Mose I, 45:18 - BAIBLO ALOO NGMAMI KLƆUKLƆU Ɔ

¹⁸ Ha nɛ a ya ngɔ a tsɛ, kɛ a we mi bi ɔmɛ, nɛ a kpale kɛ ba hiɛmɛ nɛ ɔ. Ma ha mɛ Egipt zugba a he nɛ hi pe kulaa, nɛ a ma na ní kpakpa babauu maa ye.

Mose I, 45:18 ပူးပေါင်းရင်းမြစ်များ

Mose I, 47:6

Egipt zugba a lɛ ngɛ o hɛ mi tilaa nɛ ɔ nɛ. Ha nɛ o tsɛ kɛ o nyɛmimɛ ɔmɛ nɛ a hi Goshen zugba a nɔ; lejɛ ɔ ji he nɛ hi pe zugba a tsuo. Ke o na kaa a ti ni komɛ le lohwe lɛmi ní tsumi nɛ ɔ saminya a, ha nɛ a ya hyɛ imi nitsɛ ye lohwe ɔmɛ a nɔ.”

Mose I, 27:28

Mawu nɛ ha mo bɔ́ kɛ je hiɔwe, nɛ o zugba a nɛ ba ní, nɛ o na blɛfo kɛ wai babauu.

La 147:14

E haa tue mi jɔmi baa o zugba a nɔ, nɛ niye ní buu tɔ.

Mose IV, 18:29

Nike níhi tsuo pɛpɛɛpɛ nɛ nyɛ na a, nyɛɛ ngɔ e mi nɔ́ nɛ hi pe kulaa, nɛ ji nɔ́ klɔuklɔu ɔ kɛ ba ha Yawɛ.

Mose IV, 18:12

“Jehanɛ, nu, wai he, kɛ blɛfo kpokploku, nɛ ji kekleekle yiblii nɛ a kɛ ba haa imi Yawɛ ɔ, lɔ ɔmɛ hu i ngɔ kɛ ha mo.

Yesaya 28:4

Bɔ nɛ ke nɔ ko na ngmɔkɔ nɛ fu loko e fumi be su, nɛ e tsɔɔ nɛ e yeɔ tsuatsuaatsua a, ja ma nimeli nɛ ɔmɛ a hɛ mi nyami ɔ maa laa si kake too.

Yesaya 28:1

Musu tloo Efraim nina, Israel nɔ yemi ɔ. E hɛ mi nyami ɔ ngɛ tae kaa mɔmɔ jlasi nɛ ma nimeli dã tɔli ngɔ fi a yi. A wo a yi mi nu je via saminya lɛɛ, se hyɛ mɛ nɛ a tɔ dã kpɔtɔɔ kɛ pueɔ si.

La 81:16

Se nyɛɛ lɛɛ ma lɛ nyɛ kɛ ngma kpakpa. Ma ha nyɛ hwo babauu kɛ je tɛ sa mi nɛ nyɛ maa ye.”

Mose V, 32:14

Na amɛ, kɛ to ɔmɛ ha nyɔ nyu babauu; e ha ma a jijɔ, apletsi, kɛ na kpakpahi; a ye ní kpakpa, nɛ a nu dã kpakpa.

Mose I, 45:17

Farao ɔ de Yosef ke, “De o nyɛmimɛ ɔmɛ ke a wo a lohwe ɔmɛ a nɔ ní, nɛ a kpale kɛ ho Kanaan zugba a nɔ ya.

Mose I, 46:34

nyɛ de lɛ ke, ‘Kɛ je wa nihe mi kɛ ba si mwɔnɛ nɛ ɔ, lohwe wa lɛɛ; wa nɛmɛ ɔmɛ hu kikɛmɛ a ní tsumi nɛ ɔ nɔuu a tsu.’ Ke nyɛ de lɛ ja a, e ma ha nɛ nyɛɛ hi Goshen zugba a nɔ; ejakaa Egipt bimɛ hiee lohwe lɛli.”