Mose I, 45:6 - BAIBLO ALOO NGMAMI KLƆUKLƆU Ɔ

⁶ Jeha enyɔ ji nɛ ɔ nɛ hwɔ ba zugba a nɔ tsuo. Se e pa piɛ jeha enuɔ ngɛ wa hɛ mi nɛ a be ní gbae ɔ, a be ní kpae hulɔ.

Mose I, 45:6 ပူးပေါင်းရင်းမြစ်များ

Mose I, 47:23

Yosef de ma a ke, “I he nyɛ kɛ nyɛ zugba a mwɔnɛ ligbi nɛ ɔ kɛ ha Farao ɔ. Blɛfo ji nɛ ɔ nɛ; nyɛ ba ngɔ nɛ nyɛ ya du.

Mose I, 41:56

Benɛ hwɔ ɔ nya ba wa ngɛ zugba a tsuo nɔ ɔ, Yosef bli nito he ɔmɛ tsuo a nya, nɛ e jua blɛfo ha Egipt bi ɔmɛ.

Mose I, 41:54

nɛ jeha kpaago kɛ e mi hwɔ nɛ nya wa hu je sisi kaa bɔ nɛ Yosef de ɔ pɛpɛɛpɛ. Hwɔ nɛ nya wa ye ngɛ zugba amɛ tsuo a nɔ; se Egipt zugba a nɔ tsuo lɛɛ niye ní ngɛ.

Yesaya 30:24

Nahi kɛ tejihi nɛ tsuɔ ní ngɛ nyɛ ngmɔ ɔmɛ a nɔ ɔ, a ma na niye ní kpakpa; nga nɛ a je blɔ poo nɛ a kɛ ngo futu lɛ nɛ a maa ye.

Samuel I, 8:12

E maa to tatsɛmɛ ngɛ ta buli akpehi, kɛ nyingmi enuɔɔnuɔ a nya. Ni komɛ ma hu ngmɔ nɛ a ma kpa ní ha lɛ, nɛ ni komɛ hu maa sɔ̃ ta hwumi níhi, kɛ ta zugba lɛ ɔmɛ a he níhi.

Mose V, 21:4

Nimeli ɔmɛ nɛ a kpaka lohwe ɔ kɛ ya kɔ̃ ko nya, he nɛ nyu bee ngɛ daa, he ko nɛ a hu we, nɛ a du we ní ngɛ hyɛ. Á ku lohwe ɔ kuɛ ngɛ lejɛ ɔ.

Mose II, 34:21

“Mo tsu ní ligbi ekpa, se ligbi nɛ ji kpaago ɔ lɛɛ moo jɔɔ o he; ní gbami be tete jio, ní kpami be tete jio.

Mose I, 47:18

Jeha nɛ nyɛɛ se ɔ, Egipt bi ɔmɛ ba Yosef ngɔ ekohu, nɛ a ba de lɛ ke, “Wa nyɔmtsɛ, wa be mo nɔ́ ko nɔ laae. Anɔkuale mi ɔ, wa sika tsuo ta; nɛ wa lohwe ɔmɛ hu ba pee o níhi. Nɔ́ kpa ko pa be wa dɛ pe wɔ nitsɛmɛ, kɛ wa zugba a.

Mose I, 37:2

Yakob kɛ e yi ɔmɛ kɛ e bimɛ ɔmɛ a he sane ji nɛ ɔ nɛ. Benɛ niheyo wayoo Yosef ɔ ye jeha nyɔngma kɛ kpaago ɔ, e kɛ e nyɛmimɛ ɔmɛ, nɛ ji e tsɛ yi kpa amɛ a bimɛ ɔmɛ, hyɛɛ a tsɛ to ɔmɛ. Yi nɛ ɔmɛ ji Bilha kɛ Zilpa. Ke pee ɔ, Yosef ba bɔɔ e tsɛ ní yayahi nɛ e nyɛmimɛ ɔmɛ hii pee.

Mose I, 41:53

Jeha kpaago ɔmɛ nɛ niye ní ba babauu ngɛ Egipt zugba a nɔ ɔ se ba po,

Mose I, 41:35

Niye ní tsuo nɛ maa ba ngɛ jeha kpakpa amɛ a mi ɔ, ha nɛ a bua nya. Moo wo mlaa nɛ a to blɛfo ngɛ ma tsuaa ma mi, nɛ a bu he.