Mose I, 48:19 - BAIBLO ALOO NGMAMI KLƆUKLƆU Ɔ

¹⁹ Se e tsɛ ɔ kplɛɛ we. E tsɛ ɔ de ke, “I le, ye bi, i le. Manase ɔ, lɛ hu e nina ma ba pee ma agbo hwɔɔ se. Se mohu ɔ, e senɔ ɔ ma ba pee nɔmlɔ agbo pe lɛ, nɛ e senɔ ɔ nina ma ba pee je ma nguanguahi.”

Mose I, 48:19 ပူးပေါင်းရင်းမြစ်များ

Mose I, 17:4

“I kɛ mo ngɛ soe, nɛ i ngɛ mo si woe kaa o maa pee tsɛ kɛ ha je mahi babauu.

Mose I, 25:23

Yawɛ de lɛ ke, “Bimɛ nɛ ngɛ o mi mi ɔ ma ba pee je ma enyɔ hwɔɔ se, nɛ́ a kɛ a he be yee. Kake he ma ba wa pe kake; nɛ nɔkɔtɔma a ma sɔmɔ jokuɛ ɔ.”

Mose I, 25:28

Isak suɔ Esau sane, ejakaa Esau ya gbeɔ de lo ba haa lɛ nɛ e yeɔ; se Rebeka lɛɛ e suɔ Yakob.

Mose I, 28:14

O nina maa hiɛ babauu kaa tabo zu. A maa ha zugba a nɔ tsuo kɛ je beleku je kɛ yaa si bonyoku je, jehanɛ kɛ je omleyi je kɛ yaa si leneyi je. Mo, kɛ o nina a nɔ a maa gu kɛ gbaa je ma amɛ tsuo.

Mose I, 46:3

Mawu de lɛ ke, “Imi ji Mawu, o tsɛ Isak Mawu ɔ. Koo ye gbeye kaa o maa ya Egipt; ejakaa ma ha nɛ o nina maa pee ma agbo ngɛ lejɛ ɔ.

Mose I, 48:14

Se Yakob je blɔ tsake e nine ɔmɛ; e kɛ e hi ɔ nine fɔ Efraim, jokuɛyo ɔ yi mi, nɛ e kɛ e muɔ nine fɔ Manase, nɔkɔtɔma a mohu yi mi.

Mose I, 48:18

E de e tsɛ ɔ ke, “Tsaatsɛ, dɛbi, pi ja! Nɔ nɛ ɔ mohu ji bitɛte; ngɔɔ o hiɔ nine ngɔ fɔ e yi mi.”

Yesaya 7:17

“Yawɛ ma ha haomi be ko ma ba na mo, kɛ o ma mi bi ɔmɛ, kɛ matsɛ weku ɔ tsuo. Kɛ je be nɛ Israel kɛ Yuda mi gba nɛ ɔ, be yaya kaa enɛ ɔ eko bɛ hyɛ. Asiria matsɛ ɔ ji haomi nɛ Yawɛ maa ngɔ kɛ ba a nɛ.

Ezekiel 27:10

“Ta buli nɛ je Persia, Lidia, kɛ Libia hu ba piɛ o ta buli ɔmɛ a he. A kɛ a tsɛ̃i ɔmɛ, kɛ dade pɛɛ ɔmɛ ha nɛ o ye kunimi.

Mose V, 1:10

Yawɛ nyɛ Mawu ɔ ha nɛ amlɔ nɛ ɔ nyɛ he hiɛ babauu kaa dodoehi ngɛ hiɔwe.

Mose V, 33:17

Yosef he wa kaa na ku; se e tsuɔ ní kaa na yo nɛ hɛ mi wo la. E he wami ɔ bɔbɔyoo pɛ lɛ ngɛ Manase; se hiɛhiɛɛ ɔ ngɛ Efraim. Yosef buaa a nya kɛ fieɔ a he nyɛli ɔmɛ kɛ yaa se lokoo kaa bɔ nɛ na kɛ e kolihi siɔ nɔ ɔ.”