Mose I, 47:30 - BAIBLO ALOO NGMAMI KLƆUKLƆU Ɔ

³⁰ Ma suɔ nɛ a pu mi ngɛ he nɛ a pu ye nɛmɛ ɔmɛ ngɛ ɔ. Lɔ ɔ he ɔ, ke i gbo ɔ, ngɔɔ mi kɛ je Egipt, nɛ o ya pu mi ngɛ a kasa nya.” Yosef he nɔ ke, “Ma pee kaa bɔ nɛ o de ɔ.”

Mose I, 47:30 ပူးပေါင်းရင်းမြစ်များ

Mose I, 25:9

E bimɛ Isak kɛ Ishmael pu lɛ ngɛ Makpela tɛ puɔ ɔ mi ngɛ zugba a nɛ ngɛ Mamre beleku je ɔ nɔ. Zugba nɛ ɔ, jinɛ Zohar binyumu Efron, Hit no ɔ nɔ́,

Mose I, 23:19

Enɛ ɔ se ɔ, Abraham ya pu e yo Sara ngɛ jamɛ a tɛ puɔ ɔ mi ngɛ Kanaan zugba a nɔ.

Nehemia 2:5

kɛkɛ nɛ i de matsɛ ɔ ke, “Nɛnɛ, ke e sa o hɛ mi, nɛ o suɔ kaa o ma ha mi nɔ́ nɛ ma bi mo ɔ, lɛɛ ha ma ya Yuda zugba a nɔ ngɛ ma mi he nɛ a pu ye nɛmɛ ngɛ ɔ, konɛ ma ya ma ma a ekohu.”

Nehemia 2:3

nɛ i he nɔ ke, “Nɛnɛ, o yi nɛ na wa daa! Mɛni he je e sɛ kaa ye hɛ mi nɛ pee mɔbɔmɔbɔ, be mi nɛ ma nɛ a pu ye nɛmɛ ngɛ mi ɔ ku kɛ pueɔ si, nɛ la sã agbo ɔmɛ ɔ?”

Matsɛmɛ I, 13:22

He nɛ Yawɛ de mo ke o ko ya ye ní, nɛ o nu nyu hu ngɛ ɔ, o kpale o se ya ye ní, nɛ o nu nyu ngɛ lejɛ ɔ. Enɛ ɔ he je ɔ, o ma gbo, nɛ a be mo pue ngɛ o weku li a yɔkɔ mi.”

Samuel II, 19:37

I kpa mo pɛɛ nɛ o ngmɛ imi, o tsɔlɔ ɔ blɔ nɛ ma kpale ye se kɛ ho, nɛ ma ya gbo ngɛ imi nitsɛ ye ma mi he nɛ a pu maa, kɛ tsaatsɛ ngɛ ɔ. O nɛ, ye binyumu Kimham ji nɛ ɔ nɛ, e ma sɔmɔ mo; o kɛ lɛ nɛ ya, konɛ nɔ́ tsuaa nɔ́ nɛ sa o hɛ mi ɔ, o pee ha lɛ.”

Mose I, 50:25

Kɛkɛ nɛ Yosef ha nɛ e we bi ɔmɛ ka lɛ kita. E de mɛ ke, “Nyɛɛ wo mi si kaa ke Mawu ba kpaka nyɛ kɛ yaa jamɛ a zugba a nɔ ɔ, nyɛ maa ngɔ ye flɔ̃ ɔ kɛ ho.”

Mose I, 15:15

Mo nitsɛ lɛɛ o maa hi si kɛ yaa si o maa bwɔ kotokoto, nɛ o ma gbo ngɛ he jɔmi mi, nɛ a maa pu mo.

Mose I, 23:17

Bɔ nɛ ba loko Efron weto ní ɔ nɛ ngɛ Makpela ngɛ Mamre beleku je ɔ, ba plɛ pee Abraham nɔ́ ji nɛ ɔ nɛ. Weto ní nɛ ɔ ji zugba a, kɛ tɛ puɔ ɔ nɛ ngɛ zugba a mi ɔ, kɛ tso ɔmɛ tsuo nɛ ngɛ zugba a mi, hluu kɛ ya ta zugba a nyagbe ɔ.

Mose I, 25:10

se Abraham he zugba a ngɛ Hit bi ɔmɛ a dɛ. Lejɛ ɔ ji he nɛ a pu Abraham kɛ e yo Sara tsuo ngɛ.

Mose I, 35:29

nɛ e gbo benɛ e bwɔ kotokoto; nɛ e bimɛ Esau kɛ Yakob pu lɛ.

Mose V, 31:16

Yawɛ de Mose ke, “E be kɛe nɛ o ma gbo; nɛ o gbenɔ se ɔ, Israel ma a be mi anɔkuale yee hu; a be somi nɛ i kɛ mɛ so ɔ nɔ yee. A maa je ye se ya ja ma se mawuhi nɛ ngɛ zugba a nɔ he nɛ a yaa a.

Samuel II, 2:32

Yoab kɛ e we bi ɔmɛ ngɔ Asahel nɛ a ya pu lɛ ngɛ e tsɛ yɔkɔ ɔ mi ngɛ Betlehem. Lɔ ɔ se ɔ, a nyɛɛ nyɔnyɔɔnyɔ, nɛ je ba na mɛ heii ngɛ Hebron.