Mose I, 48:7 - BAIBLO ALOO NGMAMI KLƆUKLƆU Ɔ

⁷ I ngɛ nɔ́ nɛ ɔ pee ngɛ o nyɛ Rahel he. Benɛ i je Mesopotamia kɛ ma a, Rahel gbo fɔ ye nɔ ngɛ blɔ ɔ nɔ, ngɛ Kanaan zugba a nɔ, benɛ e piɛ bɔɔ nɛ ma su Efrat ɔ. I pu lɛ ngɛ lejɛ ɔ, ngɛ Efrat blɔ ɔ nɔ.” (Amlɔ nɛ ɔ, a tsɛɛ Efrat ke Betlehem.)

Mose I, 48:7 ပူးပေါင်းရင်းမြစ်များ

Mose I, 25:20

Isak ye jeha nyingmi eywiɛ nɛ e ngɔ Rebeka, Aram no ɔ nɛ je Mesopotamia nɛ a tsɛɛ lɛ Betuel ɔ biyo ɔ. Rebeka nyɛminyumu ji Laban.

Mose I, 33:18

Yakob kpale e se kɛ je Mesopotamia kɛ ba Shekem ngɛ Kanaan zugba a nɔ fiafiaafia, nɛ e ba ma e bo tsu ɔmɛ ngɛ zugba ko nɔ, ngɛ ma a nya.

Mose I, 35:20

Yakob kɛ kaimi tɛ ma Rahel yɔkɔ ɔ nɔ, nɛ tɛ ɔ ngɛ lejɛ ɔ kɛ ba si mwɔnɛ ɔ.

Mose I, 35:9

Benɛ Yakob je Mesopotamia kɛ ba a, Mawu je e he kpo ngɔ tsɔɔ lɛ ekohu, nɛ e gbaa lɛ.

Mose I, 48:6

Bimɛ nɛ o ma fɔ ngɛ a se ɔ maa pee moo o níhi; se mɛɛ lɛɛ a ma na a weto ní kaa Efraim kɛ Manase a nina.

Mika 5:2

Yawɛ ke, “Mo Betlehem Efrata, Yuda ma amɛ a kpɛti nyafii kake kɛkɛ ji mo; se ma ha nɔ ko maa je o mi ba ye matsɛ ngɛ Israel ma a tsuo nɔ. Matsɛ nɛ ɔ weku kpa ngɛ kɛ je blema be ɔ mi tɔɔ.” Yawɛ lɛ de.

Mateo 2:18

“A nu gbi ko ngɛ Rama, kɔmɔ yemi kɛ ya boboobo. Rahel ngɛ e bimɛ ɔmɛ foe, nɛ e kplɛɛ we kpatami, ejakaa e bimɛ ɔmɛ gbo.”

Samuel I, 1:1

Nyumu ko hi Rama, ngɛ Efraim yo ɔmɛ a nɔ. E je Efraim wɛtso ɔ mi, nɛ e biɛ ji Elkana. E tsɛ biɛ ji Yeroham; e nɛ̃ ji Elihu; e nɛnɛkasowa ji Tohu, nɛ Tohu tsɛ ji Zuf.

Samuel I, 10:2

Ke o je ye ngɔ mwɔnɛ ɔ, o kɛ nyumuhi enyɔ maa kpe ngɛ Rahel yɔkɔ ɔ kasa nya ngɛ Zelza, ngɛ Benyamin zugba a nɔ. A ma de mo ke teji ɔmɛ nɛ nyɛ ho hlami ya a, a na mɛ. Lɔ ɔ he ɔ, o tsɛ jɔɔ a he susumi, se o he mohu e ngɛ tsui yee ngɛ, nɛ e ngɛ bie kpami ke, ‘Jije ma na ye bi ɔ ngɛ?’

Samuel I, 16:4

Samuel pee kaa bɔ nɛ Yawɛ de lɛ ɔ. E ya Betlehem, nɛ ma nimeli ɔmɛ kɛ lɛ ba kpe kɛ he domi, nɛ a bi ke, “O ba ngɛ tue mi jɔmi mi lo?”

Samuel I, 17:12

Efraim no ɔ nɛ a tsɛɛ lɛ Ishai ɔ binyumu ji David. E je Betlehem ngɛ Yuda. Ishai ngɛ binyumuhi kpaanyɔ; nɛ benɛ Saul ngɛ matsɛ yee ɔ, lɛɛ e bwɔ momo.