Mose I, 45:7 - BAIBLO ALOO NGMAMI KLƆUKLƆU Ɔ

⁷ Mawu tsɔ mi kɛ nyɛɛ nyɛ hɛ mi, konɛ ma ba he nyɛ yi wami ngɛ nyakpɛ blɔ nɛ ɔ nɔ; nɛ ma hyɛ nɛ nyɛɛ kɛ nyɛ nina nɛ wo ngmɛdu ngɛ zugba a nɔ.

Mose I, 45:7 ပူးပေါင်းရင်းမြစ်များ

Ni Tsumi 7:35

“Kikɛmɛ a Mose nɛ ɔ nɔuu nɛ Israel ma a ke a hla we lɛ, nɛ a bi ke, ‘Mɛnɔ lɛ wo mo wa nɔ matsɛ kɛ kojolɔ?’ ɔ, Mawu gu bɔfo ɔ nɛ je e he kpo tsɔɔ lɛ ngɛ pú ɔ mi ɔ nɔ, nɛ e tsɔ lɛ kaa e ba ye a nɔ nɛ e kpɔ mɛ.

La 44:4

Mo ji ye matsɛ kɛ ye Mawu; mo lɛ o haa nɛ o ma a yeɔ kunimi.

La 18:50

Mawu haa nɛ David yeɔ kunimi daa. Matsɛ ɔ nɛ lɛ, Mawu ɔ pɔ nu ɔ, e naa lɛ mɔbɔ daa; lɛ, kɛ e bimɛ, kɛ e nina tsuo.

Manyadali 15:18

Jehanɛ, kuma ba ye Samson wawɛɛ nitsɛ; nɛ e fa kue ha Yawɛ nɛ e de ke, “O tsu manye ní tsumi nguaa nɛ ɔ kɛ gu o tsɔlɔ ɔ nine nɔ. Anɛ kuma nɛ gbe mi, nɛ mɔmlɔtɔtsɛmɛ nɛ ɔmɛ a nine nɛ su ye nɔ lo?”

Kronika I, 11:14

Kɛkɛ nɛ e kɛ David ya da ta a nya ngɛ akoko ngmɔ ɔ kpɛti tutuutu, nɛ a kɛ Filisti bi ɔmɛ hwu. Yawɛ ha nɛ a ye kunimi nguaa.

Mose I, 45:5

E ko hao nyɛ, nɛ nyɛ ko pia nyɛ he hulɔ kaa nyɛ jua mi kɛ ba hiɛ ɔ. Mawu nitsɛ lɛ tsɔ mi kɛ nyɛɛ nyɛ hɛ mi, konɛ ma ba he nihi a yi wami.

Mose I, 50:20

Nyɛɛ lɛɛ nyɛ so kaa nyɛ maa pee mi yayami, se Mawu tsake nyɛ yi mi tomi ɔ kɛ pee nɔ́ kpakpa; bɔ nɛ pee nɛ e kɛ he nihi babauu a yi wami, kaa bɔ nɛ e ba mi mwɔnɛ nɛ ɔ.

Mose I, 47:12

Yosef ha e tsɛ, kɛ e nyɛmimɛ ɔmɛ, kɛ e tsɛ weku li ɔmɛ, kɛ a bimɛ tsɔwitsɔwi ɔmɛ tsuo niye ní, bɔ nɛ su nɔ tsuaa nɔ nya.