Mose I, 48:15 - BAIBLO ALOO NGMAMI KLƆUKLƆU Ɔ

¹⁵ Kɛkɛ nɛ e gbaa Yosef, nɛ e de ke, “Mawu ɔ nɛ ye nɛ̃ Abraham kɛ tsaatsɛ Isak sɔmɔ lɛ ɔ, e gbaa nyumuwi nɛ ɔmɛ! Mawu ɔ nɛ hyɛ mi kɛ ba si mwɔnɛ ligbi nɛ ɔ, e gbaa nyumuwi nɛ ɔmɛ!

Mose I, 48:15 ပူးပေါင်းရင်းမြစ်များ

Mose I, 17:1

Benɛ Abram ye jeha nyingmi nɛɛ kɛ nɛɛ ɔ, Yawɛ je e he kpo ngɔ tsɔɔ lɛ, nɛ e de lɛ ke, “Imi ji Mawu Ope ɔ nɛ. Moo bu mi, nɛ o pee nɔ́ nɛ da daa.

Kolosebi 2:6

Akɛnɛ nyɛ he Kristo Yesu kaa nyɛ Nyɔmtsɛ ɔ, nyɛɛ ya nɔ nyɛɛ kɛ lɛ nɛ pee kake.

Hebribi 11:21

Hemi kɛ yemi lɛ ha nɛ benɛ Yakob miɔ nɛ e ma gbo ɔ, e ma e yi si ngɛ e dɛma tso ɔ nɔ, nɛ e sɔle nɛ e gbaa Yosef bimɛ ɔmɛ.

2 Korintobi 1:12

Nɔ́ kake nɛ wa fĩaa ngɔ fɔɔ nɔ, nɛ wa he nile hu yeɔ he odase ji kaa wa baa wa je mi saminya ngɛ he tsuaa he, titli ngɛ waa kɛ nyɛ wa bɔmi mi kaa bɔ nɛ Mawu ngɛ hlae ɔ. Wa yeɔ anɔkuale nɛ mu ko mu ko be wa he. Pi wɔ nitsɛmɛ wa nile nɛ waa kɛ peeɔ enɛ ɔ, se mohu Mawu dloomi ɔ nya.

1 Korintobi 10:31

Lɔ ɔ he ɔ, nɔ́ tsuaa nɔ́ nɛ nyɛ ngɛ pee ɔ, ní nyɛ ngɛ yee jio, ní nyɛ ngɛ nue jio, nyɛɛ pee lɛ tsuo kɛ wo Mawu hɛ mi nyami.

Luka 1:6

Mɛ ni enyɔ ɔmɛ tsuo a peeɔ nɔ́ nɛ da ngɛ Mawu hɛ mi, nɛ a yeɔ e mlaa amɛ, kɛ e fami ɔmɛ a nɔ́ sisiisi.

Yeremia 8:2

A be wu nɛ ɔmɛ a nya buae, nɛ a be mɛ pue hulɔ; wu ɔmɛ maa pee kaa kuku ngɛ zugba a nɔ. A ma ka wu ɔmɛ ngɔ ha pu kɛ nyɔhiɔ kɛ dodoehi. Ní nɛ ɔmɛ ji níhi nɛ ma a suɔ saminya; ma a sɔmɔ mɛ, nɛ a bi ní ngɛ a ngɔ, nɛ a ja mɛ hulɔ.

Yesaya 33:16

Jamɛatsɛ ɔ ma ná he jɔmi kaa nɔ ko nɛ ngɛ mɔ nɛ he wa saminya mi. E ma na ní maa ye, nɛ e ma na nyu maa nu.

Yesaya 30:21

Ke nyɛ ngɛ nyɛɛe, nɛ nyɛ gba kɛ je blɔ ɔ nɔ kɛ ya hiɔ nɔ, loo muɔ nɔ ɔ, nyɛ maa nu e gbi ngɛ nyɛ se nɛ ngɛ dee ke, “Blɔ ɔ ji nɛ oo! Nyɛɛ nyɛɛ blɔ ɔ nɔ.”

Fiɛlɔ 6:7

Dengme tsuo nɛ nɔmlɔ ngɛ gboe ɔ, e nya mi ngma kɛkɛ he lɛ e ngɛ gboe ngɛ. Se kɛ̃, e tɔɛ gblegbleegble.

