Mose I, 48:14 - BAIBLO ALOO NGMAMI KLƆUKLƆU Ɔ

¹⁴ Se Yakob je blɔ tsake e nine ɔmɛ; e kɛ e hi ɔ nine fɔ Efraim, jokuɛyo ɔ yi mi, nɛ e kɛ e muɔ nine fɔ Manase, nɔkɔtɔma a mohu yi mi.

Mose I, 48:14 ပူးပေါင်းရင်းမြစ်များ

Mose I, 41:51

E wo e bitɛte ɔ Manase, nɛ e de ke, “Mawu ha nɛ ye hɛ je ye haomi ɔ tsuo, kɛ ye weku li tsuo a nɔ.”

1 Timoteo 5:22

Koo ye esɔ kaa o maa ngɔ o nine kɛ pue nɔ ko nɔ kɛ wo lɛ asafo nɔkɔtɔma nɛ e tsu ní ha Nyɔmtsɛ ɔ. Ke nɔ ko ngɛ yayami pee ɔ, ko ya piɛ e he. Pee o he klɔuklɔu.

1 Timoteo 4:14

Mumi mi níhi nɛ Mawu kɛ dloo mo kɛ gu gbali ɔmɛ a nɔ benɛ asafo nikɔtɔma amɛ ngɔ a nine kɛ pue o yi mi ɔ, yaa nɔ nɛ o tsu a he ní daa.

Ni Tsumi 13:3

Kaseli ɔmɛ ha hwɔ, nɛ a sɔle, nɛ a kɛ a nine pue Barnaba kɛ Saulo a nɔ, nɛ a wo mɛ blɔ.

Ni Tsumi 6:6

A kɛ mɛ ba da bɔfo ɔmɛ a hɛ mi; kɛkɛ nɛ bɔfo ɔmɛ sɔle, nɛ a kɛ a nine pue a nɔ.

Luka 13:13

E ngɔ e nine kɛ pue yo ɔ nɔ, nɛ amlɔ nɔuu ɔ, e mi kpã, nɛ e da tlɔmɔɔ, nɛ e je Mawu yi.

Luka 4:40

Benɛ pu nɔ si ɔ, nihi nɛ ngɛ nyɛmimɛ nɛ hiɔ slɔɔtohi ngɛ a he ɔ, ngɔ mɛ kɛ ba Yesu ngɔ. Yesu ngɔ e nine pue a nɔ kakaaka, nɛ e tsa mɛ tsuo.

Mateo 19:15

Kɛkɛ nɛ e ngɔ e nine ngɔ pue jokuɛwi ɔmɛ a nɔ, nɛ e je lejɛ ɔ.

Mateo 19:13

Enɛ ɔ se ɔ, ni komɛ ngɔ jokuɛ tsɔwi kɛ ba Yesu ngɔ nɛ e ngɔ e nine ngɔ pue a nɔ, nɛ e sɔle ha mɛ. Se e kaseli ɔmɛ kuɛ wo ni ɔmɛ.

Mateo 16:18

Lɔ ɔ he ɔ, Petro, i ngɛ mo dee ke tɛ sa ji mo, nɛ kikɛmɛ a tɛ sa nɛ ɔ nɔ ma ma ye asafo ɔ ngɛ. Nɛ gbenɔ tete po be nyɛe maa ye e nɔ.

Mateo 6:5

“Ke nyɛ ngɛ sɔlee ɔ, nyɛ ko pee nyɛ ní kaa osatotsɛmɛ ɔmɛ! A suɔ kaa a da kpe he ɔmɛ, kɛ gbɛjegbɛ ɔmɛ a kɔ nya kɛ sɔle, konɛ nihi nɛ na mɛ. Niinɛ, i ngɛ nyɛ dee ke a nine su a hiɔwo nɔ momo.

La 118:16

Yawɛ nine ho hiɔwe ya; Yawɛ kɛ e hɛ mi nyami kpetekpleenyɛ ɔ tsu ní nguanguahi!”

La 110:1

Yawɛ de ye nyɔmtsɛ ɔ ke, “Hii si ngɛ ye hiɔ nɔ kɛ yaa si be nɛ ma ngɔ o he nyɛli ɔmɛ kɛ pee nɔ́ nɛ o kɛ o nane maa nɔ.”

Mose V, 34:9

Nun bi, Yoshua nile nya ba bli, ejakaa Mose to lɛ si kaa nɔ nɛ ma ba ye e se. Israel ma a bu Yoshua tue, nɛ a ye mlaa amɛ nɛ Yawɛ wo mɛ kɛ gu Mose nɔ ɔ a nɔ.

Mose IV, 8:18

I hla Levi bi ɔmɛ ngɛ Israel bitɛtehi tsuo pɛpɛɛpɛ a nane mi.

Mose IV, 8:10

Ke o ngɔ Levi bi ɔmɛ kɛ ba imi Yawɛ, ye hɛ mi ɔ, Israel bi ɔmɛ maa ngɔ a nine kɛ pue Levi bi ɔmɛ a yi mi.

Mose II, 15:6

“Yawɛ, o hiɔ nine he wami ɔ ngɛ gbeye; o hiɔ nine ɔ tsɔtslɔɔ he nyɛli ɔmɛ a mi.

Mose I, 48:18

E de e tsɛ ɔ ke, “Tsaatsɛ, dɛbi, pi ja! Nɔ nɛ ɔ mohu ji bitɛte; ngɔɔ o hiɔ nine ngɔ fɔ e yi mi.”

Mose I, 46:20

Yosef hu kɛ Asenat fɔ binyumuhi enyɔ ngɛ Egipt: mɛ ji Manase kɛ Efraim. Asenat ɔ, osɔfo Potifera nɛ je Heliopolis ma a mi ɔ biyo ji lɛ.

Mose I, 41:52

E wo enyɔne ɔ Efraim, nɛ e de ke, “Mawu ha nɛ i wo ngmɛdu ngɛ zugba nɛ i na amanehlu ngɛ nɔ ɔ nɔ.”

Mose I, 48:13

Jehanɛ Yosef ngɔ Efraim ba da Yakob muɔ nine nɔ, nɛ e ngɔ Manase ba da e tsɛ ɔ hiɔ nine nɔ.

Mose I, 48:17

Benɛ Yosef na kaa e tsɛ ɔ ngɔ e hiɔ nine ngɔ fɔ Efraim yi mi ɔ, e ngɔɛ e nya. Enɛ ɔ he je ɔ, e nu e tsɛ ɔ nine si, nɛ e je e nine ɔ kɛ je Efraim yi mi kɛ ya fɔ Manase yi mi.

Mose IV, 2:18

“Efraim wɛtso ɔ ma pue si kɛ yaa bonyoku je, tabo nya tabo nya. A nyatsɛ ji Amihud bi Elishama, nɛ a hiɛmi ji nimli akpe nyingmi eywiɛ kɛ e nya lafa enuɔ.