Mose I, 46:3 - BAIBLO ALOO NGMAMI KLƆUKLƆU Ɔ

³ Mawu de lɛ ke, “Imi ji Mawu, o tsɛ Isak Mawu ɔ. Koo ye gbeye kaa o maa ya Egipt; ejakaa ma ha nɛ o nina maa pee ma agbo ngɛ lejɛ ɔ.

Mose I, 46:3 ပူးပေါင်းရင်းမြစ်များ

Mose V, 26:5

Mo de ngɛ Yawɛ hɛ mi ke, ‘Aram no si kpalɔ ji ye nɛ̃. E kɛ nihi bɔɔ pɛ nɛ ho Egipt ya; e ya to nubwɔ ngɛ lejɛ ɔ, se a ba pee ma agbo nɛ he wa saminya.

Mose I, 12:2

Ma ha mo nina babauu, nɛ a maa pee je ma agbo. Ma gbaa mo, nɛ ma ha o ma he biɛ, nɛ a maa gu o nɔ kɛ gbaa nihi babauu.

Ni Tsumi 27:24

nɛ e de mi ke, ‘Paulo, koo ye gbeye! Ja a kɛ mo ya da Kaisare ɔ hɛ mi kokooko. Mawu na mo mɔbɔ saminya, nɛ e he o kɛ nihi tsuo nɛ ngɛ lɛ ɔ mi ɔ nyɛ yi wami.’

Yesaya 41:10

Koo ye gbeye. I kɛ mo ngɛ! Ko ha nɛ nɔ́ ko nɛ wo o he gbeye. Imi ji o Mawu ɔ nɛ! Ma wo mo he wami; ma piɛ o he; Ma bu o he, nɛ ma baa o yi.

Mose I, 35:11

Jehanɛ Mawu de lɛ ke, “Imi ji Mawu Ope ɔ nɛ; mo fɔ bimɛ babauu. Niinɛ, je mahi kɛ matsɛmɛ maa je o mi.

Ni Tsumi 7:17

“Benɛ be ɔ nɛ Mawu maa ye si nɛ e wo Abraham ɔ nɔ ɔ su ɔ, jamɛ a be ɔ, wa nyɛmimɛ ɔmɛ a he ba hiɛ babauu.

Mose V, 10:22

Benɛ nyɛ nɛmɛ ɔmɛ yaa Egipt ɔ, mɛ nimli nyingmi kpaago pɛ nɛ a ho, se amlɔ nɛ ɔ, Yawɛ, nyɛ Mawu ɔ ha nyɛ he hiɛ babauu kaa dodoehi ngɛ hiɔwe.

Mose V, 1:10

Yawɛ nyɛ Mawu ɔ ha nɛ amlɔ nɛ ɔ nyɛ he hiɛ babauu kaa dodoehi ngɛ hiɔwe.

Mose I, 47:27

Israel bi ɔmɛ hi Goshen zugba a nɔ ngɛ Egipt. A na ní, nɛ a fɔ bimɛ, nɛ a he hiɛ babauu.

Mose I, 22:17

imi hu ma gbaa mo, nɛ ma ha o nina maa hiɛ babauu kaa dodoehi ngɛ hiɔwe, loo wo nya zia. O nina maa ye a he nyɛli a nɔ.

Mose I, 18:18

E nina ma ba pee je ma kpetekpleenyɛ nɛ a he maa wa, nɛ ma gu e nɔ kɛ gbaa je ma amɛ tsuo.

Mose I, 15:13

Kɛkɛ nɛ Yawɛ de lɛ ke, “I ngɛ mo dee anɔkuale mi kaa o nina ma ya pee nibwɔhi ngɛ zugba kpa nɔ; a maa pee nyɔguɛhi ngɛ lejɛ ɔ, nɛ a maa wa mɛ yi mi jeha lafa eywiɛ.

Mose I, 15:1

Enɛ ɔ se ɔ, Yawɛ kɛ Abram tu munyu ngɛ nina mi ke, “Abram, koo ye gbeye. Ma bu o he, nɛ ma gbaa mo babauu.”

Yeremia 40:9

Gedalia de mɛ ke, “I ngɛ nyɛ kita kae kaa nyɛ ko ye gbeye kaa nyɛ maa ngɔ nyɛ he ya ha Babilonia bi ɔmɛ. Nyɛɛ hi zugba a nɔ, nɛ nyɛ sɔmɔ Babilonia matsɛ ɔ, kɛkɛ e maa hi ha nyɛ.

Mose I, 17:1

Benɛ Abram ye jeha nyingmi nɛɛ kɛ nɛɛ ɔ, Yawɛ je e he kpo ngɔ tsɔɔ lɛ, nɛ e de lɛ ke, “Imi ji Mawu Ope ɔ nɛ. Moo bu mi, nɛ o pee nɔ́ nɛ da daa.

Mose I, 48:16

Mawu bɔfo ɔ nɛ hyɛ ye nɔ, nɛ je mi kɛ je haomihi tsuo a mi ɔ, e gbaa nyumuwi nɛ ɔmɛ! Nyumuwi nɛ ɔmɛ nɛ a wo imi, kɛ nɛnɛ Abraham, kɛ tsaatsɛ Isak wa biɛ ɔmɛ a hɛ mi nyami daa! A fɔ, nɛ a he nɛ hiɛ babauu ngɛ zugba a nɔ!”

Mose I, 48:19

Se e tsɛ ɔ kplɛɛ we. E tsɛ ɔ de ke, “I le, ye bi, i le. Manase ɔ, lɛ hu e nina ma ba pee ma agbo hwɔɔ se. Se mohu ɔ, e senɔ ɔ ma ba pee nɔmlɔ agbo pe lɛ, nɛ e senɔ ɔ nina ma ba pee je ma nguanguahi.”

Mose II, 14:13

Se Mose de ma a ke, “Nyɛ ko je fɔ̃, nyɛɛ da si kaa nyumuhi, nɛ nyɛ maa na bɔ nɛ Yawɛ maa pee kɛ he nyɛ yi wami mwɔnɛ ɔ. Egipt bi ɔmɛ nɛ nyɛ ngɛ mɛ hyɛe mwɔnɛ ɔ, nyɛ be mɛ nae hu gblegbleegble.

Mose II, 1:12

Se si abɔ nɛ a ngɛ mɛ yi mi wae ɔ, si abɔ nɛ a ngɛ hiɛe nɛ a ngɛ gbɛe kɛ ngɛ zugba a nɔ hae. Egipt bi ɔmɛ ye Israel bi ɔmɛ gbeye.