Mose I, 47:6 - BAIBLO ALOO NGMAMI KLƆUKLƆU Ɔ

⁶ Egipt zugba a lɛ ngɛ o hɛ mi tilaa nɛ ɔ nɛ. Ha nɛ o tsɛ kɛ o nyɛmimɛ ɔmɛ nɛ a hi Goshen zugba a nɔ; lejɛ ɔ ji he nɛ hi pe zugba a tsuo. Ke o na kaa a ti ni komɛ le lohwe lɛmi ní tsumi nɛ ɔ saminya a, ha nɛ a ya hyɛ imi nitsɛ ye lohwe ɔmɛ a nɔ.”

Mose I, 47:6 ပူးပေါင်းရင်းမြစ်များ

Mose II, 18:21

Se ngɛ enɛ ɔmɛ a se ɔ, o kɛ o hɛngmɛ nɛ wo ma a mi nɛ o hla nihi nɛ a nine si wa kɛ ní tsumi, nihi nɛ ye ɔ Mawu gbeye, nihi nɛ yeɔ anɔkuale, nɛ a sume nyɔ mi ní. Ngɔɔ kikɛmɛ a nimli ngɔ to ma a nya. Ni komɛ nɛ a hyɛ nimli nyɔngma nɔ; ni komɛ nɛ a hyɛ nimli nyingmi enuɔ nɔ; ni komɛ nɛ a hyɛ nimli lafa nɔ, konɛ ni komɛ hu nɛ a hyɛ nimli akpe nɔ.

Mose I, 47:11

Jehanɛ, Yosef ha e tsɛ kɛ e nyɛmimɛ ɔmɛ sihi he ngɛ Egipt zugba a nɔ. Kaa bɔ nɛ Farao ɔ fa lɛ Yosef ɔ, e ha mɛ weto ní ngɛ Rameses kasa nya, nɛ ji zugba nɛ hi pe zugba a tsuo.

Abɛ Womi 22:29

Anɛ o le nɔ ko nɛ tsuɔ ní saminya lo? Jamɛ a nɔ ɔ, matsɛmɛ nɛ e ma sɔmɔ; pi ni guhi.

Kronika II, 26:10

E ma mɔhi ngɛ nga a nɔ hulɔ, nɛ e tsua vuhi fuu, ejakaa e ngɛ lohwehi babauu ngɛ kɔ̃ ɔ mi, kɛ nga a nɔ. Akɛnɛ e suɔ humi he je ɔ, e wo e ma mi bi ɔmɛ he wami, nɛ a hu wai ngmɔhi ngɛ yoku ɔmɛ a nɔ, kɛ kɔ̃ ɔmɛ a mi.

Mose II, 18:25

Mose hla nyumuhi nɛ a nine si wa kɛ je Israel bi ɔmɛ a kpɛti, nɛ e wo mɛ nikɔtɔmahi ngɛ ma a nya. Ni komɛ hyɛɛ nimli nyɔngma nɔ, ni komɛ hyɛɛ nimli nyingmi enuɔ nɔ; ni komɛ hyɛɛ nimli lafa nɔ, nɛ ni komɛ hu hyɛɛ nimli akpe nɔ.

Mose I, 47:4

Wa ba nɛ wa ba hi hiɛmɛ nɛ ɔ bɔɔ. Wa nɛ niye ní ha wa lohwe ɔmɛ ngɛ Kanaan zugba a nɔ, ejakaa hwɔ ɔ nya wa ngɛ lejɛ ɔ wawɛɛ nitsɛ. Wa kpa mo pɛɛ nɛ o ha nɛ waa hi Goshen zugba a nɔ.”

Yohane 17:2

Ejakaa o ha mi he wami nɛ ma ye adesahi tsuo a nɔ, konɛ nihi tsuo nɛ o tu ngɔ wo ye dɛ mi ɔ, ma ha nɛ a na neneene wami.

Abɛ Womi 21:1

Matsɛ juɛmi ngɛ kaa nyu dɔ ngɛ Yawɛ dɛ mi. He nɛ lɛɛ e suɔ nɛ e haa e guɔ.

Samuel I, 21:7

Jamɛ a ligbi ɔ, Saul tsɔli ɔmɛ a ti nɔ kake ngɛ lejɛ ɔ nɛ a tsi e nya ngɛ Yawɛ hɛ mi. E biɛ ji Doeg; e je Edom, nɛ Saul lohwehi a hyɛli ɔmɛ a nɔkɔtɔma ji lɛ.

