Mose I, 48:4 - BAIBLO ALOO NGMAMI KLƆUKLƆU Ɔ

⁴ E de mi ke, ‘Ma ha mo bimɛ babauu, nɛ o nina ma ba pee mahi babauu. Ma ngɔ zugba nɛ ɔ ngɔ ha o nina, nɛ e maa pee a weto ní kɛ maa ya neneene.’ ”

Mose I, 48:4 ပူးပေါင်းရင်းမြစ်များ

Mose I, 17:8

Zugba nɛ o ba to nubwɔ ngɛ nɔ nɛ ɔ, ma ngɔ kɛ ha mo, kɛ o nina. Kanaan zugba a tsuo maa pee o nina nɔ́ kɛ maa ya neneene, nɛ ma pee a Mawu.”

Mose I, 35:11

Jehanɛ Mawu de lɛ ke, “Imi ji Mawu Ope ɔ nɛ; mo fɔ bimɛ babauu. Niinɛ, je mahi kɛ matsɛmɛ maa je o mi.

Mose V, 32:8

Nɔ nɛ ngɛ hiɔwe lokoo ɔ, nɔ nɛ dla zugba a ha je ma amɛ, nɛ e to ma tsuaa ma hi he ɔ, lɛ nɛ e ha je ma tsuaa je ma e mawu.

Mose II, 1:7

Se a nina nɛ ji Israel bi ɔmɛ ɔ, bi ngɛ a he; a fɔ babauu nɛ a he hiɛ, nɛ a hyi zugba a nɔ tɔ. A he hu wa saminya.

Mose I, 47:27

Israel bi ɔmɛ hi Goshen zugba a nɔ ngɛ Egipt. A na ní, nɛ a fɔ bimɛ, nɛ a he hiɛ babauu.

Mose I, 46:3

Mawu de lɛ ke, “Imi ji Mawu, o tsɛ Isak Mawu ɔ. Koo ye gbeye kaa o maa ya Egipt; ejakaa ma ha nɛ o nina maa pee ma agbo ngɛ lejɛ ɔ.

Mose I, 32:12

Kai kaa mo lɛ o wo mi si ke o maa pee mi saminya. Kai kaa mo lɛ o de ke o ma ha mi nina babauu kaa wo nya zia, nɛ nɔ ko nɔ ko be nyɛe maa kane.”

Mose I, 28:3

Mawu Ope ɔ nɛ gbaa mo, nɛ e ha mo bimɛ babauu, konɛ o ba pee je mahi babauu a tsɛ.

Mose I, 26:4

Ma ha o nina maa hiɛ babauu kaa dodoehi ngɛ hiɔwe, nɛ i kɛ zugba nɛ ɔ tsuo ma ha mɛ. O nina nɔ a maa gu kɛ gbaa je ma amɛ tsuo.

Mose I, 22:17

imi hu ma gbaa mo, nɛ ma ha o nina maa hiɛ babauu kaa dodoehi ngɛ hiɔwe, loo wo nya zia. O nina maa ye a he nyɛli a nɔ.

Mose I, 17:13

Á po nɔ tsuaa nɔ kɛ tsɔɔ kaa neneene somi ko ngɛ i kɛ nyɛ wa kpɛti.

Mose I, 12:2

Ma ha mo nina babauu, nɛ a maa pee je ma agbo. Ma gbaa mo, nɛ ma ha o ma he biɛ, nɛ a maa gu o nɔ kɛ gbaa nihi babauu.

Mose II, 1:11

Lɔ ɔ he ɔ, Egipt bi ɔmɛ ngɔ nyɔguɛhi a nɔ yeli ngɔ to Israel bi ɔmɛ a nya, konɛ a wa mɛ yi mi kɛ ní tsumihi nɛ he wa. Israel bi ɔmɛ ma Pitom kɛ Rameses, nɛ ji mahi nɛ a toɔ ní ngɛ a mi kɛ ha Farao ɔ.

Mose III, 26:9

Ma gbaa nyɛ, nɛ ma ha nyɛ ma fɔ bimɛ babauu. Somi nɛ i kɛ nyɛ so ɔ, ma ye nɔ.

La 127:3

Bimɛ ji weto ní nɛ Yawɛ haa nɔ; bimɛ ji nike ní nɛ e kɛ dlooɔ nɔ.

Mose I, 17:6

Ma ha nɛ o nina maa hiɛ babauu, nɛ a ma ba pee je mahi, nɛ matsɛmɛ po maa je a mi.

Ezekiel 37:25

A maa hi zugba nɛ i ngɔ ha ye tsɔlɔ Yakob ɔ nɔ. Lejɛ ɔ lɛ a nɛmɛ ɔmɛ hi, nɛ lejɛ ɔ a bimɛ, kɛ a nina tsuo maa hi kɛ maa ya neneene. Ye tsɔlɔ David maa ye ganɔ kɛ maa ya neneene.