Mose I, 47:19 - BAIBLO ALOO NGMAMI KLƆUKLƆU Ɔ

¹⁹ Anɛ o maa hi wɔ hyɛe nɛ wa gbo, nɛ wa zugba a hɛ mi nɛ kpata lo? Mo he wɔ kɛ wa zugba a tsuo, nɛ o ha wɔ niye ní ngɔ to nya. Wa maa pee Farao ɔ nyɔguɛhi, konɛ e ngɔ wa zugba a hulɔ. Ha wɔ blɛfo nɛ waa ye, nɛ wa ko ba gbo, kɛ ngmɛdu nɛ wa ma du ngɛ wa ngmɔ ɔmɛ a nɔ.”

Mose I, 47:19 ပူးပေါင်းရင်းမြစ်များ

Hiob 2:4

Satan he nɔ ke, “Nɔ́ tsuaa nɔ́ nɛ ngɛ nɔ ko dɛ ɔ, e ma nyɛ ngɔ kɛ ha, ke e yi ma na wami kɛkɛ ɔ.

Kɔmɔ Yemi 5:9

Wa hɛɛ wa wami ngɛ wa nguɛ nya kɛ ngɛ wa nya mi ngma hlae kɛ bee; ejakaa awi yeli ngɛ zugba a tsuo nɔ kpae.

Kɔmɔ Yemi 5:6

Wa ngɔ wa he ya bɔ Egipt, kɛ Asiria bi a he, konɛ wa ná ngma nɛ waa ye nɛ waa tɔ.

Kɔmɔ Yemi 1:11

E we bi ɔmɛ ngɛ kɛmɛe kɛ ngɛ nɔ́ ko hlae nɛ a ye. A ngɔ a juetli ɔmɛ kɛ tsake niye ní, konɛ a yi nɛ na wami. Ma a ngɛ kue fae ke, “Yawɛ, moo hyɛ nɛ o na mi mɔbɔ, ejakaa ye he guɛ gbo!”

Mateo 16:26

Mɛni se nɔ ko ma na ke e nine su je ɔ tsuo nɔ, se e laa e klaa? Dɛbi! Nɔ́ ko be nɛ e ma ngɔ ha nɛ e kɛ kpɔ e klaa a.

Mose I, 47:15

Benɛ sika nɛ ngɛ Egipt kɛ Kanaan tsuo ba ta a, Egipt bi ɔmɛ ba de Yosef ke, “Ha wɔ ní nɛ waa ye! Anɛ o maa hi wɔ hyɛe nɛ wa gbo lo? Wa sika tsuo ta.”

Mose I, 47:18

Jeha nɛ nyɛɛ se ɔ, Egipt bi ɔmɛ ba Yosef ngɔ ekohu, nɛ a ba de lɛ ke, “Wa nyɔmtsɛ, wa be mo nɔ́ ko nɔ laae. Anɔkuale mi ɔ, wa sika tsuo ta; nɛ wa lohwe ɔmɛ hu ba pee o níhi. Nɔ́ kpa ko pa be wa dɛ pe wɔ nitsɛmɛ, kɛ wa zugba a.

Mose I, 47:20

Yosef he Egipt zugba a tsuo kɛ ha Farao ɔ. Egipt no tsuaa Egipt no jua e zugba, ejakaa hwɔ ɔ nya ba wa tsɔ. Nɛ zugba a tsuo ba pee Farao ɔ nɔ́.

Mose I, 41:36

A kɛ niye ní nɛ ɔ maa to kɛ yaa si hwɔ maa ba Egipt zugba a nɔ jeha kpaago nɛ nyɛɛ se ɔ. Bɔ nɛ o maa pee nɛ hwɔ be zugba a hɛ mi kpatae ji nɛ ɔ nɛ.”