Mose I, 48:9 - BAIBLO ALOO NGMAMI KLƆUKLƆU Ɔ

⁹ Yosef he nɔ ke, “Bimɛ nɛ Mawu ha mi ngɛ Egipt zugba a nɔ hiɛmɛ nɛ ɔ ji nɛ ɔmɛ nɛ.” Yakob de lɛ ke, “Ngɔɔ mɛ kɛ ba nɛ ma gbaa mɛ.”

Mose I, 48:9 ပူးပေါင်းရင်းမြစ်များ

Mose I, 27:4

Kɛ pee niye ní nɛ ngɔɔ kaa bɔ nɛ i suɔ ɔ. Ngɔɔ ba ha mi nɛ ma ye, nɛ ma gbaa mo loko ma gbo.”

Mose I, 30:2

Yakob mi mi fu lɛ wawɛɛ nitsɛ, nɛ e bi lɛ ke, “Anɛ Mawu ji mi lo? Lɛ ji nɔ nɛ tsi o fɔmi nya a nɛ.”

Mose I, 33:5

Benɛ Esau na yi ɔmɛ kɛ jokuɛwi ɔmɛ ɔ, e bi ke, “Mɛnɔmɛ o kɛ nyɛɛ ɔ?” Yakob he nɔ ke, “Bimɛ nɛ Mawu kɛ dloo imi, o tsɔlɔ ɔ ji nɛ ɔmɛ nɛ.”

Mose I, 49:28

Yakob bimɛ, Israel wɛtso nyɔngma kɛ enyɔ ɔmɛ ji nɛ ɔmɛ nɛ. Benɛ a tsɛ ɔ kɛ mɛ ye nyagbe sɛ, nɛ e gbaa mɛ ɔ, munyuhi nɛ e tu mɛ ji nɛ ɔmɛ nɛ; nɔ tsuaa nɔ ná e nɔ́.

Kronika I, 25:5

Mawu ha Heman, matsɛ gbalɔ ɔ binyumuhi nyɔngma kɛ eywiɛ, kɛ biyihi etɛ kaa bɔ nɛ e wo si ɔ, konɛ e kɛ wo Heman hɛ mi nyami.

La 127:3

Bimɛ ji weto ní nɛ Yawɛ haa nɔ; bimɛ ji nike ní nɛ e kɛ dlooɔ nɔ.

Yesaya 8:18

Nyɛ nɛ mi, kɛ ye bimɛ ɔmɛ nɛ Yawɛ ke mi ɔ. Yawɛ Tabohiatsɛ ɔ nɛ e matsɛ sɛ ngɛ Zion yo ɔ nɔ ɔ tsɔ wɔ ke waa ngɔ sɛ gbi nɛ ɔmɛ kɛ ba ha Israel ma a.

Mose V, 33:1

Gbaami munyuhi nɛ Mawu nɔmlɔ, Mose kɛ gbaa Israel bi ɔmɛ loko e gbo ji nɛ ɔmɛ nɛ.

Hebribi 11:21

Hemi kɛ yemi lɛ ha nɛ benɛ Yakob miɔ nɛ e ma gbo ɔ, e ma e yi si ngɛ e dɛma tso ɔ nɔ, nɛ e sɔle nɛ e gbaa Yosef bimɛ ɔmɛ.

Samuel I, 1:20

Hana ngɔ hɔ, nɛ e fɔ binyumu, nɛ e wo lɛ biɛ ke Samuel; nɛ e de ke, “I wo lɛ kikɛmɛ a biɛ nɛ ɔ, ejakaa i bi Yawɛ nɛ e kɛ lɛ ha mi.”

Samuel I, 1:27

I bi Yawɛ bi nɛ ɔ, nɛ e ha mi nɔ́ nɛ i bi lɛ ɔ.