Mose I, 47:25 - BAIBLO ALOO NGMAMI KLƆUKLƆU Ɔ

²⁵ Ma a he nɔ ke, “O he wa yi wami! Wa nyɔmtsɛ, ke e sa o hɛ mi ɔ, wa maa pee Farao ɔ nyɔguɛhi.”

Mose I, 47:25 ပူးပေါင်းရင်းမြစ်များ

Mose I, 33:15

Esau de lɛ ke, “Saminya! Lɛɛ ma si ye we bi ɔmɛ ekomɛ ngɛ hiɛ ɔ nɛ a tsɔɔ nyɛ blɔ.” Se Yakob he nɔ ke, “Oo! E he hia we! Ke ye nyɔmtsɛ ɔ na ye he tsui kɛkɛ ɔ, lɔ ɔ hiɛ.”

Rut Womi 2:13

Rut he nɔ ke, “I naa mo si, ye nyɔmtsɛ. Hyɛ bɔ nɛ o munyu ngɔngɔɛ ɔmɛ wo mi gɛjɛmi, nɛ ye nɔ gbagba te ha, pohu tsa pi o mawayi ɔmɛ a ti nɔ kake ji mi.”

Mose I, 50:20

Nyɛɛ lɛɛ nyɛ so kaa nyɛ maa pee mi yayami, se Mawu tsake nyɛ yi mi tomi ɔ kɛ pee nɔ́ kpakpa; bɔ nɛ pee nɛ e kɛ he nihi babauu a yi wami, kaa bɔ nɛ e ba mi mwɔnɛ nɛ ɔ.

Mose I, 41:45

Farao ɔ wo Yosef Egipt biɛ ke Zafenat Panea, nɛ e ha lɛ yo nɛ a tsɛɛ lɛ Asenat. Osɔfo Potifera nɛ je Heliopolis ma a mi ɔ biyo ji Yosef yo ɔ nɛ. Benɛ Yosef bɔni Egipt matsɛ ɔ sɔmɔmi ɔ, jamɛ a be ɔ mi ɔ, e ye jeha nyingmi etɛ. E je matsɛ we ɔ, nɛ e ya kpa Egipt zugba a tsuo nɔ.

Mose I, 18:3

nɛ e de mɛ ke, “Ye nyɔmtsɛmɛ, i kpa nyɛ pɛɛ nɛ nyɛ ko je lolo. Nyɛɛ hi si ngɛ tso nɛ ɔ sisi nɛ nyɛɛ jɔɔ nyɛ he, nɛ ma ba ha nyɛ nyu bɔɔ nɛ nyɛ kɛ fɔ nyɛ nanehi a he.

Mose I, 6:19

Ngɔɔ lohwe tsuaa lohwe, eku kɛ eyo kɛ ba lɛ ɔ mi, konɛ a yi nɛ na wami: pɛlitsɛmɛ, nane eywiɛɛywiɛtsɛmɛ, kɛ ní nɛmɛ nɛ sãã si.

Mose I, 47:24

Ke nyɛ kpa ní ɔ, nyɛɛ ngɔ mi dlami enuɔ mi kake ba ha Farao ɔ, konɛ nɔ́ nɛ piɛ ɔ nɛ pee nyɛ nitsɛmɛ, kɛ nyɛ bimɛ, kɛ nyɛ we mi bimɛ nyɛ nɔ́; nyɛɛ ye eko, nɛ nyɛ du eko.”

Mose I, 47:26

Lɔ ɔ he ɔ, Yosef wo mlaa nɛ ngɛ kɛ ba si mwɔnɛ ligbi nɛ ɔ, kaa Egipt zugba a niba ní ɔ mi dlami enuɔ mi kake maa pee Farao ɔ nɔ́. Osɔfo ɔmɛ a zugba a pɛ ji nɔ́ nɛ be Farao ɔ nɔ́ pee.

Mose I, 32:6

Benɛ tsɔli ɔmɛ kpale a se kɛ ba Yakob ngɔ ɔ, a de lɛ ke, “Wa ya na o nyɛmi Esau ɔ, nɛ lɛ hu e kɛ nihi lafa eywiɛ ma nɛ a ba kpee mo.”