Mose II, 9:21

Se ni nɛmɛ nɛ bui Yawɛ munyu ɔ, mɛɛ lɛɛ a si a nyɔguɛ ɔmɛ, kɛ a lohwe ɔmɛ ngɛ nga nɔ.

Mose II, 9:10

Kɛkɛ nɛ a ya je flɔɔnɔɔ mi la zu nɛ a kɛ ba Farao ɔ ngɔ. Mose fia la zu ɔ kɛ mane hiɔwe, nɛ e plɛ pee tslɔɔ nɛ pã ngɛ nimli, kɛ we mi lohwehi a he.

Mose I, 47:16

Yosef he nɔ ke, “Ke nyɛ sika ta a, nyɛɛ ngɔ nyɛ lohwe ɔmɛ kɛ ba, nɛ ma ha nyɛ niye ní kɛ to nya.”

Mose I, 34:10

Ke nyɛ kplɛɛ ja a, waa kɛ nyɛ maa hi si. Wa zugba a fɔɔ si ha nyɛ; nyɛɛ kɛ wɔ maa hi si faa, nyɛ maa ye jua, nɛ nyɛ ma na nyɛ nitsɛmɛ nyɛ weto ní.”

Mose I, 20:15

Abimelek de Abraham ke, “O nɛ, ye zugba nɛ ngɛ o hɛ mi tilaa a nɛ; he tsuaa he nɛ o suɔ ɔ, moo hi lejɛ ɔ.”

Mose I, 13:9

Zugba a tsuo ji tilaa ngɛ o hɛ mi nɛ ɔ nɛ. Moo po zugba a he nɛ o suɔ, konɛ o hi o dɛ he; ke o ngɔ muɔ nɔ je ɔ, ma ngɔ hiɔ nɔ je. Ke hiɔ nɔ je o suɔ jio, imi hu ma ngɔ muɔ nɔ je.”

Mose I, 13:10

Lot hyɛ zugba a tsuo kɛ kpe, nɛ e na kaa nyu ngɛ Yordan kɔ̃ ɔ mi tsuo babauu kaa bɔ nɛ Yawɛ Ngmɔ ɔ ngɛ ɔ, aloo kaa bɔ nɛ Egipt zugba a ngɛ kɛ ma Zoar blɔ ɔ. Sane nɛ ɔ ba loko Yawɛ kpata Sodom kɛ Gomora hɛ mi.

Mose I, 45:10

O ma ba hi Goshen zugba a nɔ, ngɛ ye kasa nya. O kɛ o bimɛ ɔmɛ, o bibimɛ ɔmɛ, o to ɔmɛ, o na amɛ, kɛ o weto ní tsuo nɛ ba.

Mose I, 46:34

nyɛ de lɛ ke, ‘Kɛ je wa nihe mi kɛ ba si mwɔnɛ nɛ ɔ, lohwe wa lɛɛ; wa nɛmɛ ɔmɛ hu kikɛmɛ a ní tsumi nɛ ɔ nɔuu a tsu.’ Ke nyɛ de lɛ ja a, e ma ha nɛ nyɛɛ hi Goshen zugba a nɔ; ejakaa Egipt bimɛ hiee lohwe lɛli.”

Mose I, 47:5

Farao ɔ de Yosef ke, “O tsɛ kɛ o nyɛmimɛ ɔmɛ ba mo tomi.

Matsɛmɛ I, 11:28

Yeroboam ji niheyo ko nɛ kɔni si wa, nɛ benɛ Salomo na kaa e tsuɔ ní saminya a, e ngɔ lɛ ngɔ pee ni nɛmɛ nɛ a nyɛɛ a nɔ kɛ tsuɔ ma ní tsumi kpakpataa a a nɔ hyɛlɔ ngɛ Manase, kɛ Efraim wɛtso ɔmɛ a mi.

Yeremia 40:4

Lɔ ɔ he ɔ, i ngɛ pã nɛ ɔ jee ngɛ o kɔni si mwɔnɛ ligbi nɛ ɔ. Ke o suɔ kaa o kɛ mi maa ya Babilonia a, i kɛ mo maa ya nɛ ma ya hyɛ o nɔ saminya ngɛ lejɛ ɔ. Se ke e dɛ ha mo kaa o kɛ mi maa ya a, lɛɛ mo ko ya. Hyɛ, zugba a tsuo lɛ ngɛ o hɛ mi nɛ ɔ nɛ. He tsuaa he nɛ hi ha mo nɛ o suɔ kaa o maa ya a, yaa.”