Mose I, 47:11 - BAIBLO ALOO NGMAMI KLƆUKLƆU Ɔ

¹¹ Jehanɛ, Yosef ha e tsɛ kɛ e nyɛmimɛ ɔmɛ sihi he ngɛ Egipt zugba a nɔ. Kaa bɔ nɛ Farao ɔ fa lɛ Yosef ɔ, e ha mɛ weto ní ngɛ Rameses kasa nya, nɛ ji zugba nɛ hi pe zugba a tsuo.

Mose I, 47:11 ပူးပေါင်းရင်းမြစ်များ

Mose I, 46:34

nyɛ de lɛ ke, ‘Kɛ je wa nihe mi kɛ ba si mwɔnɛ nɛ ɔ, lohwe wa lɛɛ; wa nɛmɛ ɔmɛ hu kikɛmɛ a ní tsumi nɛ ɔ nɔuu a tsu.’ Ke nyɛ de lɛ ja a, e ma ha nɛ nyɛɛ hi Goshen zugba a nɔ; ejakaa Egipt bimɛ hiee lohwe lɛli.”

Mose I, 47:27

Israel bi ɔmɛ hi Goshen zugba a nɔ ngɛ Egipt. A na ní, nɛ a fɔ bimɛ, nɛ a he hiɛ babauu.

Mose I, 47:6

Egipt zugba a lɛ ngɛ o hɛ mi tilaa nɛ ɔ nɛ. Ha nɛ o tsɛ kɛ o nyɛmimɛ ɔmɛ nɛ a hi Goshen zugba a nɔ; lejɛ ɔ ji he nɛ hi pe zugba a tsuo. Ke o na kaa a ti ni komɛ le lohwe lɛmi ní tsumi nɛ ɔ saminya a, ha nɛ a ya hyɛ imi nitsɛ ye lohwe ɔmɛ a nɔ.”

Mose II, 1:11

Lɔ ɔ he ɔ, Egipt bi ɔmɛ ngɔ nyɔguɛhi a nɔ yeli ngɔ to Israel bi ɔmɛ a nya, konɛ a wa mɛ yi mi kɛ ní tsumihi nɛ he wa. Israel bi ɔmɛ ma Pitom kɛ Rameses, nɛ ji mahi nɛ a toɔ ní ngɛ a mi kɛ ha Farao ɔ.

Mose II, 12:37

Israel bi ɔmɛ nyɛɛ nane kɛ je Rameses kɛ ho Sukot ya. Nyumu ɔmɛ kɛkɛ a hiɛmi maa pee akpe lafa ekpa; slo yihi kɛ jokuɛwi.

Yesaya 22:24

“Se e tsɛ we ɔ, e bimɛ, e nyɛmimɛ, kɛ e nina tsuo ma ba pee tlomi ngɛ e nɔ kaa kutuhi kɛ kãhi nɛ kplaa si ngɛ tso plɛɛko he!

Mose IV, 33:3

Israel bi ɔmɛ je Egipt ngɛ kekleekle nyɔhiɔ ɔ we ligbi nyɔngma kɛ enuɔne nɛ ji kekleekle Hetsɔmi ligbi ɔ we jena nɔ. A kɛ manye hia kɛ je ma nɛ a tsɛɛ Rameses ɔ, ngɛ Egipt bi ɔmɛ tsuo a hɛ mi paa.

Yohane 10:10

Se julɔ ɔ lɛɛ ke e ba a, e ba juɔ; e gbeɔ to ɔmɛ, nɛ e kpataa a hɛ mi. Imi lɛɛ i ba, konɛ nyɛ na wami, nɛ nyɛ na kɛ be nɔ.

Yohane 10:28

I haa mɛ neneene wami, nɛ a be gboe gblegbleegble. Nɔ ko nɔ ko be nyɛe ma kpɔ mɛ ngɛ ye dɛ.

Yohane 14:2

Sihi hehi babauu ngɛ Tsaatsɛ we ɔ; ke pi ja a, jinɛ i de nyɛ momo, ejakaa i yaa nɛ ma ya dla he ko ngɔ to nyɛ.

Yohane 14:23

Yesu he nɔ ke, “Ke nɔ ko suɔ mi ɔ, e maa ye ye munyu ɔmɛ a nɔ. Kɛkɛ ɔ, Tsaatsɛ maa suɔ lɛ, nɛ wa maa ba e ngɔ, nɛ waa kɛ lɛ ma ba hi si.

Yohane 17:2

Ejakaa o ha mi he wami nɛ ma ye adesahi tsuo a nɔ, konɛ nihi tsuo nɛ o tu ngɔ wo ye dɛ mi ɔ, ma ha nɛ a na neneene wami.

Yohane 17:24

“Tsaatsɛ! Nihi nɛ o tu ngɔ wo ye dɛ mi ɔ, he nɛ i ngɛ ɔ, i suɔ kaa mɛ hu a hi lejɛ ɔ, bɔ nɛ pee nɛ a na ye hɛ mi nyami ɔ. O ha ye hɛ mi ba nyami, ejakaa benɛ o na we nɛ o bɔ je ɔ tete po o suɔ mi.