Fiɛlɔ 5:18

Hyɛ, nɔ́ nɛ i na kaa e hi, nɛ e sa kɛkɛ ji kaa nɔmlɔ nɛ ye ní, nɛ e nu ní, nɛ e na bua jɔmi. Wami be bɔɔ nɛ Mawu ha nɔmlɔ ngɛ je nɛ ɔ mi ɔ, dengme tsuo nɛ e gbo ɔ, e ye e mi ngɔɔmi; e blɔ fa mi nɔ́ ji lɔ ɔ nɛ.

Fiɛlɔ 5:12

Apaatsɛ ɔ, e ye ní bɔɔ jio, e ye fuu jio, e hwɔɔ mahe bɔ nɛ sa. Se niatsɛ lɛɛ e ní babauu ɔ ha we nɛ e hwɔɔ mahe.

La 37:3

Ngɔɔ o hɛ ngɔ fɔ Yawɛ nɔ nɛ o pee kpakpa, konɛ o hi zugba a nɔ ngɛ he jɔmi mi.

La 23:1

Yawɛ ji ye hyɛlɔ; nɔ́ ko nɔ́ ko he hia we mi.

La 16:8

I susuɔ Yawɛ he daa. Nɛ́ Yawɛ ngɛ ye kasa nya nɛ ɔ, nɔ́ ko nɔ́ ko be mi pee.

Matsɛmɛ I, 3:6

Salomo he nɔ ke, “O na tsaatsɛ David, o tsɔlɔ ɔ mɔbɔ babauu; ejakaa e ye mo anɔkuale, nɛ e pee nɔ́ nɛ da, nɛ e kɛ mo hi si saminya kɛ tsui mi faa. O mɔbɔ nami nɛ se pui nɛ ɔ tsa nɔ kɛ ba si o ha lɛ binyumu nɛ ba ngɛ tsɛ yee ngɛ e se mwɔnɛ nɛ ɔ.

Mose V, 33:1

Gbaami munyuhi nɛ Mawu nɔmlɔ, Mose kɛ gbaa Israel bi ɔmɛ loko e gbo ji nɛ ɔmɛ nɛ.

Mose I, 49:28

Yakob bimɛ, Israel wɛtso nyɔngma kɛ enyɔ ɔmɛ ji nɛ ɔmɛ nɛ. Benɛ a tsɛ ɔ kɛ mɛ ye nyagbe sɛ, nɛ e gbaa mɛ ɔ, munyuhi nɛ e tu mɛ ji nɛ ɔmɛ nɛ; nɔ tsuaa nɔ ná e nɔ́.

Mose I, 49:24

Se Yosef lɛɛ e kɛ̃ɛ̃ ɔ ji e dɛ gblegbleegble. E he wami ɔ je Yakob Mawu Ope ɔ dɛ mi, To hyɛlɔ ɔ, nɛ ji Israel he bulɔ ɔ.

Mose I, 48:16

Mawu bɔfo ɔ nɛ hyɛ ye nɔ, nɛ je mi kɛ je haomihi tsuo a mi ɔ, e gbaa nyumuwi nɛ ɔmɛ! Nyumuwi nɛ ɔmɛ nɛ a wo imi, kɛ nɛnɛ Abraham, kɛ tsaatsɛ Isak wa biɛ ɔmɛ a hɛ mi nyami daa! A fɔ, nɛ a he nɛ hiɛ babauu ngɛ zugba a nɔ!”

Mose I, 28:22

Kaimi tɛ nɛ ɔ nɛ i ngɔ ma si kaa titima nɛ ɔ, maa pee he nɛ a ma ja mo ngɛ; nɛ nɔ́ tsuaa nɔ́ nɛ o ma ha mi ɔ, ma ngɔ e mi dlami nyɔngma mi kake kɛ ha mo.”

Mose I, 28:20

Yakob ka Yawɛ kita ke, “Ke o kɛ mi maa hi si, nɛ o maa bu ye he ngɛ blɔ nɛ i ngɛ hiae nɛ ɔ nɔ, ke o ma ha mi ngma nɛ ma ye, kɛ tade nɛ ma wo;

Mose I, 28:3

Mawu Ope ɔ nɛ gbaa mo, nɛ e ha mo bimɛ babauu, konɛ o ba pee je mahi babauu a tsɛ.

