Mose I, 48:10 - BAIBLO ALOO NGMAMI KLƆUKLƆU Ɔ

¹⁰ Jamɛ a be ɔ mi ɔ, Yakob hɛngmɛ hyɛ we nɔ́ saminya; ejakaa e bwɔ. Lɔ ɔ he ɔ, Yosef ngɔ jokuɛwi ɔmɛ kɛ ba su Yakob he haa. Yakob fua mɛ atuu, nɛ e fiɔ a nya he.

Mose I, 48:10 ပူးပေါင်းရင်းမြစ်များ

Mose I, 27:27

Benɛ Yakob hɛ lɛ kɛ ba konɛ e ba fiɔ Isak nya he ɔ, Isak nu e tade ɔ mi via; lɔ ɔ he ɔ, e gbaa lɛ. E de lɛ ke, “Ye bi ɔ he via kaa ngmɔ ko nɛ Yawɛ gbaa nɔ, nɛ baa ní ɔ nɔ via.

Mose I, 27:1

Benɛ Isak ba bwɔ, nɛ e hɛngmɛ yu ɔ, e tsɛ e bi nɔkɔtɔma Esau ɔ, nɛ e de lɛ ke, “Ye bi!” Esau he nɔ ke, “Tsaatsɛ, i ngɛ hiɛ ɔ.”

Yesaya 59:1

Nyɛ ko susu kaa Yawɛ nine ngɛ kpoku nɛ e be nyɛe nɛ e kɛ he nyɛ yi wami, aloo e tue ywia nɛ e nui nyɛ kue fami ɔ!

Yesaya 6:10

E ya nɔ nɛ e de mi ke, “Ha nimli nɛ ɔmɛ a tsui nɛ ti; a tue nɛ wa, nɛ a hɛngmɛ hu nɛ ma, bɔ nɛ pee nɛ a hɛngmɛ ko hyɛ nɔ́, nɛ a tue hu ko nu nɔ́, konɛ a ko nu nɔ́ sisi, nɛ a ba kpale kɛ ba nɛ a tsa mɛ.”

Matsɛmɛ I, 19:20

Kɛkɛ nɛ Elisha je e na amɛ a he, nɛ e tu fo kɛ nyɛɛ Eliya se; nɛ e de lɛ ke, “I kpa mo pɛɛ, ha nɛ i kɛ tsaatsɛ, kɛ maa ya ye sɛ, konɛ ma ba nyɛɛ o se.” Eliya he nɔ ke, “Yoo, moo ya. I tsi we o nya!”

Samuel I, 4:15

Jamɛ a be ɔ, Eli ye jeha nyingmi nɛɛ kɛ kpaanyɔ; e hɛngmɛ nɔ ha, nɛ e hyɛ we nɔ́ kpakpa ko hu.

Samuel I, 3:2

Ligbi ko nyɔ mi, benɛ Eli, nɛ lɔ ɔ ji e hɛngmɛ yu ta, hwɔɔ si ngɛ lɛ nitsɛ e tsu ɔ mi ɔ,

Mose I, 45:15

Jehanɛ, benɛ Yosef ngɛ ya foe kɛ mwɔɔ ɔ, e fua e nyɛmimɛ ɔmɛ kakaaka, nɛ e fiɔ a nya he. Kɛkɛ nɛ e nyɛmimɛ ɔmɛ kɛ lɛ bɔni ní sɛɛmi.

Mose I, 31:55

Makɛ mla a, Laban fiɔ e bibimɛ ɔmɛ, kɛ e biyi ɔmɛ a nya he, nɛ e gbaa mɛ, nɛ e kpale e se kɛ ho e ma mi ya.

Mose I, 48:8

Benɛ Yakob na Yosef binyumuwi ɔmɛ ɔ, e bi ke, “Mɛnɔmɛ ji nɛ ɔmɛ?”

Mose I, 48:11

Yakob de Yosef ke, “Jinɛ i susuu we kaa ma na o hɛ mi ekohu; se hyɛ, o bimɛ pohu Mawu ha nɛ i ba na mɛ.”

Mose V, 34:7

Mose ye jeha lafa kɛ nyingmi enyɔ benɛ e gbo ɔ. E ngɛ nɔmlɔ tso he wami saminya, nɛ e hɛngmɛ hu hyɛɛ nɔ́ bɔ nɛ sa.

Fiɛlɔ 12:3

O ninehi nɛ o kɛ buɔ o he ɔ ma bɔni kpokpomi, nɛ o nane kpakpataa amɛ a mi maa jɔ. O lunguhi be nyɛe maa ta nɔ́ hu, ejakaa a he pi. O hɛngmɛ ɔmɛ a nɔ maa ha, nɛ o be nɔ́ hyɛe saminya hu.