɛ, nɛ ji gbali ɔmɛ nɛ a le lo? Dɛbi!

Daniel 10:1

Benɛ Sirus ngɛ matsɛ yee ngɛ Persia a, jeha etɛne ɔ mi ɔ, Daniel ná sɛ gbi ko. Daniel biɛ kpa ji Belteshazar. Sɛ gbi nɛ ɔ kɔɔ sane yaya ko nɛ maa ba hwɔɔ se he; e kɔɔ ta ngua ko he. Nɛ a tsɔɔ lɛ sisi kɛ gu nina mi.

Daniel 2:47

Matsɛ ɔ de Daniel ke, “Niinɛ, o Mawu ɔ kle pe mawu ɔmɛ tsuo; matsɛmɛ a nyɔmtsɛ ji lɛ, nɛ lɛ ji nɔ nɛ jeɔ laami sanehi kpo ngɔ tsɔɔ nɔ. I na le nɔ́ nɛ ɔ, ejakaa o nyɛ́ tsɔɔ mi laami sane nɛ ɔ sisi.”

Yesaya 53:1

Ni ɔmɛ he nɔ ke, “Mɛnɔ ma he wa munyu nɛ ɔ maa ye? Mɛnɔ maa le kaa Yawɛ he ngɛ sane nɛ ɔ mi?

Yesaya 39:6

be ma nɛ a ma ba muɔ o we ɔ mi nɔ́ tsuaa nɔ́, kɛ níhi nɛ o nɛmɛ ɔmɛ bua nya ngɔ to kɛ ba si mwɔnɛ ligbi nɛ ɔ kɛ ho Babilonia ya; a be nɔ́ ko nɔ́ ko sie. Yawɛ lɛ de.

Yesaya 22:14

Kɛkɛ nɛ Yawɛ Tabohiatsɛ ɔ nitsɛ de mi ke, “A kɛ yayami nɛ a pee nɛ ɔ be mɛ pae a wami be ɔ tsuo. Imi, Nyɔmtsɛ Yawɛ Tabohiatsɛ ɔ lɛ i de.”

Hebribi 13:1

Nyɛɛ ya nɔ nɛ nyɛɛ suɔ nyɛ sibi daa kaa nyɛmimɛ.

Yesaya 48:14

“Nyɛ tsuo nyɛ ba bua nyɛ he nya nɛ nyɛɛ bu tue! Nyɛ mawu ɔmɛ a ti mɛnɔ gba enɛ ɔ kɛ to? Nɔ nɛ imi Yawɛ, i suɔ lɛ ɔ, ma ba pee nɔ́ nɛ sa imi Yawɛ ye hɛ mi, nɛ e ma kpata Babilon hɛ mi butuu.