Mose I, 27:4

Kɛ pee niye ní nɛ ngɔɔ kaa bɔ nɛ i suɔ ɔ. Ngɔɔ ba ha mi nɛ ma ye, nɛ ma gbaa mo loko ma gbo.”

Mose I, 24:20

E he sɔ kɛ plɛ nyu nɛ ngɛ buɛ ɔ mi ɔ kɛ wo lohwe ɔmɛ a nyu numi nɔ́ ɔ mi, nɛ e tu fo kɛ ho vu ɔ he ya ya yɛ nyu kɛ ba ha afukpɔngɔ ɔmɛ tsuo nɛ a nu.

Mose I, 6:9

Noa he sane ji nɛ ɔ nɛ. Noa ngɛ binyumuhi etɛ: Shem, Ham, kɛ Yafet. Noa nɛ ɔ, piami ko be e he; e be ɔ mi ɔ, lɛ pɛ ji dalɔ, nɛ e peeɔ Mawu suɔmi nya ní.

1 Tesalonikabi 2:12

Wa wo nyɛ he wami; wa wo nyɛ bua, nɛ wa wo nyɛ ga kaa nyɛɛ ba nyɛ je mi bɔ nɛ sa Mawu hɛ mi. Lɛ nɛ e tsɛ nyɛ ke nyɛɛ ba lɛ nitsɛ e matsɛ yemi ɔ, kɛ e nyami ɔ mi.

Mose II, 3:16

Yaa nɛ o ya bua Israel ma nimeli ɔmɛ a nya, nɛ o de mɛ ke, Yawɛ, Mawu ɔ nɛ nyɛ nɛmɛ Abraham, Isak, kɛ Yakob ja lɛ ɔ je e he kpo tsɔɔ mi, nɛ e de mi ke, ‘I na nɔ́ nɛ a ngɛ nyɛ pee ngɛ Egipt ɔ,

Mose II, 4:5

Yawɛ de ke, “Enɛ ɔ maa tsɔɔ Israel bi ɔmɛ kaa Mawu ɔ nɛ a nɛmɛ Abraham, Isak, kɛ Yakob ja lɛ ɔ je e he kpo tsɔɔ mo.”

Kronika I, 5:1

Ruben ji Yakob kekleekle bi. Se akɛnɛ e ble e tsɛ sa kaa e kɛ e tsɛ plã ya hwɔ si he je ɔ, a kpɔ e bitɛte blɔ nya a ngɛ e dɛ, nɛ a kɛ ha Yosef bimɛ ɔmɛ. Enɛ ɔ ha nɛ e biɛ be weku kɛ nina a womi ɔ mi kaa lɛ ji Yakob kekleekle bi. Se Yuda wɛtso ɔ mohu lɛ ba bɔ wawɛɛ pe wɛtso kpa amɛ tsuo, nɛ Yuda wɛtso ɔ hu mi nɛ ganɔ je kɛ ye tsɛ kɛ ha Israel ma a tsuo.

Mose I, 24:40

E he nɔ ke, ‘Yawɛ nɛ i buɔ lɛ tue daa nɛ ɔ, maa tsɔ e bɔfo ɔ nɛ e kɛ mo maa ya, nɛ e ma ha o blɔ ɔ maa da mo. O ma ya hla yo kɛ ba ha ye bi ɔ kɛ je ye nyɛmimɛ ɔmɛ, kɛ tsaatsɛ weku li ɔmɛ a kpɛti.

Mose I, 27:27

Benɛ Yakob hɛ lɛ kɛ ba konɛ e ba fiɔ Isak nya he ɔ, Isak nu e tade ɔ mi via; lɔ ɔ he ɔ, e gbaa lɛ. E de lɛ ke, “Ye bi ɔ he via kaa ngmɔ ko nɛ Yawɛ gbaa nɔ, nɛ baa ní ɔ nɔ via.

Mose I, 35:3

Wa ngɛ hiɛ ɔ jee kɛ yaa Betel. Ma ma bɔ sami la tɛ ngɛ lejɛ ɔ ha Mawu ɔ nɛ piɛ ye he ngɛ ye amanehlu be ɔ mi, nɛ e kɛ mi ngɛ kɛ ba si mwɔnɛ nɛ ɔ.”

Mose I, 49:22

“Yosef ngɛ kaa nga mi teji ngɛ pa he. E ngɛ kaa nga mi okpɔngɔ bi ngɛ yoku he.