Mose I, 45:21 - BAIBLO ALOO NGMAMI KLƆUKLƆU Ɔ

²¹ Yakob bimɛ ɔmɛ pee kaa bɔ nɛ a de mɛ ɔ. Yosef ha mɛ ta zugba lɛhi kaa bɔ nɛ Farao ɔ fa ke a pee ɔ; nɛ e ha mɛ niye ní nɛ a maa ye ngɛ blɔ ɔ nɔ hulɔ.

Mose I, 45:21 ပူးပေါင်းရင်းမြစ်များ

Mose I, 45:19

Jehanɛ, de mɛ ke a ngɔ ta zugba lɛ kɛ je Egipt kɛ ho, nɛ a kɛ ya ngɔ a yi ɔmɛ, kɛ a bimɛ tsɔwitsɔwi ɔmɛ, kɛ a tsɛ ɔ kɛ ba.

Ezekiel 23:24

Ta buli kɛ a ta zugba lɛhi babauu, kɛ a tlɔɔkehi kɛ a mi tlomi maa je omleyi je kɛ ba tua mo. A kɛ tsɛ̃i agbohi, tsɛ̃i wawi, kɛ dade pɛɛ ma gba ta kɛ wo o he. Ma ha a maa kojo mo ngɛ mɛ nitsɛmɛ a mlaa nya.

Kɔmɔ Yemi 1:18

“Yawɛ nɔ́ da. Ejakaa imi lɛ i tsɔ atuã, nɛ i bui e munyu ɔ; se kɛ̃ ɔ, nyɛ nihi tsuo nyɛɛ bu mi tue, konɛ amanehlu nɛ ba ye nɔ nɛ ɔ, nyɛɛ na. A nuu ye nihewi ɔmɛ, kɛ yihewi ɔmɛ nyɔguɛ kɛ ho.

Fiɛlɔ 8:2

Ye matsɛ mlaa a nɔ kaa bɔ nɛ o ka Mawu kita ke o maa pee ɔ.

Kronika II, 35:16

Lɔ ɔ he ɔ, kaa bɔ nɛ Matsɛ Yosia fa ma a, a to nɔ́ tsuaa nɔ́ blɔ nya jamɛ a ligbi ɔ kɛ ha Yawɛ sɔmɔmi, Hetsɔmi nyami be ɔ yemi, kɛ sami bɔ sami ngɛ bɔ sami la tɛ ɔ nɔ.

Kronika II, 8:13

E sã sami bɔhi, kaa bɔ nɛ Mose mlaa a tsɔɔ kaa a pee nyami be ɔmɛ, Hejɔɔmi ligbihi, Nyɔhiɔhe nyami behi, kɛ nyami be etɛ ɔmɛ nɛ a yeɔ ngɛ jeha mi ɔ. Mɛ ji Abolokplolo nyami be, Ngmakpami nyami be, kɛ Gbasisihimi nyami be.

Mose IV, 3:16

Mose pee kaa bɔ nɛ Yawɛ fa lɛ ɔ.

Mose II, 17:1

Israel ma mluku ɔ tsuo hia kɛ je Sin nga a nɔ bɔɔ bɔɔ bɔɔ kaa bɔ nɛ Yawɛ fa mɛ ɔ, nɛ a ya to si ngɛ Refidim; se nyu be lejɛ ɔ nɛ ma a maa nu.

Mose I, 46:5

Yakob hia kɛ je Beersheba. Yakob bimɛ ɔmɛ ngɔ a tsɛ Yakob, kɛ a yi ɔmɛ, kɛ a bimɛ tsɔwitsɔwi ɔmɛ ngɔ wo zugba lɛ ɔ nɛ Egipt matsɛ ɔ ngɔ mane mɛ ɔ mi.

Mose I, 45:27

Se benɛ a bɔ lɛ nɔ́ tsuaa nɔ́ nɛ Yosef de mɛ, nɛ e na zugba lɛ ɔmɛ nɛ Yosef ngɔ mane nɛ a kɛ ba ngɔ lɛ kɛ ba a, e nɔ gbagba te.

Mose I, 45:20

E ko hao mɛ kaa a maa je a weto níhi a he; ejakaa Egipt zugba a nɔ ní kpakpahi tsuo maa pee a nɔ́.”