Mose I, 45:3 - BAIBLO ALOO NGMAMI KLƆUKLƆU Ɔ

³ Yosef de e nyɛmimɛ ɔmɛ ke, “Imi ji Yosef. Anɛ tsaatsɛ ngɛ je mi kɛ mwɔɔ lo?” Se benɛ e nyɛmimɛ ɔmɛ nu nɔ́ nɛ ɔ, a tsui po wawɛɛ nitsɛ nɛ a nyɛ we nɛ a ha lɛ heto.

Mose I, 45:3 ပူးပေါင်းရင်းမြစ်များ

Ni Tsumi 7:13

Benɛ a kpale ya lejɛ ɔ si enyɔne ɔ, Yosef je e he si ngɔ ha e nyɛmimɛ ɔmɛ, nɛ Egipt matsɛ ɔ hu ba le Yosef weku ɔ.

Ni Tsumi 9:5

Saulo bi ke, “Nyɔmtsɛ, mo mɛnɔ?” Gbi ɔ de lɛ ke “Imi ji Yesu, nɔ nɛ o ngɛ lɛ yi mi wae ɔ nɛ!

Zakaria 12:10

“David nina, kɛ ni kpahi nɛ ngɛ Yerusalem ɔ, ma ngɔ mumi nɛ naa mɔbɔ, kɛ mumi nɛ faa kue ngɔ wo a mi tɔ. Kɛkɛ ɔ, ke a na nɔ nɛ a gbɔ lɛ nɔ́ ɔ, a maa nyɛ ya ha lɛ kaa bɔ nɛ a nyɛɛ ya ha bi kake too. A ma nya awe kaa nihi nyaa awe ha a bitɛte.

Kpojemi 1:7

Hyɛ! E ngɛ bɔku ɔmɛ a mi kɛ ma, nɛ nɔ tsuaa nɔ maa na lɛ; nihi nɛ gbɔɔ lɛ ní ɔ hu maa na lɛ. Nihi tsuo nɛ ngɛ je ɔ mi ɔ maa wo yana ha lɛ. Ee, é ba mi ja! Amen.

Luka 5:8

Benɛ Simon Petro na nɔ́ nɛ ba a, e kpla si ngɛ Yesu nane nya, nɛ e de ke, “Nyɔmtsɛ! Jee ye kasa nya, ejakaa yayami peelɔ ji mi!”

Marko 6:50

ejakaa mɛ tsuo a na lɛ, nɛ a tsui po. Se Yesu kɛ mɛ tu munyu amlɔ nɔuu; e de mɛ ke, “Nyɛ ko je fɔ̃; imi; nyɛ ko ye gbeye!”

Hiob 23:15

Ke i susu ní nɛ ɔmɛ a he ɔ, i yeɔ Mawu gbeye, nɛ ye he doɔ blibliibli ngɛ e hɛ mi.

Hiob 4:5

Amlɔ nɛ ɔ, haomi ba o nɔ nɛ o jija, nɛ o nyɛ we nya nɛ o da.

Mose I, 37:20

Nyɛ ha nɛ waa gbe lɛ, nɛ wa sake lɛ kɛ wo muɔ nɛ ɔmɛ eko mi. Wa ma ya de ke lohwe awi yelɔ ko ye lɛ. Kɛkɛ wa maa hyɛ nɔ́ nɛ maa je e nlami ɔmɛ a mi kɛ ba.”

Mose I, 42:21

nɛ a de a sibi ke, “Niinɛ, nɔ́ nɛ wa pee wa nyɛmi ɔ be ko nɛ be ɔ, lɔ ɔ he nɔ́ wa ngɛ nae nɛ ɔ nɛ. Wa na bɔ nɛ e hao, nɛ e kpa wɔ pɛɛ ke waa na lɛ mɔbɔ; se wa pui mi. Enɛ ɔ he je nɛ kikɛmɛ a haomi nɛ ɔ ba wa nɔ ɔ nɛ.”

Mose I, 42:22

Ruben de mɛ ke, “Tse i de nyɛ ke nyɛ ko pee jokuɛ ɔ yayami ko nɛ nyɛ bui mi tue; e gbenɔ ɔ he tue gblami nɛ wa ngɛ nae nɛ ɔ nɛ.”

Mose I, 43:27

E bi mɛ ke a ngɛ saminya lo, nɛ lɔ ɔ se ɔ, e de ke, “Nyɛɛ kɛ mi nɛ sɛɛ nyɛ tsɛ nɔmoyo ɔ he ní; kɛ e ngɛ kɛɛ? Anɛ e ngɛ je mi kɛ mwɔɔ lo? E ngɛ saminya lo?”