Mose I, 47:1 - BAIBLO ALOO NGMAMI KLƆUKLƆU Ɔ

^1-2 Yosef hla e nyɛmimɛ ɔmɛ a ti nihi enuɔ, nɛ e kɛ mɛ ya tsɔɔ Farao ɔ. Yosef de Farao ɔ ke, “Tsaatsɛ kɛ ye nyɛmimɛ ɔmɛ je Kanaan zugba a nɔ kɛ ba. A kɛ a tohi, kɛ a nahi, kɛ a weto ní tsuo ba. Amlɔ nɛ ɔ, a pueɔ si ngɛ Goshen zugba a nɔ.”

Mose I, 47:1 ပူးပေါင်းရင်းမြစ်များ

Mose I, 46:31

Kɛkɛ nɛ Yosef de e nyɛmimɛ ɔmɛ, kɛ e tsɛ weku li ɔmɛ ke, “I yaa nɛ ma ya de Farao ɔ ke, ‘Ye nyɛmimɛ, kɛ tsaatsɛ weku ɔ tsuo je Kanaan kɛ ba ye ngɔ.’

Mose I, 45:10

O ma ba hi Goshen zugba a nɔ, ngɛ ye kasa nya. O kɛ o bimɛ ɔmɛ, o bibimɛ ɔmɛ, o to ɔmɛ, o na amɛ, kɛ o weto ní tsuo nɛ ba.

Mose I, 46:28

Yakob tsɔ Yuda kɛ sɛ hlami, konɛ e ya de Yosef nɛ e kɛ lɛ ba kpe ngɛ Goshen. E kɛ we nɛ a ya su Goshen.

Hebribi 2:11

Ejakaa nɔ nɛ tsuɔ nihi a he, kɛ ni nɛmɛ e tsu a he ɔ tsuo a tsɛ kake. Enɛ ɔ he je ɔ, e pee we Yesu zo kaa e ma tsɛ mɛ nyɛmimɛ.

Mose II, 9:26

Se Goshen zugba a nɔ he nɛ Israel bi ɔmɛ ngɛ ɔ lɛɛ gbiɛ ngo ngu kake po nɔɛ lejɛ ɔ.

Mose II, 8:22

Jamɛ a be ɔ mi ɔ, ma je Goshen zugba a, he nɛ ye ma a ngɛ ɔ kɛ je mi, nɛ pwɔlwɛhi be lejɛ ɔ yae, konɛ o le kaa i ngɛ ní tsue ngɛ zugba a nɔ.

Mose I, 46:34

nyɛ de lɛ ke, ‘Kɛ je wa nihe mi kɛ ba si mwɔnɛ nɛ ɔ, lohwe wa lɛɛ; wa nɛmɛ ɔmɛ hu kikɛmɛ a ní tsumi nɛ ɔ nɔuu a tsu.’ Ke nyɛ de lɛ ja a, e ma ha nɛ nyɛɛ hi Goshen zugba a nɔ; ejakaa Egipt bimɛ hiee lohwe lɛli.”

Mose I, 45:16

Benɛ munyu ɔ ya pɛ ngɛ matsɛ we ɔ mi kaa Yosef nyɛmimɛ ɔmɛ ba a, Farao ɔ kɛ e tsɔli ɔmɛ a bua jɔ.