Mose I, 45:22 - BAIBLO ALOO NGMAMI KLƆUKLƆU Ɔ

²² Jehanɛ e ha a ti nɔ tsuaa nɔ he dlami tade kakaaka; se Benyamin lɛɛ, e ha lɛ sika hiɔ yi lafa etɛ kɛ he dlami tade enuɔ.

Mose I, 45:22 ပူးပေါင်းရင်းမြစ်များ

Mose I, 43:34

A gba ní kɛ je Yosef okplɔɔ ɔ he ya ha e nyɛmimɛ ɔmɛ, nɛ Benyamin nɔ́ ɔ hiɛ pe a ti nɔ tsuaa nɔ nɔ́ si enuɔ. A kɛ Yosef ye ní, nɛ a nu ní kɛ ya si mɛ tsuo a de dã.

Matsɛmɛ II, 5:5

Siria matsɛ ɔ de lɛ ke, “Yaa nɛ o ya na Israel matsɛ ɔ; ma ha mo womi nɛ o hɛɛ kɛ ya ha lɛ.” Kɛkɛ nɛ Naeman pue nɔ kɛ ho. Benɛ e yaa a, e hɛɛ sika hiɔ yi akpe nyingmi etɛ, sika tsu yi akpe ekpa, kɛ he dlami tade saminyawiiwi nyɔngma kɛ ho.

Manyadali 14:12

Samson de mɛ ke, “Ma sia nyɛ ajo ko. Ke nyɛ tsɔɔ mi sisi ngɛ okplɔɔ ngmɛmi ligbi kpaago nɛ ɔmɛ a mi ɔ, ma ha nyɛ bo nyingmi etɛ, kɛ he dlami tade nyingmi etɛ.

Kpojemi 6:11

A ha a ti nɔ tsuaa nɔ tade hiɔ klɔii, nɛ a de mɛ ke a jɔɔ a he be bɔɔ ko lolo kɛ yaa si a maa gbe a nyɛmimɛ Kristo se nyɛɛli ɔmɛ tsuo nɛ piɛ ɔ kaa bɔ nɛ a gbe mɛ nitsɛmɛ ɔ. Nimli nɛ ɔmɛ hu sɔmɔɔ Mawu kaa mɛ kɛ̃.

Manyadali 14:19

Tlukaa a, Yawɛ mumi ɔ ba e nɔ, nɛ e pue nɔ kɛ ho Ashkelon ya; nɛ e ya gbe nyumuhi nyingmi etɛ ngɛ lejɛ ɔ. E kpa a he níhi, nɛ e ngɔ he dlami tade ɔmɛ kɛ ba ha nyumu ɔmɛ nɛ tsɔɔ ajo ɔ sisi ɔ. Nɛ e kɛ mi mi fumi je kɛ ho e ma mi ya.

Mose I, 45:23

Níhi nɛ e mane e tsɛ ji nɛ ɔmɛ nɛ: teji nyɔngma kɛ a se mi Egipt ní kpakpahi, kɛ teji yo nyɔngma kɛ a se mi blɛfo kɛ abolo, kɛ niye ní nɛ e tsɛ ɔ maa ye ngɛ blɔ ɔ nɔ kɛ ba.